༄༅།།ཟབ་ཆོས་ཞི་ཁྲོ་དགོངས་པ་རང་གྲོལ་ལས༎

བར་དོ་ཐོས་གྲོལ་ཆེན་མོ་བཞུགས༎

 

{1}

༄༅།གདེར་ཆེན་ཀརྨ་གླིང་པའི་ཟབ་གཏེར་དུ་སྤྱན་དྲངས་པའི་ཟབ་ཆོས་ཞི་ཁྲོ་དགོངས་པ་རང་གྲོལ་ལས་ཐོས་གྲོལ་སྐོར་གྱི་དཀར་ཆག་

 

ཀ༽ སྐུ་གསུམ་བླ་མའི་རྣལ་འབྱོར་གྱི་གསོལ་འདེབས་དུག་གསུམ་མ་སྤང་རང་གྲོལ་ལྡེབ་༣།

ཁ༽ ཆོས་ཉིད་བར་དོའི་གསོལ་འདེབས་ཐོས་གྲོལ་ཆེན་མོ་ལྡེབ།༣༦

ག༽ གྲོ་བོའི་བར་དོ་འཆར་ཚུལ་བསྟན་པ་ལྡེབ།༢༡

ང༽ སངས་རྒྱས་དང་བྱང་ཆུབ་སེམས་དཔའ་རྣམས་ར་མདའ་སྤྲན་པའི་སྨོན་ལམ་ལྡེབ།༣

ཅ༽ བར་དོ་རྣམ་པ་དྲུག་གི་རྩ་ཆིག་ལྡེབ།༣

ཆ༽ བར་དོ་འཕྲང་གྲོལ་གྱི་སྨོན་ལམ་ལྡེབ།༤

ཇ༽ བར་དོའི་ཐོས་གྲོལ་ཆེན་མོ་ལས་སྲིད་པ་བར་དོའི་ངོ་སྤྲོད་ལྡེབ།༣༥

ཉ༽ བདག་གྲོལ་ཕུང་པོ་རང་གྲོལ་ལྡེབ།༢༤

ཏ༽ བར་དོའི་སྨོན་ལམ་འཇིགས་སྐྱོབས་ལྡེབ།༣

ཐ༽ ཆོས་སྤྱོད་བག་ཆགས་རང་གྲོལ་ལྡེབས།༢༦

ད༽ བརྒྱ་པྱག་སྡིག་སྒྲིབ་རང་གྲོལ་ལྡེབ།༡༥

{2}

ན༽ ཞི་ཁྲོའི་ཀློང་བཤགས་བརྫོད་པ་རང་གྲོལ་ལྡེབ།༢༤

པ༽ རིག་པ་ངོ་སྤྲོད་གཅེར་མཐོང་གྲོལ་ལྡེབ།༡༥

ཕ༽ འཆི་ལྟས་མཚན་མ་རང་གྲོལ་ལྡེབ།༢༥

བ༽ འཆི་བསླུ་འཇིགས་པ་རང་གྲོལ་ལྡེབ།༡༡

མ༽ སྲིད་པ་བར་དོའི་དགེ་སྡིག་རང་གཟུགས་བསྟན་པའི་གདམས་པ་སྲིད་པ་བར་དོ་རང་གྲོལ་ལྡེབ།༡༨

ཙ༽ སྲིད་པ་བར་དོའི་དགེ་སྡིག་རང་གཟུགས་བསྟན་པའི་ལྷན་ཐབས་ལྡེབ། བཅས་ཁྱོན་བསྡོམས་ཤོག་གྲངས།༢༧༥

  སྤྱི་ལོ་ 1985 ཟླ་ ཆོས་ རྒྱ་གར་མངའ་སྡི་ཆེན་མོ་ ཤཧཏ་དཱར་ནས་འཕྲུལ་པར་སྤེལ་བ་དགེ།

 

{3}

༁༔ ཟབ་ཆོས་ཞི་ཁྲོ་དགོངས་པ་རང་གྲོལ་ལས༔ སྐུ་གསུམ་བླ་མའི་རྣལ་འབྱོར་གྱི་

གསོལ་འདེབས་དུག་གསུམ་མ་སྤང་རང་གྲོལ་བཞུངས་སོ༔

{4}

༁ྃཿ ༔༁ཀཱ༁༔ རྣམ་དག་ཆོས་དབྱིངས་ཁྱབ་བརྡལ་ཕོ་བྲང་དུ༔ སྐྱེ་མེད་སྤྲོས་བྲལ་ཆོས་སྐུའི་

བླ་མ་ལ༔ བདག་ཉིད་མོས་གུས་གདུང་བས་གསོལ་བ་འདེབས༔ མ་རིག་གཏི་མུག་མ་སྤང་རང་གྲོལ་ནས༔

རང་བྱུང་ཡེ་ཤེས་མ་བཅོས་ལྷུན་གྲུབ་ཏུ༔ ཆོས་སྐུའི་བྱིན་རླབ་ཀ་དག་རང་དབང་ཞུ༔ གསལ་དག་ཡེ་ཤེས་བདེ་

ཆེན་ཕོ་བྲང་དུ༔ མ་འགགས་བདེ་ཆེན་ལོངས་སྐུའི་བླ་མ་ལ༔ བདག་ཉིད་མོ་གུས་གདུང་བས་གསོལ་བ་

{5}

༁ྃ༔ ༔འདེབས༔ འདོད་ཆོགས་ཞིན་པ་མ་སྤང་རང་གྲོལ་ནས༔ རང་རིག་ཡེ་ཤེས་བདེ་ཆེན་རང་གྲོལ་

དུ༔ ལོངས་སྐུའི་བྱིན་རླབ་ལྷུན་གྲུབ་རང་དབང་ཞུ༔ སྐྱོན་མེད་རྣམ་དག་པདྨའི་ཕོ་བྲང་དུ༔ ངེས་མེད་རང་ཤར་

སྤྲུལ་སྐུའི་བླ་མ་ལ༔ བདག་ཉིད་མོས་གུས་གདུང་བས་གསོལ་བ་འདེབས༔ ལོག་རྟག་ཞེ་སྡང་མ་སྤང་རང་

གྲོལ་ནས༔ རང་སྟང་ཡེ་ཤེས་རང་རིག་རང་གསལ་དུ༔ སྤྲུལ་སྐུའི་བྱིན་རླབ་རང་གྲོལ་རང་དབང་ཞུ༔ ཡང་

{6}

དག་འོད་གསལ་རང་རིག་ཕོ་བྲང་དུ༔ ཕྱོགས་མེད་བདེ་ཆེན་སྐུ་གསུམ་བླ་མ་ལ༔ བདག་ཉིད་མོས་གུས་གདུང་བས་གསོལ་བ་འདེབས༔

ཐ་དད་གཟུངས་འཛིན་མ་སྤང་རང་གྲོལ་ནས༔ རང་བྱུང་ཡེ་ཤེས་སྐུ་གསུམ་ལྷུན་གྲུབ་དུ༔ བདེ་ཆེན་སྐུ་གསུམ་བྱིན་རླབས་རང་དབང་ཞུ༔ རང་

སེམས་ཐ་བྲལ་ཆོས་སྐུར་མ་རྟོག་པས༔ གཏི་མུག་རྨོངས་པས་འཁོར་བར་འཁྱམས་པ་ཡི༔ སྡུག་བསྔལ་སེམས་ཅན་འདི་རྣམས་སྙིང་རེ་རྗེ༔

དེ་རྣམས་ཐམས་ཅད་ཆོས་སྐུ་ཐོབ་པར་ཤོག༔ རང་རིག་བདེ་ཆེན་ལོངས་སྐུར་མ་རྟོག་པས༔ འདོད་ཆགས་སྲེད་པས་འཁོར་བར་འཁྱམས་

པ་ཡིས༔ འདོད་ལོག་སེམས་ཅན་འདི་རྣམས་སྙིང་རེ་རྗེ༔ དེ་རྣམས་ཐམས་ཅད་ལོངས་སྐུ་ཐོབ་པར་ཤོག༔ རང་སེམས་ཤར་གྲོལ་སྤྲུལ་སྐུར་མ་

{7}

༁༔ ༔མ་རྟོག་པས༔ སྡང་སེམས་གཉིས་སྣང་འཁོར་བར་འཁྱམས་པ་ཡི༔ ལོག་རྟོག་སེམས་ཅན་འདི་རྣམས་སྙིང་རེ་རྗེ༔

དེ་རྣམས་ཐམས་ཅད་སྤྲུལ་སྐུ་ཐོབ་པར་ཤོག༔ རང་སེམས་སྐུ་གསུམ་དབྱེར་མེད་མ་རྟོག་བས༔ དེར་འཛིན་ཉོན་མོངས་ཤེས་བྱའི་སྒྲིབ་

པ་རྣམས༔ སངས་རྒྱས་མ་ཐོབ་འགྲོ་ཀུན་སྙིང་རེ་རྗེ༔ དེ་རྣམས་ཐམས་ཅད་སྐུ་གསུམ་ཐོབ་པར་ཤོག༔ ཟབ་ཆོས་ཞི་ཁྲོ་དགོངས་པ་རང་གྲོལ་གྱི༔ སྐུ་

གསུམ་བླ་མའི་རྣལ་འབྱོར་གྱི་གསོལ་འདེབས༔ དུག་གསུམ་མ་སྤང་རང་གྲོལ་ཞེས་བྱ་བ༔ ཨོ་རྒྱན་གྱི་མཁན་པོ་པདྨ་འབྱུང་གནས་ཀྱིས་སྦྱར་བ༔ ཇི་སྲིད་འཁོར་བའི་འཇིག་རྟེན་མ་སྟོང་བར༔ དེ་སྲིད་

དམ་ཆོས་འདི་ནི་མ་རྫོགས་སོ༔ གྲུབ་ཐོབ་ཀརྨ་གླིང་པས་སྒོམ་པོ་གདར་གྱི་རི་བོ་ལྷ་བྲན་གར་བྱེད་པ་འདྲེ་བ་ནས་གདན་དྲངས་པའོ

 

{9}

༄༅༔ ༔ཟབ་ཆོས་ཞི་ཁྲོ་དགོངས་པ་རང་གྲོལ་ལས༔ ཆོས་ཉིད་བར་དོའི་གསལ་འདེབས་ཐོས་གྲོལ་ཆེན་མོ་ཞེས་བྱ་བ་བཞུངས་སོ༔

{10}

༄༅༅༔ ༔ཆོས་སྐུ་སྣང་བ་མཐབ་ཡས་འོད་དཔག་མེད༔ ལོངས་སྤྲོད་

རྫོགས་སྐུ་པདྨ་ཞི་ཁྲོའི་ལྷ༔ པདྨ་འབྱུང་གནས་སྤྲུལ་སྐུ་འགྲོ་བའི་མགོན༔

སྐུ་གསུམ་བླ་མ་རྣམས་ལ་ཕྱག་འཚལ་ལོ༔ རྣལ་འབྱོར་འབྲིང་རྣམ་

{11}

༄༅༔ ༔བར་དོར་གྲོལ་བའི་ཐབས༔ ཐོས་གྲོལ་ཆེན་མོ་འདི་ལ་དོན་གསུམ་སྟེ༔

སྔོན་འགྲོ་དངོས་གཞི་རྫེས་དང་གསུམ་ཡིན་ནོ༔ དང་པོ་སྔོན་འགྲོའི་དུས་ཅན་གྲོལ་བ་ནི༔ ་ ཁྲིད་ཀྱི་

རིམ་པ་ཐོག་མར་ཉམས་སུ་བླངས༔ དབང་པོ་རབ་རྣམས་ཁྲིད་ཀྱིས་ངེས་པར་གྲོལ༔ དེས་མ་

{12}

གྲོལ་ན་འཆི་ཁའི་བར་དོ་ལ༔ འཕོ་བ་དྲེན་པ་རང་གྲོལ་ཉམས་སུ་བླངས༔ དེས་ནི་རྣལ་འབྱོར་འབྲིང་རྣམས་

ངེས་པར་གྲོལ༔ དེས་མ་གྲོལ་ན་ཆོས་ཉིད་བར་དོ་ལ༔ ཐོས་གྲོལ་ཆེན་མོ་འདི་ལ་ནན་ཏན་བྱའོ༔ དེ་ལ་དང་པོ་

རྣལ་འབྱོར་པས༔ འཆི་བབ་རྟག་པ་རྣམས་འཆི་ལྟས་གསལ་བའི་མེ་ལོང་ལྟརབ་རྟག་པར་བྱའོ༔ དེས་ན་ངེས་

པར་འཆི་བའི་རྟགས་རྣམས་ཚང་བའི་ཚེ༔ འཕོ་བ་དྲེན་པ་རང་གྲོལ་བཏབ་པར་བྱའོ༔ དེས་ན་འཕོ་བ་ཐེབས་

{13}

༄༅༔ ༔ན་ཐོས་གྲོལ་ཀློག་མི་དགོས་སོ༔ གལ་ཏེ་འཕོ་བ་མ་ཐེབ་ན་ཐོས་གྲོལ་འདི་རོའི་རྩར་སྒྲ་དགལ་ཚིག་

གསལ་བར་ཀློག་པར་བྱའོ༔ རོ་མེད་ན་ཚེ་འདས་ཀྱི་མལ་སའམ་འདུག་སར་བསྡད་ལ༔ བདེན་པའི་སྟོབས་བརྫོད་ལ་

རྣམ་ཤེས་བཀུག་ནས༔ མདུན་དུ་ཉན་པར་དམིགས་ཤིང་ཀློག་པར་བྱའོ༔ འདིའི་དུས་ཉེ་དུ་དང་སེམས་ལ་བརྩེ་

བའི་མཛའ་བོ་ཆོས་དུ་སྐད་དང་༔ སྨྲེ་སྔགས་ཡེ་ནས་འདུན་དུ་མི་རུང་བས་དམ་བསྒྲགས་པའོ༔ རོ་ཡོད་ན་ཕྱི་

{14}

དབུགས་ཆད་པའི་མཚམས་སུ་བླ་མའམ་མཆེད་གྲོགས་སམ༔ དད་པ་ཐོབ་པ༔ ཡིད་མཐུན་པའི་གྲོགས་མཆེད་ལ་སོགས་པས༔ རྣ་བར་མཆུ་

མ་རིག་ཙམ་དུ་གཏད་ལ༔ ཐོས་གྲོལ་ཆེན་མོ་འདི་ཀློག་པར་བྱའོ༔ དེ་ལ་ཐོས་གྲོལ་དངོས་བཤད་པ་ནི༔ དཀོན་མཆོག་གསུམ་ལ་མཆོད་

པ་རྒྱ་ཆེན་པོ་འབུལ༔ མ་འབྱོར་ན་དམིགས་པའི་རྟེན་གང་འབྱོར་བཤམས་ལ༔ ཡིད་ཀྱིས་དཔག་ཏུ་མེད་པ་སྤྲུལ་ལ་མཆོད༔ དེ་ནས་སངས་

རྒྱས་དང་བྱང་ཆུབ་སེམས་དཔའ་རྣམས་ལ་ར་མདའ་སྦྲན་པའི་སྨོན་ལམ་འདི་ལན་གསུམ་མམ་བདུན་དུ་འདོན༔ དེ་ནས་བར་དོ་འཇིགས་སྐྱོབ་

མའི་སྨོན་ལམ་དང་༔ བར་དོ་འཕྲང་སྒྲོལ་གྱི་སྨོན་ལམ་དང་༔ བར་དོའི་རྩ་ཚིག་རྣམས་དབྱངས་དང་བཅས་ཏེ་རྣ་བར་བཏབ༔ དེ་ནས་ཐོས་

{15}

༄༅༔ ༔གྲོལ་ཆེན་མོ་འདི་ལན་བདུན་ནམ་གསུམ་སྐབས་དང་སྦྱར་ལ་ཀློག་པ་ནི༔ འཆི་ཁའི་བར་དོ་ལ་འོད་གསལ་ངོ་སྤྲོད་པ་དང་

ཆོས་ཉིད་བར་དོ་ལ་ངོ་སྤྲོད་གསོལ་འདེམས་ཆེན་མོ་གདབ་པ་དང་༔ སྲིད་པ་བར་དོ་ལ་མངལ་སྒོ་དགག་ཐབས་བསྟན་པ་དང་གསུམ་མོ༔ དང་

པོ་འཆི་ཁའི་བར་དོ་ལ་འོད་གསལ་དོ་སྤྲད་པ་ནི༔ འདིར་གང་ཟག་གོ་བ་བཟང་ཡང་ངོ་མ་འཕྲོད་བདང་༔ ངོ་འཕྲོད་ཀྱང་གོམ་འདྲིས་ཆུང་བ་

རྣམས་དང་༔ སོ་སོ་སྐྱེ་བོ་ཉམས་ཁྲིད་མ་མྱོང་བའི་རིགས་ཐམས་ཅད་ལ་འདི་བཏབ་པས༔ གཞིའི་འོད་གསལ་ངོ་འཕྲོད་དེ་བར་དོ་མེད་པར་

ཡར་གྱི་ཟང་ཐལ་ལ་ཆོས་སྐུ་སྐྱེ་བ་མེད་པ་ཐོབ་བོ༔ གདབ་ལུགས་ནི་རང་གི་ཁྲིད་ཞུས་བའི་རྩ་བའི་བླ་མ་འཛོམ་ན་ནི་མཐོག་ཡིན་ནོ༔ དེ་མ་འཛོམ་ན་

{16}

མཆེད་གྲོགས་དམ་ཚིག་གཅིག་པའཾ༔ དེ་ཡང་མ་འཛོམས་ན་ཆོས་རྒྱུད་གཅིག་པའི་བཤེས་གཉེན་པའམ༔ དེ་རྣམས་གང་ཡང་མ་འཛོམས་ན༔

ཡི་གེ་སྒྲ་དག་ལ་ཚིག་གསལ་བར་འདོན་ཤེས་པ་གཅིག་གི་ཚར་མང་དུ་ཀློག་གོ༔ དེས་བླ་མས་ངོ་སྤྲད་པའི་དོན་དྲན་ནས༔ དེ་མ་ཐག་ཏུ་གཞིའི་འོད་

གསལ་ངོ་འཕྱོད་དེ་གྲོལ་བར་ཐེ་ཚེམ་མེ་དོཿ གདབ་པའི་དུས་ནི། ཕྱི་དབུགས་ཆད་ནས་རླུང་ཡེ་ཤེས་ཀྱི་དྷུ་ཏཱིར་ཐིམ་པ་དང་༔ ཤེས་པ་འོད་གསལ་

སྤྲོས་བྲལ་དུ་ལྷག་གིས་འཆར་རོ༔ དེ་ནས་རླུང་ལོག་སྟེ་རྩ་གཡས་གཡོན་དུ་བྲོས་བས་བར་དོའི་སྣང་བ་ལམ་གྱིས་འཆར་བས༔ རྩ་གཡས་

གཡོན་དུ་མ་ཤོར་བའི་བར་དེར་གདབ་བོ༔ ཡུན་ནི་ནང་དབུགས་གནས་ཀྱི་བར་དེར་ཟན་གཅིག་ཟ་ཡུན་ཙམ་གཅིག་ཡིན་ནོ༔ ་གདབ་ལུགས་ནི་

{17}

༄༅༔ ༔དབུགས་ཆད་ལ་ཁད་པའི་དུས་ན་འཕོ་བ་ཆེབས་ན་རབ༔ མ་ཐེབ་ན་འདི་སྐད་དོ༔ ༈ ཀྱཻ༔ རིགས་ཀྱི་བུ་ཆེ་གེ་མོ་ཁྱོད་ད་དེའི་ངང་ལ་ཞོག་ཅིག་ང་ནི་ལཾ་

བཙལ་བའི་དུས་ལ་བབ་པར་འདུག་པས༔ ཁྱོད་རང་དབུགས་ཆད་མ་ཁད་དུ་ཁྱོད་ལ་བར་དོ་དང་པོའི་འོད་གསལ་ཤེས་བྱ་བ་སྔར་བླ་མས་ངོ་སྤྲད་

པའི་དོན་དེ་ཕྱི་དབུགས་ཆད་པ་ད་༔ ཆོས་ཐམས་ཅད་ནམ་མཁའི་ལྟར་སྟོང་རྫེན་རྫེན་པ༔ གསལ་སྟོང་མཐའ་དབུས་མེད་པའི་རིག་པ་

ཕྱིར་མེད་པ་རྫེན་པ་གཅིག་འཆར་ནས་འོང་ངོ་༔ དེའི་དུས་སུ་ཁྱོད་རང་གྱིས་རང་ངོ་ཤེས་པར་གྱིས་ལ་དེའི་ངང་ལ་ཞོ་གཅིག༔ ངས་ཀྱང་དེའི་

དུས་སུ་ངོ་སྤྲད་དོ༔ ཞེས་ཕྱི་དབུགས་མ་ཆད་པའི་གོང་ནས་རྣ་བར་ལན་མང་དུ་བཤད་ལ་ཡིད་ལ་འཇགསསུ་བཅུག་གོ༔ དེ་ནས་

{18}

ཕྱི་དབུགས་ཆད་པའི་གྲབས་འདུག་ན༔ བློ་གཡས་པ་ས་ལ་ཕབ་ནས་སེངྒེའི་འདུག་སྟངས་བྱས་ལ་རྩ་རྦ་རླབས་རྩིར་བ་ཡིན་ཏེ༔ གཉིད་ལོག་རྩ་

གཉིས་འཕར་འཕྲོ་ཆད་ནས་དྲག་ཏུ་མནན་ནོ༔ དེ་ནས་རླུང་དྷུ་ཏི་ནས་ཕྱིར་ལོག་སྟེ་ཚངས་བུག་གི་ལམ་དུ་ཐོན་ངེས་སོ༔ ངོ་སྤྲོད་ཀྱང་འདིའི་དུས་

སུ་གདབ་བོ༔ འདིའི་དུས་སུ་བར་དོ་དང་པོ་ཆོས་ཉིད་འོད་གསལ་ཞེས་ཀྱང་བྱ༔ ཆོས་སྐུའི་དགོངས་པ་ཕྱིན་ཅི་མ་ལོག་པ་གཅིག་འགྲོ་བ་ཀུན་

གྱི་རྒྱུད་ལ་འཆེར་ཏེ༔ དེ་ཡང་ཕྱི་དབུགས་ཆད༔ ནང་དབུགས་མཆད་ཀྱི་བར་དེར༔ རླུང་ཨཱ་ཝ་དྷཱུ་ཏིར་ཐིམ་པའི་བར་ཡིན་ཏེ༔ དེ་ལ་ཕལ་

པ་རྣམས་ཀྱིས་ཤེས་པ་བརྒྱལ་ཟེར་རོ༔ ཡུན་ནི་ངེས་པ་མེད་དོ༔ རྟེན་བཟང་ངན་དང་༔ རྩ་རླུང་གི་རིམ་པ་ཡིན་ཏེ༔ ཉམས་ལེན་དུམ་པ་རེ་ཡོད་

{19}

༄༅༔ ༔པ་དང་༔ ཞི་གནས་བརྟན་པོ་ཡོད་པ་དང་༔ རྩ་བཟང་བའི་རིགས་ལ་ནི་ཡུན་རིང་གནས་པ་ཡང་ཡོང་ངོ་༔ དེ་ལ་ངོ་སྤྲོད་ནན་ཏན་

བསྐྱེད་ལ་དབང་པོའི་བུ་གར་ཆུ་སེར་མ་ཐོན་གྱི་བར་དུ་སྐྱར་ལ་གསལ་གདབ་བོ༔ སྡིག་པོ་ཆེ་དང་༔ རྩ་ངན་པའི་རིགས་ལ་ནི་ཡུད་པར་སེ་གོལ་

རེའི་ཡུན་ལས་མི་གནས་པ་ཡང་འོང་༔ ལ་ལ་ཟན་ཟ་ཡུན་རེ་གནས་པ་ཡོད༔ མདོ་རྒྱུད་ཕལ་ཆེར་ན་ཞག་ཕྱེད་དང་བཞིར་བརྒྱལ་གསུངས་པས༔

ཕལ་ཆེར་ནི་ཞག་ཕྱེད་དང་བཞིར་གནས་པས་འོད་གསལ་ངོ་སྤྲོད་འདི་ལ་ནན་ཏན་བྱའོ༔ གདབ་ལུགས་ནི༔ རང་གི་ཐུབ་ན་རང་གིས་གོང་

ནས་འཕེན་པ་བཏང་༔ རང་གིས་མི་ནུས་ན་ནི༔ བླ་མའམ༔ སློབ་མའམ༔ མཆེད་གྲོགས་བློ་སེམས་འདྲེས་པ་གཅིག་རྩར་བཞག་ཏེ༔ དེས་

{20}

ད་དི་ས་ཆུ་ལ་ཐིམ་པའི་རྟགས་གདའོ༔ ཞེས་རྟགས་རྣམས་རིམ་བ་ལྟར་གསལ་བཏབ་ལ༔ རྟགས་རྣམས་རིམ་པ་བཞིན་རྫོགས་ལ་ཁད་པ་

དེར༔ སེམས་བསྐྱེད་འདི་ལྟར་ཕོག་པར་བྱའོ༔ ཀཻ་རིགས་ཀྱི་བུ་ཞེས་པའམ༔ བླ་མ་ཡིན་ན་དྲུང་པ་ལགས༔ ཐུགས་བསྐྱེད་མ་ཡེངས་པར་

མཛོད་འཚེལ༔ ཞེས་སྙན་དུ་སྐད་ཆུང་དུས་ཞུས༔ མཆེད་གྲོགས་དང་གཞན་རྣམས་ལ་མིང་ནས་བོས་ལ་འདི་སྐད་དོ༔ ཀྱཻ་རིགས་ཀྱི་བུ༔ ད་

ནི་འཆི་བ་དེ་འོང་བར་འདུག་གིས༔ ཁྱོད་རང་སེམས་བསྐྱེད་འདི་ལྟར་དུ་མཛོད་ཅིག༔ ཀྱེ་མ་བདག་ནི་འཆི་བའི་དུས་ལ་བབ་ནས་འདུག་གིས་

ད་རིས་འཆི་བ་ལ་བརྟེན་ནས༔ བྱམས་པ་དང་སྙིང་རྫེ་བྱང་ཆུབ་སེམས་བསྐྱེད་བསྒོམ་པ་འབའ་ཞིག་གིས་ཐུགས་བསྐྱེད་དེ༔ ན་མཁའ་དང་

{21}

༄༅༔ ༔མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཐོབ་བར་བྱའོ་སྙམ་དུ་བློ་བསྐྱེད་པ་དང་༔ ཁྱད་པར་དུ་

ད་རེས་སེམས་ཅན་ཐམས་ཅད་ཀྱི་དོན་དུ་འཆི་བ་འོད་གསལ་ཆོས་ཀྱི་སྐུར་ངོ་ཤེས་བར་བྱས་ཏེ༔ དེའི་ངང་ལས་ཕྱག་རྒྱ་ཆེན་པོ་མཆོག་

གི་དངོས་གྲུབ་ཐོབ་ནས་སེམས་ཅན་ཐམས་ཅད་ཀྱི་དོན་བྱའོ༔ དེ་ལྟར་མ་ཐོབ་ཀྱང་བར་དོ་ལ་བར་དོ་ངོ་ཤེས་པར་བྱས་ལ༔ བར་དོར་ཟུང་འཛུག་ཕྱག་རྒྱ་

ཆེན་པོའི་སྐུམ་ངོན་དུ་བྱས་ནས་གང་ལ་གང་འདུལ་གྱི་སྣང་བས༔ ན་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་

བྱའོ་སྙམ་པའི་སེམས་བསྐྱེད་ཀྱི་འདུན་པ་དང་མ་བྲལ་བར་ཁྱེད་རང་སྔར་གང་ལ་གོམས་པའི་གདམས་ངག་དེའི་ཉམས་ལེན་དྲན་པར་

{22}

མཛོད་ཅིག༔ ཅེས་རྣ་བར་མཆུ་གཏད་ལ་ཚིག་གསལ་བར་བཤད༔ སྐད་ཅིག་ཀྱང་ཡེངས་སུ་མི་འཇུག་པར་ཉམས་ལེན་གསལ་གདབ༔ དེ་ནས་

ཕྱི་དབུགས་ཆད་ཚར་བ་དང་༔ རྩ་གཉིད་ལོག་གཉིས་དྲེག་ཏུ་མནན་ལ༔ ཚིག་གིས་འདི་སྐད་གསལ་གདབ་བོ༔ བླ་མའམ༔ རང་ལས་ཆེ་བའི་བཤེས་གཉེན་བ་

ཡིན་ན༔ དྲུད་པ་ལགས༔ ཁྱེད་རང་ལ་ད་ལྟ་གཞིའི་འོད་གསལ་འཆར་ནས་ཡོད་དོ༔ ངོ་ཤེས་པར་གྱིས་ཤིག་ཉམས་ལན་གྱི་ཐོག་ཏུ་འཇོག་པར་ཞུ་ཞེས་ཞུའོ༔ གཞན་ཐམས་

ཅད་ལ་འདི་སྐད་ངོ་སྤྲད་དོ༔ ཀཻ་རིགས་ཀྱི་བུ༔ ཆེ་གེ་མོ་ཁྱོད་ཉོན་ཅིག་ཨང་༔ ཁྱོད་ལ་ད་ལྟ་ཆོས་ཉིད་དག་པའི་འོད་གསལ་འཆར་ནས་ཡོད་དོ༔ ངོ་ཤེས་

བར་གྱིས་ཤིག༔ ཀྱཻ་རིགས་ཀྱི་བུ༔ ཁྱོད་རང་གི་ད་ལྟའི་ཤེས་རིག་ངོ་བོ་སིང་ངེ་བ་འདི༔ དངོས་པོ་དང་མཚན་མཁ་དོག་ཅིའི་ངོ་བོར་ཡང་མ་གྲུབ་པ་

{23}

༄༅༔ ༔སྟོང་སར་ངེ་བར་འདུག་པ་འདི་ཀ༔ ཆོས་ཉིད་ཀུན་ཏུ་བཟང་པོ་ཡིན་ནོ༔ ཁྱོད་རང་གི་ཤེས་རིག་གི་ངོ་བོ་སྟོང་པའོ༔ སྟོང་པ་ཕྱལ་ཆད་

དུ་མ་སོང་པོ་བར་རང་གི་ཤེས་རིག་མ་འགགས་པར་གསལ་ལེ༔ སིང་ང་༔ ཝལ་ལེ་བ་འདི་ཀ་སངས་རྒྱས་ཀུན་ཏུ་བཟང་པོ་ཡིན་ནོ༔ རང་གྱི་རིག་པའི་ངོ་བོ་

དངོས་པོ་ཅིར་ཡང་མ་གྲུབ་པའི་ངོ་བོ་སྟོང་པ་དང་༔ རང་གི་ཤེས་རིག་ཝལ་ལེ་གསལ་བར་འདུག་པ་འདི་གཉིས་དབྱེར་མི་ཕྱེད་པར་འདུག་པ་འདི་ཀ་

སངས་རྒྱས་ཆོས་ཀྱི་སྐུ་ཡིན་ནོ༔ རང་གི་རིག་པ་གསལ་སྟོང་དབྱེར་མེད་འོད་ཀྱི་ཕུང་པོ་ཆེན་པོར་བཞུགས་པ་འདི་ལ༔ སྐྱེ་ཤི་མེད་པ་སངས་རྒྱས་འོད་

མི་འབྱུར་བ་ཡང་འདི་ཀ་ཡིན་ནོ༔ དེ་ངོ་ཤེས་བྱས་ཆོག་གོ༔ རང་གི་ཤེས་རིགས་ཀྱི་ངོ་བོ༔ སང་ངེ་བ་འདི་སངས་རྒྱས་སུ་ངོ་ཤེས་ན༔ རང་གི་

{24}

རིགས་པ་ལ་རང་ལྟ་བ་སྟེན༔ སངས་རྒྱས་ཀྱི་དགོངས་པ་ལ་འཇོག་པ་ཡིན་ནོ༔ ཞེས་ལན་གསུམ་མམ༔ བདུན་གྱི་བར་ལ་སྒྲ་དག་ལ་ཚོག་གསལ་བར་

བརྫོད་དོ༔ དེས་སྐད་ཅིག་དང་པོ་བླ་མས་ངོ་སྤྲད་པ་ལྟར་དྲེན་ལ༔ གཉིས་པ་རང་རིག་རྫེན་པ་འོད་གསལ་དུ་ངོ་འཕྲོད༔ གསུམ་པ་རང་གི་ཤེས་

ནས་ཆོས་སྐུ་འདུ་འབྲལ་མེད་པར་གྱུར་ཏེ་གྲོལ་བར་ངེས་སོ༔ དེས་འོད་གསལ་དང་པོ་ལ་ངོ་འཕྲོད༔ ཡང་གླ་ཏེ་འོད་གསལ་དང་པོ་དེ་ལ་ངོས་

མ་ཟིན་དོགས་ན༔ ཡང་འོད་གསལ་གཉིས་པ་ཞེས་བྱ་བ་འཆར་ཏེ༔ དེ་ཡང་དུས་ནི་ཕྱི་དབུགས་ཆད་ནས་ཟན་ཅིག་ཟ་ཡུན་ལྷག་ཙམ་སོང་ནས་འོང་

ངོ་༔ ལས་བསང་ངན་གྱིས་རྩ་གཡས་གཡུན་གང་རུང་གཅིག་རླུང་ཤོར་ནས༔ སྒོ་གང་རུང་གཅིག་ནས་ཐོན༔ ཤེས་པ་གསལ་ལམ་གྱིས་འོང་ངོ་༔ དེ་ཡང་

{25}

༄༅༔ ༔ཟན་ཟ་ཡུན་ཟེར་ཡང་རྩ་བཟང་ངན་དང་༔ ཉམས་ལེན་ཡོད་མེད་དང་བསྟུན་ནོ༔ དེའི་ཚེ་རྣམ་ཤེས་ཕྱིར་ཐོན་པ་དང་༔ ཤི་བ་ཡིན་ནམ་

མ་ཤི་བ་ཡིན་སྙམ་དུ་ངོ་མི་ཤེས། ཉེ་དུ་འབྲེལ་བ་ཡང་སྔར་བཞིན་མཐོང་ནས་ཡོད༔ དུ་རྒོད་ཀྱང་ཐོས་སོ༔ ལས་ཀྱི་འཁྲུལ་སྟང་དྲག་པོ་ཡང་མ་ཤར༔

གཤིན་རྗེའི་འཇིཌ་སྐྲག་ཀྱང་མ་སླེབ་བའི་བར་དེར་ཡང་གདམས་དག་གདབ་སྟེ༔ དེ་ལ་ཡང་རྫོགས་རིམ་པ་དང་བསྐྱེད་རིམ་པ་གཉིས་སོ༔ རྫོགས་རིམ་པར་

ཡིན་ན་ནི་མིང་ནས་ལན་གསུམ་འབོད་ལ༔ གོང་གི་འོད་གསལ་ངོ་སྤྲད་དེ་སྐྱར་ནས་གདབ་བོ༔ བསྐྱེད་རིམ་ཡིན་ན་ཁོང་རང་གི་ལྷ་གང་ཡིན་པ་དེའི་བསྒོམ་ཁོག་

དང་བསྟུན་ནས་མངོན་རྟོགས་ཀློགས་ཏེ༔ ཀྱཻ་རིགས་ཀྱི་བུ༔ ཁྱོད་རང་གི་ཡི་དམ་འདི་སྒོམས་ཤིག༔ མ་ཡེངས་ཤིག། འདུན་པ་དྲག་པོ་ཡི་དམ་ལ་

{26}

གདོན་ཅིག༔ སྣང་ལ་རང་བཞིན་མེད་པ་ཆུ་ཟླ་ལྟ་བུར་སྒོམས་ཤིག༔ གདོས་བཅས་ཅན་དུ་མ་སྒོཾས་ཤིག༔ ཅེས་གསལ་གདབ་བོ༔ སྐྱེ་བོ་ཐ་མལ་པ་ཡིན་

ན་ཇོ་བོ་ཐུགས་རྫེ་ཆེན་པོ་སྒོམས་ཤིག༔ ཅེས་ངོ་སྤྲད་དོ༔ དེ་ལྟར་ངོ་སྤྲད་པས་བར་གོ་ངོས་མི་ཟིན་པ་རྣམས་ཀྱང་ཟིན་པར་ཐེ་ཚོམ་མེད་དོ༔ དེ་ཡང་གསོན་

བོའི་དུས་སུ་བླ་མས་ངོ་སྤྲད་ཀྱང་གོམས་འདྲིས་ཆུང་ན་བར་དོར་རང་གིས་གསལ་མི་ཐེབས་པས༔ བླ་མའམ༔ མཆེད་གྲོགས་ཀྱིས་ངེས་པར་གསལ་འདེབས་

དགོས་སོ༔ ཡང་གོམས་འདྲིས་ཡོད་ཀྱང་འཆི་ཁར་ནད་དྲག་པོས་འཁྲུལ་ནས༔ དྲན་པས་མི་ཟིན་པའི་རིགས་ལ་ཡང་གདམས་པ་འདི་ཤིན་ཏུ་དགོས་སོ༔

སྔར་ལམ་གྱིས་གོམས་འདྲིས་ཡོད་ཀྱང་༔ སྡོམ་པ་ཤར་བདང་༔ རྩ་བའི་དམ་ཚིག་ཉམས་ནས་ངན་སོང་དུ་འགྲོ་བའི་རིཌ་ལ་འདི་ཅི་ནས་ཀྱང་དགོ་སོ༔ བར་དོ་

{27}

༄༅༔ ༔དག་པོ་ཐེ་བས་ན་རབ༔ དེ་མ་ཐེབས་ན་བར་དོ་གཉིས་པལ་གསལ་གདབ་བས༔ རིགས་སད་ནས་གྲོལ་བ་ཡིན་ནོ། དེ་ཡང་བར་དོ་གཉིས་པ་མ་

དག་པའི་སྒྱུ་ལུས་ཞེས་བྱབ༔ ཤིའམ་མ་ཤི་ངོ་མི་ཤེས་པའི་གསལ་ལམ་པ་གཅིག་འོང་༔ དུས་དེར་གདམས་པ་ཐེབས་ན་ཆོས་ཉིད་མ་བུ་འཕྲེད་ནས་ལསཀྱི་

ཁ་བསྒྱར་དུ་མེད་དོ༔ དཔེར་ན་ཉི་མའི་འོད་ཀྱི་མུན་བ་བཅོམ་པ་བཞིན་དུ་ལམ་གྱི་འོད་གསལ་གྱིས་ལས་ཀྱི་ནུས་པ་བཅོམ་ནས་གྲོལ་བ་ཡིན་ནོ༔ དེ་ཡང་

བར་དོ་གཉིས་པ་ཞེས་བྱ་བ་ནི་ཡིད་ཀྱི་ལུས་སུ་ལམ་གྱིས་འཆར་བ་ཡིན་ཏེ༔ ཤེས་པ་སྔར་བཞིན་དུ་ཐོ་ཡུག་ཏུ་འཁོར་རོ༔ དེའི་དུས་སུ་གདམས་ངག་འདི་ཐེབས་

ན་དོན་འགྲུབ་སྟེ༔ ད་དུང་ལས་ཀྱི་འཁྲུལ་སྣང་མ་ཤར་བས་གང་དུ་ཡང་བསྒྱུར་དུ་བཏུབ་བོ༔ དེ་ལྟར་གཞིའི་འོད་གསལ་ངོ་མ་འཕྲོད་ཀྱང་༔ བར་དོ་གཉིས་

{28}

པའི་འོད་གསལ་ངོ་འཕྲོད་དེ་གྲོལ་ལ༔ དེར་ཡང་མཁྲོལ་ན༔ དེ་ནས་བར་དོ་གསུམ་པ་ཡང་ཟེར༔ ཆོས་ཉིད་བར་དོ་འཆེར་དེ༔ བར་དོ་གསུམ་པ་

ལས་ཀྱི་འཁྲུལ་སྣང་བྱ་བ་ཤར་དུ་འོང་བས༔ འདིའི་དུས་སུ་ཆོས་ཉིད་བར་སོའི་ངོ་སྤྲོད་ཆེན་པོ་ཀློག་པ་གལ་ཆེ་སྟེ༔ སྟོབས་དང་ཕན་ཡོན་ཤིན་

ཏུ་ཆེའོ༔ དེ་ཙ་ན་ཉི་དུས་དུ་སྐད་སྨྲེ་སྔགས་འདོན་ཟས་སྐལ་བཅད༔ གོས་བཤུས༔ མལ་ས་འཆག་པ་ལ་སོགས་རང་གིས་ཁོང་རྣམས་མཐོང་

ཡང་༔ ཁོང་རྣམས་ཀྱིས་རང་མ་མཐོང་༔ ཁོང་རྣམས་ཀྱིས་རང་ལ་བོས་བ་ཐོས་ཀྱང་༔ རང་གི་ཁོང་རྣམས་ལ་བོས་པ་མ་ཐོས་བས༔ སྙིང་མི་གདའ་

ཕྱད་དེ་འགྲོའོ༔ དེའི་ཚེ་སྒྲ་འོད་ཟེར་གསུམ་གྱི་སྣང་བ་ཤར་ནས༔ འཇིགས་སྐྲག་དངངས་གསུམ་གྱིས་འོ་བརྒྱལ་ནས་འོངས་པས༔ འདིའི་

{29}

༄༅༔ ༔དུས་སུ་ཆོས་ཉིད་བར་དོའི་ངོ་སྤྲོད་ཆེན་མོ་གདབ་པར་བྱ་སྟེ༔ ཚེ་འདས་ཀྱི་མིང་ནས་བོས་ལ་སྒྲ་དག་ཅིང་ཚག་

གསལ་བར་འདི་སྐད་དུ་བཤད་དོ༔ ཀྱཻ་རིགས་ཀྱི་བུ༔ མ་ཡེངས་པར་མདུན་པ་དྲག་པོས་ཉོན་ཅིག༔ བར་དོ་རྣམ་པ་དྲུག་ཡིན་ཏེ༔ རང་བཞིན་

སྐྱེས་གནས་ཀྱི་བར་དོ་དང་༔ རྨི་ལམ་བར་དོ་དང་༔ ཏིང་ངེ་འཛིན་བསམ་གཏན་གྱི་བར་དོ་དང་༔ ཆི་ཁའི་བར་དོ་དང་༔ ཆོས་ཉིད་བར་དོ་

དང་༔ ལུགས་འབྱུང་སྲིད་པའི་བར་དོ་དེ་དྲུག་གོ༔ རིགས་ཀྱི་བུ༔ ཁྱོད་ལ་བར་དོ་གསུམ་འབྱུང་སྟེ༔ འཆི་ཁའི་བར་དོ་དང་༔ ཆོས་ཉིད་

བར་དོ་དང་༔ སྲིད་པ་བར་དོ་དང་གསུམ་འཆར་བ་ལས༔ ཁ་སང་ཕན་ཆད་འཆི་ཁའི་བར་དོ་ལ་ཆོས་ཉིད་འོད་གསལ་ཤར་ཡང་ཁྱོད་ཀྱིས་ངོས་

{30}

མ་ཟིན་པས༔ འདིར་འཁྱམས་དགུས་བྱུང་བ་ཡིན་ནོ༔ ད་ནི་ཁྱོད་ལ་ཆོས་ཉིད་བར་དོ་དང་༔ སྲིད་པ་བར་དོ་གཉིས་འབྱུང་སྟེ༔ བདག་གིས་ངོ་སྤྲད་བ་

རྣམས་ཁྱོད་རང་མ་ཡེངས་པར་ངོས་ཟིན་པར་གྱིས་ཤིག༔ ཀྱཻ་རིགས་ཀྱི་བུ༔ ད་ནི་འཆི་བ་ཞེས་བྱ་བ་དེ་སླེབ་པ་ཡིན་ནོ༔ འཇིག་རྟེན་འདི་ནས་ནི་

འགྲོ་སྟེ༔ ཁྱོད་ཅིག་པོ་ནི་མ་ཡིན༔ ཀུན་ལ་འབྱུང་བས་ཚེ་འདི་ལ་ཆགས་པ་དང་ཞིན་པ་ནི་མ་བྱེད་ཅིག༔ ཆགས་པ་དང་ཞེན་པ་བྱས་ཀྱང་

སྡོད་དབང་ནི་མེད༔ ཁྱོད་རང་འཁོར་བར་འཁྱམས་པ་ལས་མི་འོང་༔ མ་ཆགས་ཤིག་མ་ཞེན་ཅིག༔ དཀོན་མཆོག་གསུམ་དྲན་པར་གྱིས་

ཤིག༔ ཀྱཻ་རིགས་ཀྱི་བུ༔ ཆོས་ཉིད་བར་དོའི་སྣང་བ་ལ་འཇིགས་སྐྲག་ཇི་ལྟར་ཤར་ནས་བྱུང་ཡང་༔ ཁྱོད་རང་ཚིག་འདི་མ་བརྗེད་པར་གྱིས་ལ་

{31}

༄༅༔ ༔ཚིག་དོན་ཡིད་ལ་དྲན་བཞིན་དུ་སོང་ཞིག༔ དེས་ངོ་འཕྲོད་པའི་གནད་ཡོད་དོ༔ ཀྱེ་མ་བདག་ལ་ཆོས་ཉིད་བར་དོ་ཤར་དུས་

འདིར༔ ཀུན་ལ་དངངས་སྐྲག་འཇིགས་སྣང་སྤངས་བྱས་ནས༔ གང་སྣང་རང་ཤར་རིག་པར་ངོ་ཤེས་བྱ༔ བར་དོའི་སྣང་ཚུལ་ཡིན་པར་

ཤེས་པར་བྱ༔ དོན་ཆེན་འགག་ལ་ཐུགས་པའི་དུས་ཚོད་འདིར༔ རང་སྣང་ཞི་ཁྲོའི་ཚོགས་ལ་འཇིགས་མི་བྱ༔ དེ་སྐད་ངག་ནས་ལྷང་ལྷང་

བརྗོད་ལ༔ ཚིག་དོན་ཡིད་ལ་དྲན་བཞིན་དུ་སོང་ཞིག༔ དེས་འཇིགས་སྐྲག་གི་སྣང་པ་ཇི་ལྟར་ཤར་ཡང་རང་སྣང་དུ་ངེས་པར་ངོ་འཕྲོད་པའི་

གནད་ཡོད་པས་མ་བརྗེད་ཅིག༔ ཀྱཻ་རིགས་ཀྱི་བུ་ཁྱོད་ཀྱི་ལུས་དང་སེམས་བྲལ་བའི་དུས་སུ༔ ཆོས་ཉིད་དག་པའི་སྣང་བ་ཕྲལ་དྭངས་པ༔

{32}

གསལ་ལ་འཚོར་བ་རང་བཞིན་བཀྲག་གསལ་ལ་ཉམས་ང་བ༔ སོས་ཁའི་ཐང་ལ་སྨིག་རྒྱུ་བཞིན་མེ་རེ་རེ་འཆར་དུ་འོང་ངོ་༔ དེ་ལ་མ་འཇིགས་

ཤིག་མ་སྐྲག་ཅིག༔ མ་དངངས་ཤིག༔ དེ་ནི་ཀྱོད་རང་གི་ཆོས་ཉིད་ཀྱི་རང་མདངས་ཡིན་པས་ངོ་ཤེས་པར་གྱིས་ཤིག༔ འོད་ཀྱི་ནང་ནས་

ཆོས་ཉིད་ཀྱི་རང་སྒྲ་སྒྲ་དག་ལ་ལྡིར་ཆེ་བ༔ འབྲུག་སྟོང་དུས་གཅིག་ལ་འདིར་བཙམ་དུ་དི་རི་རི་འོད་ངོ་༔ དེ་ཡང་ཁྱོད་རང་གྱི་ཆོས་ཉིད་ཀྱི་རང་སྒྲ་

ཡིན་པས༔ དེ་ལ་མ་འཇིགས་ཤིག༔ མ་སྐྲག་ཅིག༔ མ་དངངས་ཤིག༔ ཁྱོད་ལ་བག་ཆགས་ཡིད་ཀྱི་ལུས་བྱ་བ་གཅིག་ཡོད་ཀྱིས༔ རྡོས་

བྱས་ཤ་ཁྲག་གི་ལུས་ནི་མེད་པས༔ སྒྲ་འོད་ཟེར་གསུམ་གང་བྱུང་ཡང་ཁྱོད་ལ་གནོད་པ་མི་འོང་སྟེ༔ ཁྱོད་ལ་འཆི་རྒྱུ་མེད་དོ༔ ཁྱོད་རང་གི་

{33}

༄༅༔ ༔རང་སྣང་དུ་ངོ་ཤེས་པ་ཀྱང་གྱིས་ཆོག་གོ༔ བར་དོ་ཡིན་པར་ཤེས་པར་གྱིས་ཅིག༔ ཀྱཻ་རིགས་ཀྱི་བུ་ད་ལྟ་རང་སྟན་དུ་ངོ་

མ་ཤེས་ན༔ མི་ཡུལ་དུ་བསྒོམ་སྒྲུབ་ཇི་ལྟར་བྱས་ཀྱང་༔ ད་ལྟའི་གདམས་པ་འདི་དང་མ་འཕྲད་ན༔ འོད་ཀྱིས་འཇིགས་སོ༔ སྒྲས་དངངས་

སོ༔ ཟེར་གྱིས་སྐྲག་གོ༔ གདམས་བའི་གནས་འདི་མ་ཤེས་ན་སྒྲ་འོད་ཟེར་གསུམ་ངོ་མ་ཤེས་ན་འཁོར་བར་འཁྱམ་མོ༔ ཀྱཻ་རིགས་ཀྱི་

བུ༔ ཞག་ཕྱེད་དང་བཞིའི་བར་དུ་བརྒྱལ་ནས་འགྲོ་སྟེ༔ བརྒྱལ་བསངས་པ་དང་ང་ལ་ཅི་བྱུང་བ་སྙམ་བའི་སྣང་བ་འབྱུང་སྟེ༔ ཁྱོད་

ཀྱི་བར་དོར་ངོ་ཤེས་པར་གྱིས་ཤིག༔ དེའི་ཚེ་འཁོར་བའི་རུ་ལོག་ནས༔ སྣང་བ་ཐོམས་ཅད་འོད་དང་སྐུ་རུ་འཆར་རོ༔

{34}

ནཾ་མཁའ་ཐམས་ཅད་ཁ་དོག་མཐིང་ཁར་འཆར་རོ༔ དེའི་དུས་སུ་དབུས་ཕྱོགས་ཐིག་ལེ་བརྡལ་བaའི་ཞིང་ཁམས་ནས༔ བཅོས་ལྡན་

རྣམ་པར་སྣང་མཛད་སྐུ་མདོག་ཀར་པོ་སེདྒེའི་ཁྲི་ལ་བཞུགས་པ༔ ཕྱག་ན་འཁོར་རྩིབས་བརྒྱད་བསྣམས་པ༔ ཡུམ་ནམ་ཁའི་དབིངས་

ཕྱུག་མ་དང་ཞལ་སྦྱར་ནས་རང་ལ་འཆར་དུ་འོང་ངོ་༔ རྣམ་པར་ཤེས་པའི་ཕྱུང་པོ་གནས་སུ་དག་པ༔ འོད་མཐིང་ཁ་ཆོས་ཀྱི་དབྱིངས་ཀྱི་ཡེ་

ཤེས་ཁ་དོག་མཐིང་ཁ༔ གསལ་ལ་དྭངས་པ༔ སྐྲག་ལ་མཆོར་བ་གཅིག་རྣམས་པར་སྣང་མཛོད་ཡབ་ཡུམ་གྱི་ཐུགས་ཀ་ནས་ཁྱོད་རང་གི་

མདུན་དུ་མིག་གིས་མི་བཟོད་པ་ཙམ་དུ་ཟུག་ནས་འོང་ངོ་༔ དེ་དང་མཉམ་དུ་ལྷའི་འོད་དཀར་པོ་སྐྲག་མེད་ཅིག་ཀྱང་མདུན་དུ་ཟུག་ནས་འོངོ་༔

{35}

༄༅༔ ༔དེའི་དུས་སུ་ཁྱོད་ལས་ངན་གྱིས་དབང་གིས་འོད་མཐིང་ཁ་བཀྲག་དང་ལྡན་པོ་ཆོས་ཀྱི་དབྱིངས་ཀྱི་ཡེ་ཤེས་དེ་ལ་ཁྱོད་

འཇིགས་པ་དང་སྐྲག་པ་སྐྱེས་ནས་བྲོས་ཤིང་༔ ལྷའི་འོད་དཀར་པོ་བཀྲག་མེད་དེ་ལ་ཁྱོད་དགའ་བའི་འདུ་ཤེས་ནས་འོང་གི༔ དེ་ཙ་ན་ཁྱོད་

འོད་མཐིང་ཁ་གསལ་ལ་འཚེར་བ་དྭངས་ལ་བཀྲག་ཆེ་བ་མཆོག་གི་འོད་གསལ་དེ་ལ་མ་དངངས་ཤིག༔ མ་བཀྲག་པར་དེ་བཞིན་གཤེགས་

པའི་འོད་ཟེར་ཆོས་ཀྱི་དབྱངས་ཀྱི་ཡེ་ཤེས་ཞེས་བྱ་བ་ཡིན་ནོ༔ དེ་ལ་དད་པ་དང་མོས་པ་དུང་དུང་གྱིས་ཤིག༔ བཅོམ་ལྡན་འདས་རྣམ་པར་

སྣང་མཛོད་ཀྱི་ཐུགས་རྫེའི་འོད་ཟེར་ཡིན་ནོ་སྐྱབས་སུ་མཆིའོ་སྙམ་པའི་མོས་པ་གྱིས་ལ་གསོལ་བ་ཐོབ་ཅིག༔ དེ་ནས་བཅོམ་ལྡན་

{36}

འདས་རྣམ་པར་སྣང་མཛོད་ཡབ་ཡུམ་གྱི་ཁྱོད་བར་དོའི་འཕྲང་ལ་བསུ་བ་ལ་ལོངས་པ་ཡིན་ནོ༔ རྣམ་པར་སྣང་མཛད་ཀྱི་ཐུགས་རྫེའི་འོད་ཟེར་ཡིན་ནོ༔

ལྷའི་འོད་དཀར་པོ་བཀྲག་མེད་དེ་ལ་དགའ་བར་མ་བྱེད་ཅིག༔ མ་ཆགས་ཤིག་མ་ཞེན་ཅིག༔ དེ་ཁྱོད་ཀྱིས་གཏི་མུག་དྲག་པོ་བསགས་པའི་བག་

ཆགས་ཀྱི་བསུ་མའི་ལམ་ཡིན་ནོ༔ དེ་ལ་ཆགས་ན་ནི་ཁྱོད་ལྷའི་གནས་སུ་འཁྱམས་ཏེ༔ རིགས་དྲུག་ཏུ་འཁྱམས་ནས་ཐར་པའི་ལམ་དགག་པའི་

བར་ཆད་ཡིན་པས༔ དེ་ལ་མིག་མ་ལྟ་བར་འོད་མཐིང་ཁ་བཀྲག་མདངས་ཅན་དེ་ལ་མོས་པ་གྱིས་ལ༔ བཅོམ་ལྡན་འདས་རྣམ་པར་སྣང་མཛོད་ལ་

འདུན་པ་དྲག་པོ་གཏོད་ལ༔ སྨོན་ལམ་འདི་སྐད་བདག་གིས་ལད་མོ་གྱིས་ལ་གསོལ་བ་ཐོབ་ཅིག༔ ཀྱཻ་མ་གཏི་མུག་དྲག་པོས་འཁོར་བར་

{37}

༄༅༔ ༔འཁྱམས་བའི་ཚེ༔ ཆོས་དབྱིངས་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རྣམས་པར་སྣང་མཛད་ལམ་སྣ་དྲོངས༔

ཡུམ་མཆོག་དབྱིངས་ཕྱུག་མ་ཡིས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་

རྒྱས་ས་རུ་སྐྱོལ༔ ཞེས་མོས་གུས་དྲག་པོས་སྨོན་ལམ་དེ་སྐད་དུ་བདའ་པས༔ རྣམ་པར་སྣང་མཛད་ཀྱི་ཐུགས་ཀར་འཇའ་འོད་དུ་ཐིམ་ནས༔

དབུས་ཕྱོགས་སྟུག་པོ་བཀོད་པའི་ཞིང་ཁམས་སུ༔ ལོངས་སྤྱོད་རྫོགས་པའི་སྐུ་རུ་སངས་རྒྱས་པར་འགྱུར་རོ༔ ཡང་གལ་ཏེ་ངོ་སྤྲད་ཀྱང་ཞི་

སྡང་དང་སྡིག་སྒྲིབ་ཀྱི་རྐྱེན་གྱིས་འོད་དང་ཟེར་ལ་བཀྲག་ནས་སྨོན་ལམ་བཏབ་ན་ཡང་འཁྲུལ་ན༔ ཞག་གཉིས་པ་རྡོ་རྗེ་སེམས་དཔའི་ལྟ་

{38}

ཚོགས་དང་༔ དམྱལ་བའི་ངན་གཉིས་བསུ་བ་ལ་འོང་སྟེ༔ ཡང་ངོ་སྦྲད་བ་ནི༔ ཚེ་འདས་ཀྱི་མིང་ནས་འབོད་ལ་འདི་སྐད་དོ༔ ཀྱཻ་རིགས་ཀྱི་བུམ་

ཡེངས་པར་ཉོན་ཅིག༔ ཞག་གཉིས་པལ་འབྱུང་བ་ཆུ་ཐམས་ཅད་རྣམ་པར་དག་པའི་འོད་དཀར་པོ་འཆར་རོ༔ དེའི་དུས་སུ་ཤར་ཕྱོགས་མངོན་པར་

དགའ་བའི་ཞིང་ཁམས་ནས༔ བཅོམ་ལྡན་འདས་རྡོ་རྗེ་སེམས་དཔའ་མི་བསྐྱོད་པ་སྐུ་མཐིང་ཁ་ཕྱག་ན་རྡོ་རྗེ་རྩེ་ལྔ་པ་བསྣམས་པ༔ གླང་པོ་ཆེའི་

གདང་ལ་བཞུགས་པ༔ ཡུམ་སངས་རྒྱས་སྤྱན་མ་དང་ཞལ་སྦྱར་ནས་རང་ལ་འཆར་རོ༔ བྱང་ཆུབ་སེམས་དཔའ་སའི་སྙིང་པོ་དང་༔ བྱམས་པ་མཻ་ཏྲི་

གཉིས་ལ༔ སེམས་མ་ལཱ་སྱ་མ་དང་པུཥྤེ་མ་གཉིས་ཀྱིས་བསྐོར་ནས་འཇེའ་དང་འོད་ཀྱི་ཀླུང་ནས་སངས་རྒྱས་ཀྱི་སྐུ་དྲུག་ཏུ་འཆར་ནས་འོང་ངོ་༔

{39}

༄༅༔ ༔གཟུགས་ཀྱི་ཕྱུང་པོ་གནས་སུ་དག་པ༔ འོད་དཀར་པོ་མེ་ལོང་ལྟ་བུའི་ཡེ་ཤེས་དཀར་ལ་མཚེར་བ༔ གསལ་ལ་དྭངས་པ་གཅིག་

རྡོ་རྗེ་སེམས་དཔའ་ཡབ་ཡུམ་ཀྱི་ཐུགས་ཀ་ནས་ཁྱོད་རང་གི་མདུན་དུ་མིག་གིས་མི་བཟོད་པ་ཙམ་དུ་ཟུག་ནས་འོང་ངོ་༔ དེ་དང་མཉམ་དུ་དམྱལ་བའི་

འོད་དུང་ཁ་བཀྲག་མེད་ཅིག་ཀྱང་མདུན་དུ་ཡེ་ཤེས་ཀྱི་འོད་དང་གཤིབས་མར་ཟུག་ནས་འོང་ངོ་༔ དེའི་དུས་སུ་ཁྱོད་ཞེ་སྡང་གི་དབང་གིས་འོད་

དཀར་པོ་བཀྲག་མདངས་དང་ལྡན་པ་དེ་ལ་ཁྱོད་འཇིགས་པ་དང་༔ སྐྲག་པ་སྐྱེས་ནས་བྲོས་ཤིང་༔ དམྱལ་བའི་འོད་དུ་ཁ་བཀྲག་མེད་དེ་

ལ་ཁྱོད་དགའ་བའི་འདུ་ཤེས་སྐྱེས་ནས་འོང་གི༔ དེ་ཙ་ན་ཁྱོད་འོད་དཀར་པོ་དཀར་ལ་འཚེར་བ་གསལ་ལ་དྭངས་པ་དེ་ལམ་ཇིགས་པར་

{40}

ཡེ་ཤེས་སུ་ངོ་ཤེས་པར་གྱིས་ཤིག༔ དེ་ལ་དད་པ་དང་མོས་པ་དུང་དུང་གྱིས་ཤིག༔ བཅོམ་ལྡན་འདས་རྡོ་རྗེ་སེམས་དཔའི་ཐུགས་རྗེའི་འོད་ཟེར་

ཡིན་ནོ་སྐྱབས་སུ་མཆིའོ་སྙམ་པའི་མོས་པ་གྱིས་ལ་གསོལ་བ་ཐོབ་ཅིག༔ དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཡབ་ཡུམ་ཁྱོད་བར་དོའི་

འཕྲང་ལ་བསུ་བ་ལ་ཡོངས་པ་ཡིན་ནོ༔ རྡོ་རྗེ་སེམས་དཔའི་ཐུགས་རྗེའི་འོད་ཟེར་གྱི་ལྕགས་ཀྱུ་ཡིན་པས་མོས་པ་གྱིས་ཤིག༔ དམྱལ་བའི་འོད་དུ་ཁ་

བཀྲག་མེད་དེ་ལ་དགའ་བར་མ་བྱེད་ཅིག༔ དེ་ཁྱོད་ཀྱི་ཞེ་སྡང་དྲག་པོས་བསགས་པའི་སྡིག་སྒྲིབ་ཀྱི་བསུ་བའི་ལམ་ཡིན་ནོ༔ དེ་ལ་ཆགས་ན་ནི་

དམྱལ་བའི་གནས་སུ་ལྷུང་སྟེ༔ སྡུག་བསྔལ་སྲན་མི་བཟོད་པའི་འདམ་དུ་ཚུད་དེ༔ ཐར་པའི་དུས་མ་འབྱུང་གྱིས༔ དེ་ནི་ཐར་པའི་ལམ་དགག་པའི་

{41}

༄༅༔ ༔བར་ཆད་ཡིན་པས༔ མིག་མ་བལྟ་བར་ཞི་སྡང་སྤོངས་ཤིག༔ དེ་ལ་མ་ཆགས་ཤིག༔ མ་ཞེན་ཅིག༔ འོད་དཀར་པོ་གསལ་

ལ་མཚེར་བ་དེ་ལ་མོས་པ་གྱིས་ལ༔ བཅོམ་ལྡན་འདས་རྡོ་རྗེ་སེམས་དཔའ་ལ་བདུན་པ་དྲག་པོ་གཏོད་ལ༔ སྨོན་ལམ་འདི་སྐད་དུ་ཐོབ་ཅིག༔ ༈ཀྱཻ་

མ་ཞེ་སྡང་དྲག་པོས་འཁོར་བར་འཁྱམས་པའི་ཚེ༔ མེ་ལོང་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རྡོ་རྗེ་སེམས་དཔས་ལམ་

སྣ་དྲོངས༔ ཡུམ་མཆོག་སངས་རྒྱས་སྤྱན་མས་རྒྱབ་ནས་བསྐྱོར༔ བར་དོ་འཇིགས་པའི་འཕྲད་ལས་བསྒྲལ་དུ་གསོལ༔ ཡང་དག་རྫོགས་པའི་

སངས་རྒྱས་ས་རུ་སྐྱོལ༔ ཞེས་མོས་གུས་དྲག་པོས་སྨོན་ལམ་དེ་སྐད་དུ་བཏབ་པས། བཅོམ་ལྡན་འདས་རྡོ་རྗེ་སེམས་དཔའི་ཐུགས་

{42}

ཀར་འཇའ་འོད་དུ་ཐིམ་ནས༔ ཤར་ཕྱོགས་མ་ངོན་བར་དགའ་བའི་ཞིང་ཁམས་སུ༔ ལོངས་སྤྱོད་རྫོགས་པའི་སྐུར་སངས་རྒྱས་པར་འགྱུར་རོ༔

ཡང་དེ་ལྟར་དུ་ངོ་སྤྲད་ཀྱང་ང་རྒྱལ་དང་སྡིག་སྒྲིབ་ཆེ་བའི་གང་ཟག་ལ་ལ་ཐུགས་རྗེའི་འོད་ཟེར་གྱི་ལྕགས་ཀྱུ་ལ་འཛིགས་ཏེ་བྲོས་པས༔ ཡང་ཞག་

གསུམ་པ་ལ་བཅོམ་ལྡན་འདས་རིན་ཆེན་འབྱུང་ལྡན་གྱི་ལྷ་ཚོགས་དང་༔ མིའི་འོད་ལས་གཉིས་བསུ་བ་ལ་འོངས་ཏེ༔ ཡང་ངོ་སྤྲད་པ་ནི༔ ཚེ་

འདས་ཀྱི་མིང་ནས་འབོད་ལ་འདི་སྐད་དོ༔ ཀྱཻ་རིགས་ཀྱི་བུམ་ཡེངས་པར་ཉོན་ཅིག༔ ཞག་གསུམ་པ་ལ་འབྱུང་བས་ཐམས་ཅད་རྣམ་པར་དག་པའི་

འོད་སེར་པོ་འཆར་རོ༔ དེའི་དུས་སུ་ལྷོ་ཕྱོགས་དཔལ་དང་ལྡན་པའི་ཞིང་ཁམས་སེར་པོ་ནས་བཅོམ་ལྡན་འདས་རིན་ཆེན་འབྱུང་ལྡན་སྐུ་

{43}

༄༅༔ ༔མདོག་སེར་པོ་ཕྱག་ན་ནོར་བུ་རིན་པོ་ཆེ་བསྣམས་པ༔ རྟ་མཆོག་གི་གདན་ལ་བཞུགས་པ༔ ཡུམ་མཆོག་མཱ་མ་ཀི་དང་ཞལ་སྦྱར་

ནས་རང་ལ་འཆར་འོང་ངོ་༔ བྱང་ཆུབ་སེམས་དཔའ་ནམ་ཁའི་སྙིང་པོ་དང་༔ ཀུན་ཏུ་བཟང་པོ་གཉིས་ལ༔ སེམས་མ་མཱ་ལྱམ་དང་དྷུ་པེ་མ་གཉིས་

ཀྱིས་བསྐོར་ནས༔ འཇའ་དང་འོད་ཀྱི་ཀློང་ནས་སངས་རྒྱས་ཀྱིས་སྐུ་དྲུག་ཏུ་འཆར་ནས་འོང་ངོ་༔ ཚོར་བའི་ཕུང་པོ་དབྱིངས་སུ་དག་བ༔ འོད་སེར་

པོ་མཉམ་པ་ཉིད་ཀྱི་ཡེ་ཤེས་སེར་ལ་མཚེར་བ་ཐིག་ལེ་དང་ཐིག་ཕྲན་གྱིས་བརྒྱན་པ༔ གསལ་ལ་དྭངས་པ་མིག་གིས་བལྟ་མི་བཟོད་པ་གཅིག༔

རིན་ཆེན་འབྱུང་ལྡན་ཡབ་ཡུམ་གྱི་ཐུགས་ཀ་ནས་ཁྱོད་རང་གི་མདུན་དུ་སྙིང་གི་ཐད་ཀར་མིག་གིས་བལྟ་མི་བཟུད་པ་ཙམ་དུ་ཟུག་ནས་འོང་ངོ་༔

{44}

དེ་དང་མཉམ་དུ་མིའི་འོད་སྔོན་པོ་བཀྲག་མེད་གཅིག་ཀྱང་ཡེ་ཤེས་ཀྱི་འོད་དང་གཤིབ་མར་ཁྱོད་རང་གི་སྙིང་ཁར་ཟུག་ནས་འོང་ངོ་༔ དེའི་དུས་སུ་ཁྱོད་

ང་རྒྱལ་གྱི་དབང་གིས་འོད་སེར་པོ་བཀྲང་མདངས་ཅན་དེ་ལ་འཇིགས་སྐྲག་སྐྱེས་ནས་བྲོས་སུ་འོང་གྱིས༔ མིའི་འོད་སྔོན་པོ་བཀྲག་མེད་དེ་ལ་ཁྱོད་

དགའ་བ་དང་༔ ཆགས་སེམས་སྐྱེས་ནས་འོང་གིས༔ དེ་ཙན་ཁྱོད་འོད་སེར་པོ་སེར་ལ་མཚེར་བ་གསལ་ལ་དྭངས་པ་དེ་ལམ་འཇིགས་པར་ཡེ་

ཤེས་སུ་ངོ་ཤེས་བར་གྱིས་ཤིག༔ དེའི་ངང་ལ་རིག་པ་བྱར་མེད་ཀྱི་ངང་ལ་གློད་ལ་བཞུགས་ཤིག༔ ཡང་ན་དེ་ལ་དད་པ་དང་མོས་པ་དུང་དུང་གྱིས་

ཤིག༔ ཁྱོད་རང་གི་རིག་པའི་རང་མདངས་སུ་ངོ་ཤེས་ན་ནི༔ མོས་གུས་མཁྱས་སྨོན་ལམ་མ་བཏབ་ཀྱང་སྐུ་དང་འོད་ཟེར་ཐམས་ཅད་ཁྱོད་རང་དང་དབྱེར་

{45}

༄༅༔ ༔མེད་དུ་ཐིམ་ནས་སངས་རྒྱས་པར་འགྱུར་རོ༔ རང་གི་རིག་པའི་རང་མདངས་སུ་མ་ཤེས་ན་ནི༔ བཅོམ་ལྡན་འདས་རིན་ཆེན་

འབྱུང་ལྡན་གྱི་ཐུགས་རྗེའི་འོད་ཟེར་ཡིན་ནོ་སྐྱབས་སུ་མཆིའོ་སྙམ་པའི་མོས་གུས་གྱིས་ལ་གསོལ་བ་ཐོབ་ཅིག༔ དེ་ནི་བཅོམ་ལྡན་འདས་

རིན་ཆེན་འབྱུང་ལྡན་ཁྱོད་བར་དོའི་འཇིགས་སྐྲག་ལ་བསུ་བ་འོང་བ་ཡིན་ནོ༔ རིན་ཆེན་འབྱུང་ལྡན་གྱི་ཐུགས་རྗེའི་འོད་ཟེར་གྱི་ལྕགས་ཀྱུ་

ཡིན་བའི་མོས་པ་གྱིས་ཤིག༔ མིའི་འོད་སྔོན་པོ་བཀྲག་མེད་དེ་ལ་དགའ་བར་མ་བྱེད་ཅིག༔ ཁྱོད་ཀྱི་ང་རྒྱལ་དྲག་པོས་བསགས་པའི་བག་

ཆགས་ཀྱི་བསུ་བའི་ལམ་ཡིན་ནོ༔ དེ་ལ་ཆགས་ན་ནི་ཁྱོད་མིའི་གནས་སུ་ལྟུང་ནས་སྐྱེ་རྒ་ན་འཆིའི་སྡུག་བསྔལ་ཉམས་སུ་མྱོང་ཞིང་

{46}

འཁོར་བའི་འདམ་ནས་ཐོན་པའི་དུས་མི་འབྱང་སྟེ༔ ཐར་པའི་ལམ་བཀག་པའི་བར་ཆད་ཡིན་པས་དེ་ལ་མིག་མི་བལྟ་བར་ང་རྒྱལ་སྤོངས་ཤིག༔

བག་ཆགས་སྤོངས་ཤིག༔ མ་ཆགས་ཤིག༔ མ་ཞེན་ཅིག༔ འོད་སེར་པོ་སེར་ལ་མཚེར་བ་དེ་ལ་མོས་པ་གྱིས་ཤིག༔ བཅོམ་ལྡན་འདས་

རིན་ཆེན་འབྱུང་ལྡན་ལ་འདུན་པ་རྩེ་གཅིག་ཏུ་གཏོད་ལ་སྨོན་ལམ་འདི་སྐད་དུ་ཐོབ་ཅིག༔ ཀྱཻ་མ་ང་རྒྱལ་དྲག་པོས་འཁོར་བར་འཁྱམས་པའི་

ཚེ༔ མཉམ་ཉིད་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རིན་ཆེན་འབྱུང་ལྡན་ལམ་སྣ་དྲུངས༔ ཡུམ་མཆོག་མཱ་མ་ཀི་ཡི་རྒྱབ་ནས་

བསྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ དེ་སྐད་མོས་གུས་དྲག་པོ་

{47}

༄༅༔ ༔སྨོན་ལམ་བཏབ་པས༔ བཅོམ་ལྡན་འདས་རིན་ཆེན་འབྱང་ལྡན་གྱི་ཐུགས་ཀར་འཇའ་འོད་དུ་ཐིམ་ནས༔ ལྷོ་ཕྱོགས་

དཔལ་དང་ལྡན་པའི་ཞིང་ཁམས་སུ་ལོངས་སྤྱོད་རྫོགས་པའི་སྐུར་སངས་རྒྱས་པར་འགྱུར་རོ༔ དེ་ལྟར་དུ་ངོ་སྤྲད་པས་དབང་པོ་ཇི་ལྟར་

གཞན་ཡང་གྲོལ་བར་ཐེ་ཚོམ་མེ་དོ་༔ ཡང་དེ་ལྟར་ལན་མང་དུ་ངོ་སྤྲང་ཀྱང་སྡིག་པོ་ཆེ་ལ་སོགས་པ་དང་༔ དམ་ཚིག་ཉམས་པ་ལ་སོགས་པའི་

སྐལ་ཆད་ཀྱི་རིགས་ལ་ད་དུང་ཡང་ངོ་མི་འཕྱོད་པའི་རིགས་འོང་སྟེ༔ འདོད་ཆགས་དང་སྔིག་སྒྲིབ་ཀྱིས་བསྐྱོད་ནས་སྒྲ་འོད་ལ་འཇིགས་

ཏེ་བྲོས་བས༔ ཞག་བཞི་པ་ལ༔ བཅོམ་ལྡན་འདས་སྣང་བ་མཐའ་ཡས་ཀྱི་ལྷ་ཚོགས་དང་༔ འདོད་ཆགས་དག་སེར་སྣ་ལས་གྲུབ་པའི་

{48}

ཡི་དྭངས་ལ་འོད་ལམ་གཉིས་ཀྱིས་བསུ་བ་ལ་འོང་སྟེ༔ ཡང་ངོ་སྤྲད་པ་ནི༔ ཚེ་འདས་ཀྱི་མིང་ནས་བོད་ལ་འདི་སྐད་དོ༔ ཀྱཻ་རིགས་ཀྱི་བུ་མ་ཡིངས་

པར་ཉོན་ཅིག༔ ཞག་བཞི་པ་ལ་འབྱུང་བ་མེ་རྣམ་པར་དག་པའི་འོད་དམར་པོ་འཆར་རོ༔ དེའི་དུས་སུ་ནུབ་ཕྱོགས་བདེ་བཅན་གྱི་ཞིང་ཁམས་དམར་པོ་

ནས༔ བཅོམ་ལྡན་འདས་སྣང་བ་མཐའ་ཡས་སྐུ་མདོག་དམར་པོ༔ ཕྱག་ན་པདྨ་བསྣམས་པ་རྨ་བྱའི་གདན་ལ་བཞུགས་པ༔ ཡུམ་མཆོག་གོས་

དཀར་མོ་དང་ཞལ་སྦྱར་ནས་རང་ལ་འཆར་དུ་འོང་ངོ་༔ བྱང་ཆུབ་སེམས་དཔའ་སྤྱན་རས་གཟིགས་དང་༔ འཇམ་དཔལ་གཉིས་ལ༔ སེམས་མ་

གྷཱིརྟི་མ་དང་༔ ཨཱ་ལོ་ཀེ་གཉིས་ཀྱིས་བསྐོར་ནས་འཇའ་འོད་ཀྱིས་ཀློང་ནས་སངས་རྒྱས་ཀྱི་སྐུ་དྲུག་ཏུ་འཆར་ནས་འོང་ངོ་༔ འདུ་ཤེས་ཀྱི་ཕུང་པོ་གནས་

{49}

༄༅༔ ༔སུ་དག་པ༔ འོད་དམར་པོ་སོ་སོར་རྟོགས་བའི་ཡེ་ཤེས་དམར་ལ་འཚེར་བ་ཐིག་ལེ་དང་ཐིག་ཕྲན་གྱིས་བརྒྱན་པ༔ གསལ་ལ་དྭངས་

པ༔ བཀྲག་ལ་འཚེར་བ་གཅིག་སྣང་བ་མཐའ་ཡས་ཡབ་ཡུམ་གྱི་ཐུགས་ཀ་ནས༔ ཁྱོད་རང་གི་སྙིང་གི་ཐད་དཀར་མིག་གིས་མི་བཟོད་བཙམ་

དུ་ཟུག་ནས་འོང་ངོ་༔ དེ་ལ་མ་འཇིགས་ཤིག༔ དེ་དང་མཉམ་དུ་ཡི་དྭགས་ཀྱི་འོད་སེར་པོ་བཀྲག་མད་པ་ཅིག་ཀྱང་༔ ཡེ་ཤེས་ཀྱི་འོད་དང་

གཤིབས་མར་ཁྱོད་ལ་འཆར་དུ་འོང་བས༔ དེ་ལ་དགའ་བར་མ་བྱེད་ཅིག༔ ཆགས་ཞེན་སྤོངས་ཤིག༔ དེའི་དུས་སུ་ཁྱོད་འདོད་ཆགས་

དྲག་པོའི་དབང་གིས༔ འོད་དམར་པོ་བཀྲག་མདངས་ཅན་དེ་ལ་ཁྱོད་སྐྲག་པ་སྐྱེས་ནས་བྲོས་སུ་འོངས་ཤིང་༔ ཡི་དྭགས་ཀྱི་འོད་སེར་པོ་བཀྲག་

{50}

མེད་དེ་ལ་ཁྱོད་དགའ་བ་དང་ཆགས་སེམས་བསྐྱེད་ནས་འོང་གིས༔ དེ་ཙན་ཁྱོད་འོད་དམར་པོ་བཀྲག་ལ་འཚེར་བ་གསལ་ལ་དྭངས་པ་དེ་ལ་

མ་འཇིགས་པར་ཡེ་ཤེས་སུ་ངོ་ཤེས་པར་གྱིས་ཤིག༔ དེའི་ཐོག་ཏུ་རིགས་པ་བྱར་མེད་ཀྱི་ངང་དུ་གློད་ལ་ཞོག་ཅིག༔ དབྱེར་མེད་དུ་ཐིམ་ནས་སངས་

རྒྱས་པར་འགྱུར་རོ༔ དེ་ལྟར་མ་ཤེས་ན༔ བཅོམ་ལྡན་འདས་སྣང་བ་མཐའ་ཡས་ཀྱི་ཐུགས་རྗེའི་འོད་ཟེར་ཡིན་ནོ་སྐྱབས་སུ་མཆོའོ་སྙམ་

པའི་མོས་གུས་གྱིས་ལ་གསོལ་བ་ཐོབ་ཅིག༔ དེ་ནི་བཅོམ་ལྡན་འདས་སྣང་བ་མཐའ་ཡས་ཀྱིས་ཐུགས་རྗེའི་འོད་ཟེར་གྱི་ལྕགས་ཀྱུ་ཡིན་ནོ་མོས་

པ་གྱིས་ཤིག༔ མ་བྲོས་ཅིག༔ བྲོས་ཀྱང་ཁྱོད་རང་དང་འདུ་འབྲལ་མེད་པར་འོང་ངོ་༔ མ་འཇིགས་ཤིག༔ ཡི་དྭགས་ཀྱི་འོད་སེར་པོ་བཀྲག་མེད་དེ་ལ་

{51}

༄༅༔ ༔ཆགས་པར་མ་བྱེད་ཅིག༔ དེ་ནི་འདོད་ཆགས་དྲག་པོས་བསགས་པའི་ཡི་དྭགས་ཀྱི་བསུ་བའི་ལམ་ཡིན་ནོ༔ དེ་ལ་ཆགས་ན་ཁྱོད་

ཡི་དྭངས་ཀྱིས་གནས་སུ་ལྷུང་ནས་བཀྲེས་སྐོམ་གྱི་སྡུག་བསྔལ་བཟོད་གླགས་མེད་པ་མྱོང་སྟེ༔ ཐར་ལམ་བཀག་པའི་བར་ཆད་ཡིན་པས༔ དེ་ལ་

མ་ཆགས་པར་ཆགས་སེམས་སྤོངས་ཤིག༔ མ་ཞིན་ཅིག༔ འོད་དམར་པོ་གསལ་ལ་འཚེར་བ་དེ་ལ་མོས་པ་གྱིས་ལ༔ བཅོམ་ལྡན་འདས་སྣང་བ་

མཐའ་ཡས་ཡབ་ཡུམ་ལ་འདུན་པ་རྩེ་གཅིག་གདོན་ལ༔ སྨོན་ལམ་འདི་སྐད་དུ་ཐོབ་ཅིག༔ ཀྱཻ་མ་འདོད་ཆགས་དྲག་པོས་འཁོར་བར་འཁྱམས་

པའི་ཚེ༔ སོར་རྟོགས་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་སྣང་བ་མཐའ་ཡས་ལམ་དྲོགས༔ ཡུམ་མཆོག་གོས་དཀར་མོ་ཡིས་

{52}

རྒྱབ་ནས་བསྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་བསྐྱོལ༔ དེ་སྐད་མོས་གུས་དྲག་པོས་

སྨོན་ལམ་བཏབ་པས༔ བཅོམ་ལྡན་འདས་སྣང་བ་མཐའ་ཡས་འོད་དཔག་མེད་ཀྱི་ཐུགས་ཀར་འཇའ་འོད་དུ་ཐིམ་ནས༔ ནུབ་ཕྱོགས་བདེ་བ་

ཅན་གྱི་ཞིང་ཁམས་སུ་ལོངས་སྤྱོད་རྫོགས་པའི་སྐུ་རུ་སངས་རྒྱས་པར་འགྱུར་རོ༔ དེས་ནི་མི་གྲོལ་མི་སྲིད་དོ༔ ཡང་དེ་ལྟར་དུ་ངོ་སྤྲད་ཀྱང་སེམས་

ཅན་བག་ཆགས་དང་འགྲོགས་ཡུན་རིང་པའི་སྟབས་ཀྱིས་བག་ཆགས་མི་སྤོང་བར་ཕྲག་དོག་དང་ལས་ངན་གྱི་དབང་གིས་སྒྲ་འོད་ལ་དངངས་སྐྲག་

སྐྱེས་ཏེ༔ ཐུགས་རྗེའི་འོད་ཟེར་གྱི་ལྕགས་ཀྱུས་མི་ཟིན་པར༔ ཞག་ལྔ་པའི་བར་དུ་མར་ལ་འཁྱམས་ཏེ༔ ཡང་དེའི་ཚེ་བཅོམ་ལྡན་འདས་དོན་ཡོད་

{53}

༄༅༔ ༔གྲུབ་པའི་ལྷ་ཚོགས་ཐུགས་རྗེའི་འོད་ཟེར་དང་བཅས་ཏེ་བསུ་བ་ལ་བྱོན་ནོ༔ ཉོན་མོངས་པ་ཕྲག་དོག་ལས་གྲུབ་པའི་ལྷ་མ་

ཡིན་གྱི་འོད་ལམ་གྱིས་ཀྱང་བསུ་བ་ལ་འོང་ངོ་༔ དེའི་ཚེ་ཡང་ངོ་སྤྲད་པ་ནི༔ ཚེ་འདས་ཀྱི་མིང་ནས་འབོད་ལ་འདི་སྐད་དོ༔ ཀྱཻ་རིགས་ཀྱི་བུ༔ མ་

ཡེངས་པར་ཉོན་ཅིག༔ ཞག་ལྔ་པ་ལ་འབྱུང་བ་རླུང་ཐམས་ཅད་རྣམ་པར་དག་པའི་འོད་ལྗང་ཁུ་འཆར་རོ༔ དེའི་དུས་སུ་བྱང་ཕྱོགས་ལས་

རབ་བརྩེགས་པའི་ཞིང་ཁམས་ལྗང་ཁུ་ནས༔ བཅོམ་ལྡན་འདས་སངས་རྒྱས་དོན་ཡོང་གྲུབ་པ་གཙོ་འཁོར་སྐུ་མདོག་ལྗང་ཁུ་ཕྱག་ན་རྡོ་

རྗེ་རྒྱ་གྲམ་བསྟམས་པ༔ ནམ་མཁའ་ལྡིང་ཤང་ཤང་གི་ཁྲིལ་བཞུགས་པ༔ ཡོམ་དམ་ཚིག་སྒྲོལ་མ་དང་ཞལ་སྦྱར་ནས་ཁྱོད་རང་ལ་

{54}

འཆར་དུ་འོད་ངོ་༔ སེམས་དཔའ་ཕྱག་ན་རྡོ་རྗེ་དང་༔ སྒྲིབ་བ་རྣམ་པར་སེལ་བ་གཉིས་ལ༔ སེམས་མ་གྷནྡྷེ་མ་དང་༔ ནཱིར་ཏི་མ་གཉིས་ཀྱིས་བསྐོར་

ནས་འཇའ་དང་འོད་ཀྱི་ཀློང་ནས་སངས་རྒྱས་ཀྱི་སྐུ་དྲུག་ཏི་འཆར་དུ་འོང་ངོ་༔ འདུ་བྱེད་ཀྱི་ཕུང་པོ་གནས་སུ་དག་པ་འོད་ལྗང་ཁུ་བྱ་བ་གྲུབ་པའི་ཡེ་ཤེས་

ལྗང་ལ་འཆར་བ༔ གསལ་ལ་དྭངས་པ་བཀྲག་ལ་ཉམས་ང་བ༔ ཐིག་ལེ་དང་ཐིག་ཕྲན་གྱིས་སྤྲས་པ་ཅིག༔ དོན་ཡོང་གྲུབ་པ་ཡབ་ཡུམ་གྱི་ཐུགས་

ཀ་ནས་ཁྱོང་རང་གི་སྙིང་གི་ཐད་ཀར་མིག་གིས་མི་བཟོད་པ་ཙམ་དུ་ཟུག་ནས་འོང་ངོ་༔ དེ་ལ་མ་འཇིགས་པར་ཁྱོང་རང་གི་རིག་པའི་རང་རྩལ་ཡིན་

པས་ཆགས་སྡང་ཉེ་རིང་མེད་པའི་བཏང་སྙོམས་བྱར་མེད་ཆེན་པོའི་ངང་དུ་ཞོག་ཅིག༔ དེ་དང་མཉམ་དུ་ལྷ་མ་ཡིན་གྱི་འོད་དམར་པོ་ཕྲག་དོག་གི་

{55}

༄༅༔ ༔རྒྱུ་ལས་གྲུབ་པ་བཀྲག་མེད་པ་ཅིག་ཀྱང་ཡེ་ཤེས་ཀྱི་འོད་དང་ལྷན་ཅིག་ཏུ་ཁྱོད་ལ་འཆར་དུ་འོང་བས༔ དེ་ལ་ཆགས་སྡང་

མེད་པའི་བཏང་སྙོམས་བསྒོམས་ཤིག༔ བློ་དམན་པ་ཡིན་ནའང་དེ་ལ་དགའ་བར་མ་བྱེདཅིག༔ དེའི་དུས་སུ་ཁྱོད་ཕྲག་དོག་དྲག་པོས་

དབང་གིས་འོད་ལྗང་ཁུ་བཀྲག་ལ་མཚེར་བ་དེ་ལ་ཁྱོད་ཞེད་ནས་བྲོས་སུ་འོང་ཞིང་༔ ལྷ་མ་ཡིན་གྱི་འོད་དམར་པོ་བཀྲག་མེད་དེ་ལ་ཁྱོད་

དགའ་བ་དང་ཆགས་སེམས་སྐྱེས་ནས་འོང་གྱིས༔ དེ་ཙ་ན་ཁྱོད་འོད་ལྗང་ཁུ་བཀྲག་ལ་མཚར་བ་གསལ་ལ་དྭངས་པ་དེ་ལ་མ་འཇིགས་

པར་ཡེ་ཤེས་སུ་ངོ་ཤེས་པར་གྱིས་ཤིག༔ དེའི་ཐོག་ཏུ་རིག་པ་བྱར་མེད་ཀྱི་ངང་དུ་གློད་ལ་བཞོག་ཅིག༔ བཅོམ་ལྡན་འདས་དོན་ཡོད་གྲུབ་

{56}

པའི་ཐུགས་རྗེ་འི་འོད་ཟེར་ཡིན་ནོ་སྐྱབས་སུ་མཆིའོ༔ སྙམ་པའི་མོས་གུས་གྱིས་ལ་གསོལ་བ་ཐོབ་ཅིག༔ དེ་ནི་བཅོམ་ལྡན་འདས་དོན་ཡོད་

གྲུབ་པའི་ཐུགས་རྗེའི་ལྕགས་ཀྱུའི་འོད་ཟེར་བྱ་བ་གྲུབ་པའི་ཡེ་ཤེས་བྱ་བ་ཡིན་ནོ༔ མོས་པ་གྱིས་ཤིག༔ མ་བྲོས་ཤིག༔ བྲོས་ཀྱང་ཁྱོད་

རང་དང་འབྲལ་མེད་དུ་འོང་ངོ་༔ དེ་ལ་མ་འཇིགས་ཤིག༔ ལྷ་མ་ཡིན་གྱི་འོད་དམར་པོ་བཀྲག་མེད་དེ་ལ་ཆགས་པར་མ་བྱེད་ཅིག༔ དེ་ནི་ཁྱོད་ཀྱི་

ཕྲག་དོག་དྲག་པོས་བསགས་པའི་ལས་ཀྱི་བསུ་བའི་ལམ་ཡིན་ནོ༔ དེ་ལ་ཆགས་ན་ནི་ཁྱོད་ལྷ་མ་ཡིན་གྱི་གནས་སུ་ལྷུང་ནས༔ འཐབ་རྩོད་

ཀྱི་སྔུག་བསྔལ་བཟོད་གླགས་མེད་པ་མྱོང་སྟེ༔ ཐར་ལམ་བཀག་པའི་བར་ཆད་ཡིན་པས༔ དེ་ལ་མ་ཆགས་པར་ཞེན་པ་སྤོངས་ཤིག༔ མ་ཞེན་

{57}

༄༅༔ ༔ཅིག༔ འོད་ལྗང་ཁུ་གསལ་ལ་མཚེར་བ་དེ་ལ་མོས་པ་གྱིས་ལ༔ བཅོམ་ལྡན་འདས་དོན་ཡོད་གྲུབ་པ་ཡབ་ཡུམ་ལ་འདུན་

པ་རྩེ་གཅིག་ཏུ་གཏོད་ལ༔ སྨོན་ལམ་འདི་སྐད་དུ་ཐོབ་ཅིག༔ ཀྱཻ་མ་ཕྲག་དོག་དྲག་བོས་འཁོར་བར་འཁྱོམས་པའི་ཚེ༔ བྱ་གྲུབ་ཡེ་ཤེས་

གསལ་བའི་འོད་ལམ་ལ༔ བཅོམ་ལྡན་དོན་ཡོད་གྲུབ་བས་ལམ་སྣ་དྲོངས༔ ཡུམ་མཆོག་དམ་ཚིག་སྒྲོལ་མས་རྒྱབ་ནས་སྐྱོར༔ བར་དོ་

འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ དེ་ལྟར་མོས་གུས་དྲག་པོས་སྨོན་ལམ་

བཏབ་པས༔ བཅོམ་ལྡན་འདས་དོན་ཡོད་གྲུབ་པ་ཡབ་ཡུམ་གྱི་ཐུགས་ཀར་འཇའ་འོད་དུ་ཐིམ་ནས༔ བྱང་ཕྱོགས་ལས་རབ་རྫོགས་པའི་

{58}

ཞིང་ཁམས་སུ་ལོངས་སྤྱོད་རྫོགས་པའི་སྐུར་སངས་རྒྱས་པར་འགྱུར་རོ༔ དེ་ལྟར་རིམ་བ་མང་དུ་ངོ་སྤྲད་པས་ལས་འཕྲོ་ཇི་ལྟར་ཞན་ཡང་གཅིག་

ལ་ངོས་མ་ཟིན་ཀྱང་གཅིག་ལ་ངོས་ཟིན་ཏེ་གང་རུང་གཅིག་ལ་ངོ་འཕྲོད་དེ་མི་གྲོལ་མི་སྲིདདོ༔ ཡང་དེ་ལྟར་ལན་མང་དུ་ངོ་སྤྲད་ཀྱང་བག་ཆགས་

ཚན་ཆེ་ལ་འཁྲོགས་ཡུན་རིང་༔ དག་སྣངདང་ཡེ་ཤེས་སྔར་འདྲིས་མེད་པའི་དབང་གིས་ངོ་སྤྲད་ཀྱང་བག་ཆགས་ངན་པས་ཕྱི་ལ་ཁྲིད་དེ༔

ཐུགས་རྗེའི་འོད་ཟེར་གྱི་ལྕགས་ཀྱུས་མ་ཟིན་པར༔ འོད་དང་ཟེར་ལ་དངངས་སྐྲག་སྐྱེས་ནས་མར་ལ་འཁོར་ནས༔ ད་ནི་ཞག་དྲུག་པ་ལ་རིགས་

ལྔ་ཡབ་ཡུམ་འཁོར་དང་བཅས་པ་དུས་གཅིག་ལ་འཆར་ནས་འོངས་པས༔ དེའི་ཚེ་རིགས་དྲུག་གི་འོད་དྲུག་ཀྱང་དུས་ཅིག་ལ་ཤར་ནས་འོང་

{59}

༄༅༔ ༔དེ་ངོ་སྤྲད་པ་ནི༔ ཆེ་འདས་ཀྱི་མིང་ནས་བོས་ལ་འདི་སྐད་དོ༔ ཀྱཻ་རིགས་ཀྱི་བུ༔ ཁྱོད་ཁ་སང་ཕན་ཆད་རིགས་ལྔ་སོ་སོའི་

སྣང་བ་ཤར་ནས༔ ངོ་སྤྲད་ཀྱང་ཁྱོད་བག་ཆགས་ཀྱི་དབང་གིས་དེ་ལ་སྐྲག་དངངས་སྐེས་པས་ད་ཕན་ཆད་དུ་འདིར་ལུས་པ་ཡིན་ནོ༔ ཁྱོད་

ཀྱི་གོང་དུ་རིགས་ལྡའི་ཡེ་ཤེས་ཀྱི་རང་མདངས་དེ་རྣམས་རང་སྣང་དུ་ངོ་ཤེས་ན་རིགས་ལྔ་སོ་སོའི་སྐུ་ལ་འཇའ་འོད་དུ་ཐིམ་ནས་ལོངས་

སྤོད་རྫོགས་པའི་སྐུ་རི་སངས་རྒྱས་རྒྱུ་ཡིན་པ་ལ༔ རང་སྣང་དུ་མ་ཤེས་པས༔ འདིར་འཁྱམས་པ་ཡིན་ནོ༔ ད་ནི་མ་ཡེངས་པར་ཉོན་ཅིག༔

རིགས་ལྔ་ཡོངས་རྫོགས་ཀྱི་སྣང་བ་དང་༔ ཡེ་ཤེས་བཞི་སྦྱོར་གྱི་སྣང་བ་ཞེས་ཁྱ་བ་ཁྱོད་བསུ་བ་ལ་འོང་ངོ་༔ ངོ་ཤེས་པར་གྱིས་ཤིག༔ ཀྱཻ་

{60}

རིགས་ཀྱི་བུ༔ འབྱུང་བ་བཞིའི་རྣམ་པར་དག་པའི་འོད་ཁ་དོག་བཞི་འཆར་དུ་འོང་ངོ་༔ དེའི་དུས་སུ་དབུས་ཕྱོགས་ཐིག་ལེ་བརྡལ་བའི་ཞིང་

ཁམས་ནས༔ སངས་རྒྱས་རྣམ་པར་སྣང་མཛད་ཡབ་ཡུམ་གོང་ལྟར་འཆར་དུ་འོང་ངོ་༔ ཤར་ཕྱོགས་མངོན་པར་དགའ་བའི་ཞིང་ཁམས་

ནས༔ སངས་རྒྱས་རྡོ་རྗེ་སེམས་དཔའ་ཡབ་ཡུམ་འཁོར་དང་བཅས་པ་འཆར་དུ་འོང་ངོ་༔ ལྷོ་ཕྱོགས་དཔལ་ལྡན་པའི་ཞིང་ཁམས་

ནས༔ སངས་རྒྱས་རིན་ཆེན་འབྱུང་ལྡན་ཡབ་ཡུམ་འཁོར་དང་བཅས་པ་འཆར་དུ་འོང་ངོ་༔ ནུབ་ཕྱོགས་པདྨ་བརྩེགས་པ་བདེ་བ་ཅན་གྱི་

ཞིང་ཁན་ས་ནས༔ སངས་རྒྱས་སྣང་བ་མཐའ་ཡས་ཡབ་ཡུམ་འཁོར་དང་བཅས་པ་འཆར་དུ་འོང་ངོ་༔ བྱང་ཕྱོགས་ལས་རབ་རྫོགས་པའི་ཞིང་

{61}

༄༅༔ ༔ཁམས་ནས༔ སངས་རྒྱས་དོན་ཡོད་གྲུབ་པ་ཡབ་ཡུམ་འཁོར་དང་བཅས་པ་འཇའ་དང་འོད་ཀྱི་ཀློང་ནས་ཁྱོད་ལ་ད་ལྟ་འཆར་

རོ༔ ཀྱཻ་རིགས་ཀྱི་བོ༔ རིགས་ལྔ་ཡབ་ཡུམ་དེ་རྣམས་ཀྱི་ཕྱི་རིམ་དུ༔ སྒོ་བ་ཁྲོ་བོ་རྣམ་པར་རྒྱལ་བ་དང་༔ གཞིན་རྫེ་གཤེད་པོ་དང་༔ རྟ་མགྲིན་

རྒྱལ་པོ་དང་༔ བདུད་རྩི་འཁྱིལ་པ་དང་༔ སྒོམ་ལྕགས་ཀྱུ་མ་དང་༔ ཞགས་པ་མ་དང་༔ ལྕགས་སྒྲོག་མ་དང་༔ དྲིལ་བུ་མ་དང་༔ ལྷའི་

ཐུབ་པ་དབང་པོ་བརྒྱ་བྱིན་དང་༔ ལྷ་མ་ཡིན་གྱི་ཐུབ་པ་ཐག་བཟང་རིས་དང་༔ མིའི་ཐུབ་པ་ཤཱཀྱ་སེངྒེ་དང་༔ བྱོལ་སོང་ཐུབ་པ་སེངྒེ་རབ་

བརྟན་དང་༔ ཡི་དྭགས་ཀྱི་ཐུབ་པ་ཁ་འབར་མ་དང་༔ དམྱལ་བའི་ཐུབ་པ་ཆོས་ཀྱི་རྒྱལ་པོ་དང་༔ བཅོམ་ལྡན་འདས་ཐུབ་པ་དྲུག་ཀྱང་

{62}

འཆར་རོ༔ ཀུན་ཏུ་བཟང་པོ་དང་༔ ཀུན་ཏུ་བཟང་མོ་དང་༔ སངས་རྒྱས་ཐམས་ཅད་ཀྱི་སྤྱི་མེས་ཀུན་བཟང་ཡབ་ཡུམ་གཉིས་ཀྱང་འཆར་དུ་འོང་ངོ་༔

ལོངས་སྐུའི་ལྷ་ཚོགས་བཞི་བཅུ་རྩ་གཉིས་སྙིང་གི་ནང་ནས་ཐོན་ནས་ཁྱོད་རང་ལ་འཆར་དུ་འོང་བས༔ ཁྱོད་རང་གི་དག་པའི་སྣང་བ་ལས་

འཆར་བ་ཡིན་པས་ངོ་ཤེས་པར་གྱིས་ཤིག༔ ཀྱེ་རིགས་ཀྱི་བུ༔ ཞིང་ཁམས་དེ་དག་ཀྱང་གཞན་ཞིག་ན་ཡོད་པ་ནི་མ་ཡིན་ཏེ༔ ཁྱོད་རང་གི་

སྙིང་གི་ཕྱོགས་བཞི་དབུས་དང་ལྔ་ཡིན་ནོ༔ སྙིང་གི་ནང་ནས་ད་ལྟ་ཕྱིར་ཐོན་ནས་ཁྱོད་རང་ལ་འཆར་བ་ཡིན་ནོ༔ སྐུ་དེ་དག་ཀྱང་ཞན་ཞིག་ནས་

འོང་བ་མ་ཡིན་ཏེ༔ ཁྱོད་རང་གི་རིག་པའི་རང་རྩལ་ལས་ཡེ་ནས་ལྷུན་གྱིས་གྲུབ་པ་ཡིན་པས༔ དེ་ལྟར་ཡིན་པར་ངོ་ཤེས་པར་གྱིས་ཤིག༔

{63}

༄༅༔ ༔ཀྱཻ་རིགས་ཀྱི་བུ༔ སྐུ་དེ་དག་ཀྱང་མི་ཆེ་བ༔ མི་ནུད་བ་ཆ་མཉམ་པ༔ རྒྱན་ཁ་དོག་བཞུགས་ཚོལ་དང་༔ གདན་ཁྲི་རང་རང་

གི་ཕྱག་རྒྱ་དང་བཅས་ཏ༔ སྐུ་དེ་དག་ཀྱང་ལྔ་ལྔའི་ཟུང་གིས་ཁྱབ་པ༔ ལྔ་ཚན་རེ་རེ་ལ་འོད་ལྔའི་ཚོམ་བུས་མུ་ཁྱུད་དང་བཅས་པ༔ ཡབ་ཀྱི་

ཆ་འཛིན་པའི་རིགས་ཀྱི་སེམས་དཔའ་དང་༔ ཡུམ་གྱི་ཆ་འཛིན་པའི་རིགས་ཀྱི་སེམས་མ་དང་༔ དཀྱིལ་འཁོར་ཐམས་ཅད་གཅིག་ལ་རྗོཊ་

པར་འཆར་དུ་འོང་བས༔ དེ་ཁྱོད་ཀྱི་ཡི་དམ་གྱི་ལྷ་ཡིན་བས་ངོ་ཤེས་པར་གྱིས་ཤིག༔ ཀྱཻ་རིགས་ཀྱི་བུ༔ རིགས་ལྔ་ཡབ་ཡུམ་དེ་དག་གི་

ཐུགས་ཀ་ནས༔ ཡེ་ཤེས་བཞི་སྦྱོར་གྱི་འོད་ཟེར་ཕྲ་ལ་དྭངས་པ༔ ཉི་མའི་འོད་ཟེར་སྦ་ཐག་དྲིལ་བ་ལྟ་བུ་མེ་རེ་རེ་ཁྱོད་རང་གི་སྙིང་ཁར་འཆར་

{64}

དུ་འོང་སྟེ༔ དེ་ཡང་དང་པོ་རྣམ་པར་སྣང་མཛོད་ཀྱི་ཐུགས་ཀ་ནས༔ ཆོས་ཀྱི་དབྱིངས་ཀྱི་ཡེ་ཤེས་དཀར་ལ་གསལ་བ༔ བཀྲག་ལ་ཉམ་ང་བའི་འོད་ཟེར་གྱི་སྣམ་

བུ་ཅིག༔ ཁྱོད་རང་གི་སྙིང་ཁ་དང་འབྲེལ་མར་འཆར་དུ་འོང་ངོ་༔ འོད་ཟེར་གྱི་སྣམ་བུ་དེའི་སྟེང་དུ་ཐིག་ལེ་དཀར་པོ་འོད་ཟེར་དང་ལྡན་པ་པ་མེ་ལོང་ཁ་སྤུབ་པ་ཙམ་

པ༔ ཤིན་ཏུ་གསལ་བ་བཀྲག་ལ་འཆར་བ༔ དེ་ཡང་རང་བཞིན་གྱི་ཐིག་ལེ་ལྔ་ལྔས་བརྒྱན་པ༔ དེའི་མཐའ་དང་དབུས་མེད་པར་ཐིག་ལེ་དང་ཐིག་ཕྲན་གྱིས་

བརྒྱན་པ་ཅིག་འཆར་དུ་འོང་ངོ་༔ རྡོ་རྗེ་སེམས་དཔའི་ཐུགས་ཀ་ནས༔ མེ་ལོང་ལྟ་བུའི་ཡེ་ཤེས་མཐིང་ལ་གསལ་བའི་སྣམ་བུའི་སྟེང་དུ༔ ཐིག་ལེ་སྔོན་

པོ་འོད་དང་ལྡན་པ་དཔེར་ན་གཡུའི་ཕོར་པ་ཁ་སྦུབ་པ་ཙམ་པ༔ ཐིག་ལེ་དང་ཐིག་ཕྲན་གྱིས་བརྒྱན་པ་འཆར་དུ་འོང་ངོ་༔ རིན་ཆེན་འབྱུང་ལྡན་གྱི་ཐུགས་ཀ་

{65}

༄༅༔ ༔ནས༔ མཉམ་པ་ཉིད་ཀྱི་ཡེ་ཤེས་སེར་ལ་གསལ་ལ་བའི་སྣམ་བུའི་སྟེང་དུ༔ ཐིག་ལེ་སེར་པོ་གསེར་གྱི་ཕོར་པ་ཁ་སྦུབ་པ་ལྟ་བུ༔ ཐིག་ལེ་

དང་ཐིག་ཕྲན་གྱིས་བརྒྱན་པ་འཆར་དུ་འོང་ངོ་༔ སྣང་བ་མཐའ་ཡས་ཀྱི་ཐུགས་ཀ་ནས༔ སོ་སོར་རྟོགས་པའི་ཡེ་ཤེས་དམར་ལ་གསལ་བའི་སྣམ་བུའི་

སྟེང་དུ༔ ཐིག་ལེ་དམར་པོ་འོད་ཟེར་དང་ལྡན་པ་དཔེར་ན་བྱུ་རུའི་ཕོར་པ་ཁ་སྦུབ་པ་ལྟ་བུ༔ ཡེ་ཤེས་ཀྱི་མདངས་དང་ལྡན་པ་ཤིན་ཏུ་གསལ་ལ་

མཚོར་བ༔ དེ་ཡང་ཐིག་ལེ་ལྔ་ལྔས་བརྒྱན་པ༔ དེའི་མཐའ་དང་དབུས་མེད་པར་ཐིག་ལེ་དང་ཐིག་ཕྲན་གྱིས་བརྒྱན་པ་འཆར་དུ་འོང་ངོ་༔ དེ་

རྣམས་ཀྱང་ཁྱོད་རང་གི་སྙིང་ཁ་དང་འབྲེལ་ནས་འཆར་དུ་འོང་ངོ་༔ ཀྱཻ་རིགས་ཀྱི་བུ༔ དེ་རྣམས་ཀྱང་ཁྱོད་རང་གི་རིག་པའི་རང་རྩལ་ལས་

{66}

འཆར་བ་ཡིན་ཏེ༔ གཞན་ཞིག་ནས་འོངས་པ་མ་ཡིན་པས༔ དེ་རྣམས་ལ་ཆགས་པར་ཡང་མ་བྱེད་ཅིག༔ སྐྲག་པར་ཡང་མ་བྱེད་ཅིག་མི་རྟོག་བའི་

ངང་དུ་ཀློད་ལ་ཞོག་ཅིག༔ དེའི་ངང་ལ་སྐུ་དང་འོད་ཟེར་ཐཾས་ཅད་ཁྱོད་རང་ལ་ཐིམ་ནས་སངས་རྒྱས་པར་འགྱུར་རོ༔ ཀྱཻ་རིགས་ཀྱི་བུ༔ བྱ་བ་གྲུབ་

པའི་ཡེ་ཤེས་ཀྱི་འོད་ལྗང་ཁུ་ནི་ཁྱོད་རང་གི་རིག་པའི་ཡེ་ཤེས་ཀྱི་རང་རྩལ་མ་རྫོགས་པས་མི་སྣང་ངོ་༔ ཀྱཻ་རིགས་ཀྱི་བུ༔ དེ་རྣམས་ཀྱི་ཡེ་ཤེས་

བཞི་སྦྱོར་གྱི་སྣང་བ་ཞིས་བྱ་སྟེ༔ རྡོ་རྗེས་སེམས་དཔའ་ཁྱོང་གསེང་གི་ལམ་ཞེས་བྱ་བ་ཡིན་ནོ༔ དེའི་ཚེ་ཁྱོད་ཀྱིས་སྔར་བླ་མས་ངོ་སྤྲད་པའི་

གདམས་ངག་དྲན་པར་གྱིས་ཤིག༔ ཁྱོད་ཀྱི་ངོ་སྤྲད་དེ་དྲན་ན་སྔར་ཤར་བའི་སྣང་བ་དེ་རྣམས་ལ་ཡིད་ཆེས་ནས་མ་དང་བུ་འཕྲད་པ་ལྟ་བུའ་མ༔

{67}

༄༅༔ ༔སྔར་འདྲིས་པའི་མི་ཕྱིས་མཐོང་བ་ཙམ་གྱིས་ངོ་ཤེས་སྒྲོ་འདོགས་ཆོད་པ་ལྟ་བུ༔ རང་སྣང་དུ་ངོ་ཤེས་པས་ཆོས་ཉིད་

རྣམ་པར་དག་པའི་ལམ་འགྱུར་བ་མེད་པར་ཡིད་ཆེས་ནས༔ རྒྱུན་གྱི་ཏིང་ངེ་འཛིན་སྐྱེས་ཏེ༔ རིག་པ་ལྷུན་གྲུབ་ཆེན་པོའི་སྐུ་ལ་ཐིམ་ནས་

ལོངས་སྤྱོད་རྫོགས་པའི་སྐུར་སངས་རྒྱས་ཏེ་ཕྱིར་མི་ལྡོག་གོ༔ ཀྱཻ་རིགས་ཀྱི་བུ༔ ཡེ་ཤེས་ཀྱི་འོད་དང་མཉམ་དུ་མ་དག་འཁྲུལ་བའི་སྣང་

བ་རིགས་དྲུག་གི་འོད་དྲུག་ཀྱང་གཅིག་འཆར་དུ་འོང་ཏེ༔ གང་ཞེ་ན༔ ལྷའི་འོད་དཀར་པོ་བཀྲག་མེད་དང་༔ ལྷ་མ་ཡིན་གྱི་འོད་དམར་པོ་བཀྲག་

མེད་དང་༔ མིའི་འོད་སྔོན་པོ་བཀྲག་མེད་དང་༔ དུད་འགྲོའི་འོད་ལྗང་ཁུ་བཀྲག་མེད་དང་༔ ཡི་དྭངས་ཀྱི་འོང་སེར་པོ་བཀྲག་མེད་དང་༔ དམྱལ་

{68}

པའི་འོད་དུ་ཁ་བཀྲག་མེད་དང་༔ དག་པ་ཡེ་ཤེས་ཀྱི་འོད་དང་གཤིབས་མར་འཆར་དུ་འོང་༔ དེ་ཙ་ན་ཁྱོད་གང་ལ་ཡང་འཛིན་པ་དང་༔ ཆགས་པ་མ་བྱེད་

པར༔ དམིགས་པ་མེད་པའི་ངང་ལ་ཀློད་ལ་ཞོག་ཅིག༔ ཁྱོད་དག་པ་ཡེ་ཤེས་ཀྱི་འོད་ལ་སྐྲག་ཅིང་༔ མ་དག་རིགས་དྲུག་འཁོར་བའི་འོད་ལ་ཆགས་

ན་ནི༔ འགྲོ་བ་རིགས་དྲུག་གི་ལུས་བླངས་ཏེ༔ འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ནས་ཐར་པའི་དུས་མེད་བས་འོ་རྒྱལལོ༔ ཀྱཻ་རིགས་ཀྱི་བུ༔

ཁྱོད་བླ་མའི་གདམས་ངག་ངོ་སྤྲོད་མེད་པ་ཅིག་ཡིན་ན་ནི༔ གོང་གི་སྐུ་དང་དག་པ་ཡེ་ཤེས་ཀྱི་འོད་ལ་འཛིགས་ཤིང་སྐྲག་ནས༔ མ་དག་འཁོར་

བའི་འོད་ལ་ཆགས་སུ་འོང་བས༔ དེ་ལྟར་མ་བྱེད་པར་དག་པ་ཡེ་ཤེས་ཀྱི་འོད་བཀྲག་ལ་འཚེར་བ་དེ་རྣམས་ལ་མོས་གུས་གྱིས་ཤིག༔ བཅོམ་

{69}

༄༅༔ ༔ལྡན་འདས་རིགས་ལྔ་བདེ་བར་གཤེགས་པའི་ཐུགས་རྗེའི་ཡེ་ཤེས་ཀྱི་འོད་ཟེར་གྱིས་བདག་ལ་ཐུགས་རྗེས་འཛིན་པ་ལ་

བྱོན་པར་འདུག་གིས་སྐྱབས་སུ་མཆིའོ་སྙམ་པའི་མོས་པ་གྱིས་ལ༔ འཁྲུལ་པ་རིགས་དྲུག་གི་འོད་ལ་མ་ཆགས་མ་ཞིན་པར༔ སངས་རྒྱས་

རིགས་ལྔ་ཡབ་ཡུམ་ལ་མདུན་པ་རྩེ་གཅིག་ཏུ་གཏོད་ལ༔ སྨོན་ལམ་འདི་སྐད་དུ་ཐོབ་ཅིག༔ ཀྱེ་མ་དུག་ལྔ་དྲག་པོས་འཁོར་བར་

འཁྱམས་པའི་ཚེ༔ ཡེ་ཤེས་བཞི་སྦྱོར་གསལ་བའི་འོད་ལམ་ལ༔ བཅོམ་ལྡན་རྒྱལ་བ་རིགས་ལྔས་ལམ་སྣ་དྲོངས༔ དབྱིངས་ཀྱི་

ཡུམ་ཆེན་ལྔ་ཡིས་རྒྱབ་ནས་སྐྱོར༔ མ་དག་རིགས་དྲུག་འོད་ལམ་བསྒྲལ་དུ་གསོལ༔ བར་དོ་འཇིགས་པའི་འཕྲང་ལས་བསྒྲལ་ནས་

{70}

ཀྱང་༔ དག་པའི་ཞིང་མཆོག་ལྔ་རུ་བསྐྱལ་དུ་གསོལ༔ དེ་ལྟར་དུ་སྨོན་ལམ་བཏབ་པས༔ རང་སྣང་དུ་ངོ་ཤེས་ནས་གཉིས་སུ་མེད་པར་

ཐིམ་ནས་སངས་རྒྱའོ༔ འབྱིང་མོས་གུས་དྲག་པོས་རང་ངོ་ཤེས་ནས་གྲོལ་བ་ཐོབ་བོ༔ ཐམས་ཅད་ཀྱང་སྨོན་ལམ་རྣམ་པར་དག་པའི་མཐུས་

རིགས་དྲུག་གི་མངལ་གྱི་སྒོ་བཀག་སྟེ༔ ཡེ་ཤེས་བཞི་སྦྱོར་གྱི་དོན་རྟོགས་ནས༔ རྡོ་རྗེ་སེམས་དཔའི་ཁོང་སེང་གི་ལམ་ལ་སངས་རྒྱས་པར་

འགྱུར་རོ༔ ཡང་དེ་ལྟར་དུ་ཞི་བ་ལ་གསལ་བར་ངོ་སྤྲད་པས་ཤས་ཆེ་བ་གཅིག་ངོ་འཕྲོད་དེ་གྲོལ་བ་མང་དུ་འབྱུང་ངོ་༔ ཐ་མའི་ཡམ་ཐམ་མི་ཡུལ་

དུ་ཆོས་ཀྱི་བག་ཆགས་ཡེ་ནས་མེད་པའི་སྡིག་ཅན་དང་༔ དམ་ཉམས་ལ་སོགས་པ་འགའ་ཞིག་ལས་ཀྱིས་འཁྲུལ་ནས༔ ངོ་སྤྲང་ཀྱང་མི་

{71}

༄༅༔ ༔འཕྲོད་པར་མར་ལ་འཁྱ་མས་དུ་འོང་བས༔ ཞག་བདུན་པལ་དག་བ་མཁའ་སྤྱོད་ཀྱི་ཞིང་ནས་རིག་འཛིན་གྱི་ལྷ་ཚོགས་

རྣམས་བསུ་བ་ལ་འོང་བས༔ དེའི་དུས་སུ་ཉོན་མོངས་པ་གཏི་མུག་ལས་གྲུབ་པའི་དུད་འགྲོའི་འོད་ལམ་ཀྱང་བསུ་བ་ལ་འོང་ངོ་༔ དོའི་དུས་

སུ་རང་ངོ་སྤྲད་པ་ནི༔ ཆེ་འདས་ཀྱི་མིང་ནས་བོས་ལ་འདི་སྐད་དོ༔ ཀྱཻ་རིགས་ཀྱི་བུ༔ མ་ཡེངས་པར་ཉོན་ཅིག༔ ཞག་བདུན་པ་ལ་བག་

ཆགས་དབྱིངས་སུ་དག་པའི་འོད་ལྔ་ཁྲོ་བོ་འཆར་དུ་འོང་ངོ་༔ དེའི་དུས་སུ་མཁའ་སྤྱོད་ཀྱི་ཞིང་ཁམས་སུ༔ རིག་འཛིན་གྱི་ལྷ་ཚོགས་

བསུ་བ་ལ་འོང་སྟེ༔ འཇའ་དང་འོད་དུ་འཐིབ་པའི་དབུས་སུ༔ རྣམ་པར་སྨིན་པའི་རིག་འཛིན་བླ་ན་མེད་པ་པདྨ་གར་གྱི་དབང་ཕྱུག་ཞེས་

{72}

བྱ་བ༔ སྐུ་མདོག་འོད་ལྔའི་མདངས་དང་ལྡན་པ༔ ཡུམ་མཁའ་གྲོ་མ་དམར་མོ་སྐུ་ལ་འཁྲིལ་བ༔ གྲི་གུག་དང་ཐོད་ཁྲག་འཛིན་ཅིང་༔ བལྟ་

སྟངས་ཀྱི་ཕྱག་རྒྱ་ནམ་མཁའ་ལ་མཛད་པ་ཅིག་འཆར་དུ་འོང་ངོ་༔ དཀྱིལ་འཁོར་དེའི་ཤར་ནས་ས་ལ་གནས་པའི་རིག་འཛིན་ཞེས་བྱ་བ༔ སྐུ་

མདོག་དཀར་ཞིང་འཛིན་པའི་མདངས་དང་ལྡན་པ༔ ཡུམ་མཁའ་འགྲོ་དཀར་མོ་སྐུ་ལ་འཁྱིལ་ཞིང་གྲི་གུག་དང་ཐོག་ཁྲག་གི་གར་མཛད་ཅིང་༔ བལྟ་

སྟངས་ཀྱི་ཕྱག་རྒྱ་ནམ་མཁའ་ལ་མཛད་པ་ཅིག་འཆར་དུ་འོང་ངོ་༔ དཀྱིལ་འཁོར་དེའི་ལྷོ་ནས་ཚེ་ལ་དབང་བའི་རིག་འཛིན་ཞེས་བྱ་བ༔ སྐུ་མདག་

སེར་ཞིང་མཛེས་པའི་དཔེ་བྱད་དང་ལྡན་བ༔ ཡུམ་མཁའ་འགྲོ་མ་སེར་མོ་སྐུ་ལ་འཁྲིལ་བ༔ གྲི་གུག་དང་ཐོད་ཁྲག་གིས་གར་མཛད་ཅིང་༔ བལྟ་

{73}

༄༅༔ ༔སྟངས་ཀྱི་ཕྱག་རྒྱ་ནམ་མཁའ་མཛད་པ་གཅིག་འཆར་དུ་འོང་ངོ་༔ དཀྱིལ་འཁོར་དེའི་ནུབ་ནས་ཕྱག་རྒྱ་ཆེན་པོའི་རིག་

འཛིན་ཞེས་གྱ་བ༔ སྐུ་མདོག་དམར་ཞིང་འཛུམ་པའི་མདངས་དང་ལྡན་པ༔ ཡུམ་མཁའ་འགྲོ་མ་དམར་མོ་སྐུ་ལ་འཁྲིལ་བ༔ གྲི་གུག་དང་

ཐོད་ཁྲག་གི་གར་མཛད་ཅིང་༔ བལྟ་སྟངས་ཀྱི་ཕྱག་རྒྱ་ནམ་མཁའ་ལ་མཛད་པ་ཅིག་དུ་འོང་ངོ་༔ དཀྱིལ་འཁོར་དེའི་བྱང་ནས་ལྷུན་

གྱིས་གྲུབ་པའི་རིག་འཛིན་ཞེས་བྱ་བ༔ སྐུ་མདོག་ལྗང་ཞིང་ཞལ་ཁྲོ་འཛུམ་དང་ལྡན་པ༔ ཡུམ་མཁའ་འགྲོ་མ་ལྗང་ཁུ་སྐུ་ལ་འཁྲིལ་

བ༔ གྲི་གུག་དང་ཐོད་ཁྲུག་འཛིན་པས་གར་མཛད་ཅིང་༔ བལྟ་སྟངས་ཀྱི་ཕྱག་རྒྱ་ནམ་མཁའ་ལ་མཛད་པ་ཅིག་འཆར་དུ་འོང་ངོ་༔

{74}

རིག་འཛིན་དེ་རྣམས་ཀྱི་རོལ་དུ་མཁའ་འགྲོ་མའི་ཚོགས་དབག་ཏུ་མེད་པ་དང་༔ དུར་ཁྲོད་བརྒྱད་ཀྱི་མཁའ་འགྲོ༔ རིགས་བཞིའི་མཁའ་འགྲོ༔ གནས་

གསུམ་མཁའ་འགྲོ༔ གནས་བཅུའི་མཁའ་འགྲོ༔ ཡུལ་ཉི་ཤུ་རྩ་བཞིའི་མཁའ་འགྲོ་རྣམས་དང་༔ དཔའ་མོ་དང་༔ གིང་དང་༔ ཆོས་

སྐྱོང་བའི་བསྲུང་མ་དང་བཅས་པ་ཐམས་ཅད་རུས་པའི་རྒྱན་དྲུག་གསོལ་ནས༔ རྔ་དང་༔ རྐང་དུང་དང་༔ ཐོད་རྔ་དང་༔ ཞིང་ལྤགས་ཀྱི་རྒྱལ་མཚན་དང་༔

མི་ལྤགས་ཀྱི་བླ་བྲེས་དང་༔ མི་ལྤགས་ཀྱི་འཕན་དང་༔ མི་གསུར་གྱི་དུད་པ་དང་༔ རོལ་མོའི་བྱེ་བྲག་དཔག་ཏུ་མེད་པ་དང་བཅས་ཏེ༔ འཇིག་རྟེན་གྱི་ཁམས་

ཐམས་ཅད་ཁེངས་པ་ཤིག་ཤིག༔ ཡོམ་ཡོམ་འགུལ་འགུལ་དུ་འོང་ངོ་༔ རོལ་མོའི་སྒྲ་ཐམས་ཅད་ཀྱང་མགོ་འགས་པ་ཙམ་འདིར་བ་འོང་ངོ་༔ གར་

{75}

༄༅༔ ༔སྣ་ཚོགས་བྱེད་ཅིང་དམ་ཚིག་ཅན་རྣམས་ཀྱི་བསུ་བ་ལ་འོང་ངོ་༔ དམ་ཉམས་རྣམས་ལ་ཆད་པ་བཅད་དུ་འོང་ངོ་༔ ཀྱཻ་རིགས་ཀྱི་

བུ༔ བག་ཆགས་དབྱིངས་སུ་དག་པ་ལྷན་ཅིག་སྐྱེས་པའི་ཡེ་ཤེས་ཀྱི་ཁ་དོག་ལྔ་དང་ལྡན་པ༔ མཚོན་སྐུད་སྒྲིལ་མ་ལྟ་བུ༔ ཁྲ་ཤིག་ཤིག་པ༔ མེར་

མེར་བ༔ ཕྱམ་ཕྱམ་པ༔ གཅིག་གསལ་ལ་དྭངས་པ༔ བཀྲག་ལ་ཉམ་ང་བ་གཅིག༔ རིགས་འཛིན་གྱི་ཙོ་བོ་ལྔའི་ཐུགས་ཀ་ནས་ཁྱོད་རང་གི་ཐད་སྙིང་

ཀར་མིག་གིས་མི་བཟོད་པ་ཙམ་དུ་ཟུག་ནས་འོང་ངོ་༔ དེ་དང་མཉམ་དུ་དུད་འགྲོའི་འོད་ལྗང་ཁུ་བཀྲག་མེད་ཅིག་ཀྱང་ཡེ་ཤེས་ཀྱི་འོད་དང་མཉམ་དུ་ཤར་

ནས་འོང་ངོ་༔ དེའི་དུས་སུ་ཁྱོད་བག་ཆགས་འཁྲུལ་བའི་དབང་གིས༔ འོད་ཁ་དོག་ལྔ་ལྡན་དེ་ལ་སྐྲག་ཅིང་བྲོས་ནས༔ དུད་འགྲིའི་

{76}

འོད་བཀྲག་མེད་དེ་ལ་ཆགས་སུ་འོང་བས༔ དེ་ཙན་ཁྱོད་འོད་ཁ་དོག་ལྔ་ལྡན་བཀྲག་མདངས་ཅན་དེ་ལ་མ་འཇིགས་ཤིག༔ མ་སྐྲག་ཅིག་ཡེ་ཤེས་

སུ་རང་ངོ་ཤེས་པར་གྱིས་ཤིག༔ འོད་ཀྱི་ནང་ཐམས་ཅད་ཆོས་ཀྱི་རང་སྒྲའ་བྲུག་སྟོང་དུས་གཅིག་ལ་ལྡིར་བ་ཙམ་ཡོད་དོ༔ སྒྲ་གྲགས་ལ་ལྡིར་ཆེ་

བ༔ འུར་སྒྲ་བསོ་སྒྲ༔ སྐྲག་དངངས་དྲག་པོ་དང་བཅས་ནས་འབྱང་ངོ་༔ དེ་ལ་མ་འཇིགས་ཤིག༔ མ་བྲོས་ཤིག༔ ཁྱོད་རང་གི་རང་སྣང་རིག་

པའི་རང་དུ་རང་ངོ་ཤེས་པར་གྱིས་ཤིག༔ དུད་འགྲོའི་འོད་ལྗང་ཁུ་བཀྲག་མེད་དེ་ལ་མ་ཆགས་ཤིག༔ མ་ཞེན་ཅིག༔ དེ་ལ་ཆགས་ན་ནི་ཁྱོད་

གཏི་མུག་དུད་འགྲོའི་གནས་སུ་སྐྱེས་སྟེ༔ གླེན་ལྐུགས་བཀོལ་གཅོད་ཀྱི་སྡུག་བསྔལ་མཐའ་ལས་འདས་པ་མྱོང་སྟེ༔ ཐར་པའི་དུས་མི་འབྱུང་

{77}

༄༅༔ ༔བས་དེ་ལ་མ་ཆགས་ཤིག༔ འོད་ཁ་དོག་ལྔ་ལྡན་གསལ་ལ་འཚེར་བ་དེ་ལ་མོས་པ་གྱིས་ཤིག༔ བཙོམ་ལྡན་འདས་

རིག་འཛིན་སློབ་དཔོན་གྱི་ལྷ་ཚོགས་ལ་མདུན་བརྩེ་གཅིག་ཏུ་གདོད་ལ༔ རིག་འཛིན་དཔལ་བོ་མཁའ་འགྲོ་དང་བཅས་པ་རྣམས་ཀྱིས༔ བདག་

དག་པ་མཁའ་སྤྱོད་ཀྱི་གནས་སུ་བསུ་བ་ལ་བྱོན་པར་འདུག་པས༔ ཁྱེད་རྣམས་མཁྱེན་བདག་ལྟ་བུའི་སེམས་ཅན་ཚོགས་མ་བསགས་

པ༔ ད་ཞག་ཕན་ཆད་དུ་དུས་གསུམ་གྱི་བདེག་ཤིགས་རིགས་ལྔའི་ལྷ་ཚོགས་དེ་ཙམ་ཅིག་གི་ཐུགས་རྗེས་བཟུང་ཡང་མ་ཟིན་པ་འདི༔

བདག་འདྲ་བ་ཨ་ཙ་མ་རེ༔ ད་ནི་རིག་འཛིན་གྱི་ལྷ་ཚོཌ་ཁྱེད་རྣམས་ཀྱིས་འདི་མན་ཆད་ཅི་ནས་ཀྱང་མ་བཏང་ཅིག༔ ཐུགས་རྗེའི་ལྕགས་

{78}

སྐུས་བཟུང་ཅིག༔ དག་པ་མཁའ་སྤྱོད་ཀྱི་ཞིང་དུ་ད་ལྟ་ཁོན་ནས་དྲང་དུག་སོལ༔ སྙམ་པའི་མདུན་བརྩེ་གཅིག་ཏུག་ཏོད་ལ་སྨོན་ལམ་

འདི་སྐད་དུ་ཐོབ་ཅིག༔ ཀྱཻ་མ་རིག་འཛིན་ལྷ་ཚོགས་རྣམས་ཀྱང་དགོངས་སུ་གསོལ༔ བརྩེ་བ་ཆེན་པོས་ལམ་སྣ་དྲང་དུ་གསོལ༔ བག་ཆགས་

དྲག་པོས་འཁོར་བར་འཁྱམས་པའི་ཚེ༔ ལྷན་སྐྱེས་ཡེ་ཤེས་གསལ་བའི་འོད་ལམ་ལ༔ དཔའ་བོ་རིག་འཛིན་ཚོགས་ཀྱི་ལམ་སྣ་

དྲོངས༔ ཡུམ་མཆོག་མཁའ་འགྲོའི་ཚོགས་ཀྱིས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་ནས་ཀྱང་༔ དག་པ་མཁའ་

སྤྱོད་ཞིང་ཁམས་དེ་རུ་སྐྱོལ༔ ཅེས་མོས་གུས་དྲག་པོས་སྨོན་ལམ་བཏབ་པས༔ རིག་འཛིན་ལྷ་ཚོགས་རྣམས་ཀྱི་ཐུགས་ཀར་འཇའ་

{80}

༄༅༔ ༔འོད་དུ་ཐིམ་ནས༔ དག་པ་མཁའ་སྤྱོད་ཀྱི་གནས་སུ་སྐྱེ་བར་ཐེ་ཚོམ་མེད་དོ༔ དགེ་བའི་བཤེས་གཉེན་གྱི་རིགས་

ཐམས་ཅད་འདི་ནས་ངོ་འཕྲོད་དེ་གྲོལ་བ་ཤ་སྟག་གོ༔ འདིར་བག་ཆགས་ངན་ཡང་གྲོལ་བར་ངེས་སོ༔ དེ་ཡན་ཆད་ནི་འཆི་ཁའི་བར་

དོ་ལ་འོད་གསལ་ངོ་འཕྱོད་པ་དང་༔ ཆོས་ཉིད་ཞི་བའི་བར་དོ་ངོ་སྤྲད་པ་ཐོས་གྲོལ་ཆེན་མོ་ཐལ་ལོ༔ ཨྛྀི༔ རྒྱ་རྒྱ་རྒྱ༔ ༔

 

{81}

༄༅༔ ༔ཁྲོ་བོའི་བར་དོའི་འཆར་ཚུལ་བསྟན་པ་བཞུགས་སོ༔

{82}

༄༅༅༔ ༔ད་ནི་ཁྲོ་བོའི་བར་དོ་འཆར་ཚུལ་བསྟན་པར་བྱ་སྟེ༔ དེ་ཡང་གོང་དུ་ཞི་བའི་བར་དོ་ལ་

འཕྲང་རིམ་བ་བདུན་ཡོད་དེ༔ དེ་ལ་རིམ་བ་བཞིན་དུ་ངོ་སྤྲད་པས༔ ཅིག་ལ་མ་འཕྲོད་ཀྱང་གཅིག་ལ་

འཕྲོད་དེ་གྲོལ་བ་ཐོབ་པ་ནི་དཔག་ཏུ་མེད་པ་འབྱུང་ངོ་༔ དེ་ལྟར་གྲོལ་པ་མང་དུ་བྱུང་ཡང་༔ སེམས་ཅན་

ནི་གྲངས་མང་༔ ལས་ངན་ནི་ཚན་ཆེ༔ སྡིག་སྒྲིབ་ནི་ལྷུན་སྟུག༔ བག་ཆགས་ནི་ཡུན་རིང་༔ མ་

{83}

༄༅༔ ༔རིག་འཁྲུལ་འཁོར་འདི་ལ་ཟད་པ་མེད་ཅིང་འགྲིབ་པ་མེད་པས༔ དེ་ལྟར་ཞིབ་ཏུ་ངོ་

སྤྲད་ཀྱང་མ་གྲོལ་བར་ཐུར་དུ་འཁྱམས་པ་ཡང་ཚན་ཆེ་སྟེ༔ དེ་ཡང་ཞི་བའི་ལྷ་ཚོགས་དང་༔ རིག་འཛིན་

མཁའ་འགྲོའི་ལྷ་ཚོགས་ཀྱི་བསུ་བ་འོངས་པའི་འོག་ཏུ་ཁྲག་འཐུང་ཁྲོ་བོའི་ལྷ་ཚོགས་འབར་བ་ལྔ་བཅུ་

རྩ་བརྒྱད༔ གོང་གི་ཞི་བའི་ལྷ་ཚོགས་གནས་བསྒྱུར་དེ་འཆར་དུ་འོང་བས་གོང་དང་མི་འདྲ་སྟེ༔ འདི་ནི་

{84}

ཁྲོ་བོའི་བར་དོ་ཡིན་པས༔ འཇིགས་སྐག་དངངས་གསུམ་གྱི་དབང་དུ་འགྲོ་སྟེ༔ ངོ་འཕྲོད་པ་ཡང་དཀའ་རུ་འགྲོ་འོ༔ རིག་པ་རང་དབང་མི་ཐོབ་

བར་རྒྱལ་པ་འཁོར་ཡུག་ཏུ་འོང་སྟེ༔ ཅུང་ཟད་ཅིག་པོས་ཟིན་ན་གྲོལ་བར་སླ་སྟེ༔ དེ་ཅིའི་ཕྱིར་ཞེ་ན༔ དངངས་སྐྲག་འཛིགས་གསུམ་གྱི་

སྣང་བ་ཤར་ནས༔ རིག་པ་ཡིངས་ལོང་མེད་དེ༔ རིགས་པ་རྩེ་གཅིག་ཏུ་བསྒྲིམས་ནས་ཡོད་པའི་ཕྱིར་རོ༔ འདིའི་སྐབས་སུ་ནི༔ འདི་

ལྟ་བུའི་གདམས་པ་དང་མ་འཕྲུད་ན༔ ཐོས་པ་རྒྱ་མཚོ་ལྟ་བུ་ཡོད་ཀྱང་འདིར་ཕན་པ་མེད་དེ༔ འདུལ་བ་འཛིན་པའི་མཁན་པོ་དང་༔ མཚོན་

ཉིད་ཀྱི་སྟོན་པ་ཆེན་པོ་རྣམས་ཀྱང་༔ སྐབས་འདིར་འཁྲུལ་ནས་ངོ་མ་འཕྲོད་དེ༔ འཁོར་བར་འཁྱམས་པ་ཡོད་དོ༔ སྐྱེ་བོ་ཐ་མལ་པ་

{85}

༄༅༔ ༔རྣམས་ནི་ཨ་ཅང་ཡང་ཆེ་སྟེ༔ དངངས་སྐྲག་འཇིགས་གསུམ་ལ་བྲོས་བས་ངན་སོང་གི་གཡང་ལ་ལྷུང་ནས་སྡུག་

བསྔལ་ལོ༔ གསང་སྔགས་ལ་སྤྱོད་པའི་རྣལ་འབྱོར་པ་མཐའི་ཡང་ཐམ་ཅིག་ཡིན་ནའང་༔ ཁྲག་འཐུང་གི་ལྷ་ཚོགས་མཐོང་མ་ཐག་ཏུ་

སྔར་འདྲིས་ཀྱི་མི་དང་འཕྲད་པ་ལྟ་བུ་ཡིད་མ་གྱི་ལྷ་ཡིན་པར་ངོ་ཤེས༔ ཡིད་ཆེས་ཏེ་གཉིས་སུ་མེད་པར་ཐིམ་ནས་སངས་རྒྱས་པར་འགྱུར་

རོ༔ དེ་ཡང་མི་ཡུལ་དུ་ཁྲོག་འཐུང་གི་སྐུ་འདི་རྣམས་མངོན་རྟོགས་སྒོམ་པ་དང་༔ མཆོད་བསྟོད་བྱས་པ་དང་༔ ཐ་ན་སྐུ་གཟུགས་རིས་

སུ་བྲིས་པ་དང་༔ འབུར་དུ་དོད་པ་ལ་སོགས་པ་མཐོང་བ་ཁོ་ནས་ཀྱང་༔ འདིར་སྐྱ་གཟུགས་ཤར་བ་དང་ངོ་ཤེས་ནས་གྲོལ་བ་ཐོབ་པའི་

{86}

གནད་ཀྱང་དེ་ལྟར་ཡིན་ནོ༔ ཡང་མི་ཡུལ་དུ་འདུལ་བ་འཛིན་པའི་མཁན་པོ་དང་ མཚན་ཉིད་སྟོན་པའི་ཆོས་སྤྱོད་ལ་ཇི་ལྟར་བརྩོན་ཞིང་༔

བཤད་པའི་ཆོས་ལ་ཇི་ལྟར་མཁས་ཀྱང་༔ གྲོངས་པའི་ཚེ་ན༔ གདུང་དང་༔ རིང་སྲེལ་དང་༔ འཇའ་ལ་སོགས་པའི་རྟགས་མི་འབྱོན་ཏེ༔ དེ་ནི་

གསོན་པོའི་དུས་སུ་གསང་སྔགས་བློར་མ་ཤོང་བདང་༔ གསང་སྔགས་ལ་གཤེ་སྐུར་བཏབ་པ་དང་༔ གསང་སྔགས་ཀྱི་ལྷ་ཚོགས་རྣམས་

རྒྱུས་མེད་པའི་དབང་གིས་བར་དོར་ཤར་ཡང་ངོ་མ་ཤེས་ཏེ༔ སྔར་མཐོང་མ་མྱོང་བཅིག་བློ་བུར་དུ་མཐོང་བས་དེ་དགྲར་སོང་ནས༔ དེལ་སྡང་

སེམས་སྐྱེས་པས་དེས་རྐྱེན་བྱས་ངན་སོང་དུ་འགྲོབས༔ དེའི་ཕྱིར་འདུལ་བ་འཛིན་པ་དང་༔ མཚན་ཉིད་པ་ཇི་ལྟར་བཟང་ཡང་༔ ནང་ན་གསང་

{87}

༄༅༔ ༔སྔགས་ཀྱི་ཉམས་ལེན་མེད་ན༔ གདུང་དང་༔ ཤརི་རམ་དང་༔ རིང་སྲེལ་དང་༔ འཇའ་འོད་ལ་སོགས་པའི་རྟགས་མི་

འབྱོན་བའི་མཚན་ཉིད་དེ་ལྟར་རོ༔ གསང་སྔགས་པ་ཐ་མའི་ཡང་ཐ་མ་གཅིག་ཡིན་ནའང་༔ འཕྲལ་དུ་སྤྱོད་ལམ་རྩིང་པ་དང་༔ མི་བཙུན་པ་དང་༔

མི་མཁས་པ་དང་༔ ཚུལ་དང་མི་མཐུན་པའི་སྤྱོད་ལམ་མི་མཛེས་པ་ཇི་ལྟར་འདུག་ཀྱང་༔ དེས་གསང་སྔགས་ཀྱི་ཆོས་ཉམས་སུ་བླང་མ་ཐུབ་ན་

ཡང་༔ དེ་ལ་ལོག་ལྟ་མ་སྐྱེས་པ་དང་༔ ཐེ་ཚོམ་མེད་པ་དང་༔ གསང་སྔགས་ལ་མོས་པ་བྱས་པ་ཁོ་ནས་ཀྱང་སྐབས་འདིར་གྲོལ་བ་ཐོབ་པ་ཡིན་

ཏེ༔ མི་ཡུལ་དུ་སྤྱོད་ལམ་མ་མཛེས་ཀྱང་འཆི་བའི་ཚེན༔ གདུང་དང་རིང་སྲེལ་དང་༔ སྐུ་གཟུགས་དང་༔ འཇའ་ལ་སོགས་པའི་རྟགས་སྣ་

{88}

རེ་ཅིས་ཀྱང་འབྱང་བར་འགྱུར་ཏེ༔ དེས་ན་གསང་སྔགས་འདི་བྱིན་རླབས་ཤིན་ཏུ་ཆེ་བའི་ཕྱིར་རོ༔ གསང་སྔགས་ཀྱི་རྣལ་འབྱོར་པ་འབྲིང་ཡན་

ཆད༔ བསྐྱེད་རྫོགས་སྒོམ་པ་དང་༔ སྙིང་པོ་བཟླས་པ་ལ་སོགས་པ་ཉམས་སུ་བླངས་པ་རྣམས་ནི་ཆོས་ཉིད་བར་དོ་འདི་ཙམ་དུ་མར་འཁྱམས་མི་དགོས་

ཏེ༔ དབུགས་ཆད་མ་ཁད་དུ་རིག་འཛིན་དང་དཔའ་བོ་མཁའ་འགྲོ་ལ་སོགས་པས་དག་པ་མཁའ་སྤྱོད་དུ་ངེས་པར་གདན་དྲངས་པར་གྱུར་ཏེ༔ དེའི་རྟཌ་

སུ་ནམ་མཁའ་གཡའ་དག་པ་དང་༔ འཇེའ་དང་འོད་དུ་འཁྱིལ་བ་དང་༔ མེ་ཏོག་གི་ཆར་དང་༔ སྤོས་ཀྱི་དྲི་དང་༔ ནམ་མཁའ་ལ་རོལ་མེའི་སྒྲ་སྐད་

དང་༔ གདུང་དང་རིང་སྲེལ་དང་༔ སྐུ་གཟུགས་ལ་སོགས་པ་བྱོན་པ་ནི་དེའི་རྟགས་ཡིན་ནོ༔ དེའི་ཕྱིར་དུ་འདུལ་བ་འཛིན་པ་དང་༔ སྟོན་པ་དང་༔ དམ་

{89}

༄༅༔ ༔ཆིག་ཉམས་པའི་སྔགས་པ་དང་༔ སྐྱེ་བོ་ཐ་མལ་པ་ཐམས་ཅད་ལ་ནི༔ ཐོས་གྲོལ་ཆེན་མོ་འདི་མེད་པའི་ཐབས་མེད་དོ༔

རྫོགས་ཆེན་པ་དང་ ཕྱག་རྒྱ་ཆེན་པོ་ལ་སོགས་པ་བསྒོམ་པའི་སྒོམ་ཆེན་དག་ནི་འཆི་ཁའི་བར་དོར་འོད་གསལ་ཟིན་ནས་ཆོས་སྐུ་ཐོབ་པར་འགྱུར་

བས༔ ཐོས་གྲོལ་འདི་ཀློག་མི་དགོས་པ་ཤ་སྟག་འོང་ངོ་༔ དེ་ཡང་འཆི་ཁའི་བར་དོར་འོད་གསལ་ངོས་ཟིན་ན་ཆོས་སྐུ་ཐོབ་བོ༔ ཆོས་ཉིད་བར་དོ་འདིར་

ཞི་ཁྲོའི་སྣང་བ་འཆར་བའི་དུས་སུ༔ ངོས་ཟིན་ན་ལོངས་སྦྱོད་རྫོགས་པའི་སྐུ་ཐོབ་བོ༔ སྲིད་པ་བར་དོར་ངོས་ཟིན་ན་སྤྲུལ་སྐུ་ཐོབ་བ་དང་༔ ཐ་ནའང་གནས་

མཐོ་རིས་སུ་སྐྱེ་བ་སྟེ༔ ཆོས་འདི་དང་འཕྲིད་ནས་སྐྱེ་བ་ཕྱི་མཆོས་ལ་སྤྱོད་པའི་ལས་འཕྲོ་ཡོད་བས༔ དེའི་ཕྱིར་ཐོས་གྲོལ་ཆེན་མོ་འདི་ནི་མ་བསྒོམ་པར་

{90}

སངས་རྒྱས་པའི་ཆོས་ཐོས་པ་ཙམ་གྱིས་གྲོལ་བ་ཐོབ་པའི་ཆོས༔ སྡིག་པོ་ཆེ་གསང་ལམ་ལ་འཁྲིད་པའི་ཆོས༔ སྐད་ཅིག་གཅིག་གིས་བྱེ་བྲག་ཕྱེད་པའི་

ཆོས༔ སྐད་ཅིག་གཅིག་གིས་རྫོགས་སངས་རྒྱས་པའི་ཆོས་ཟབ་མོ་ཡིན་ཏེ༔ འདིས་སླེབ་པའི་སེམས་ཅན་ངན་སོང་དུ་སོང་བ་མི་སྲིད་དོ༔ འདི་དང་

བཏགས་གྲོལ་གཉིས་བསྒྲགས་པས༔ གསེར་གྱི་མཎྜལ་ལ་གཡུའི་ཕྲ་བཀོད་བ་དང་འདྲ་བས་བསྒྲགས་པར་གྱིས་ཤིག༔ དེ་ལྟར་ཐོས་གྲོལ་གྱི་དགོས་

པ་བསྟན་ནས༔ ད་ནི་ཁྲོ་བའི་བར་དོ་འཆར་ཚུལ་ངོ་སྤྲད་པར་བྱ་སྟེ༔ ཡང་ཚེ་འདས་ཀྱི་མིང་ནས་ལན་གསུམ་བོས་ནས་འདི་སྐད་དོ༔ ཀྱཻ་རིགས་ཀྱི་བུ༔

མ་ཡེངས་པར་ཉོན་ཅིག༔ ཁྱོད་ཀྱི་གོང་དུ་ཞི་བའི་བར་དོ་ཤར་ཡང་ངོས་མ་ཟིན་པས་ད་དུང་འདིར་འཁྱམས་དགོས་བྱུང་བ་ཡིན་ནོ༔ ད་ནི་ཞག་བརྒྱད་པ་ལ༔

{91}

༄༅༔ ༔ཁྲག་འཐུང་ཁྲོ་བོའི་ལྷ་ཚོགས་འཆར་དུ་འོང་ངོ་༔ མ་ཡེངས་པར་ངོས་ཟིན་པར་གྱིས་ཤིག༔ ཀྱཻ་རིགས་ཀྱི་བུ༔ དཔལ་ཆེན་བུ་དྡྷ་

ཧེ་རུ་ཀ་ཞེས་བྱབ༔ སྐུ་མདོག་སྨུག་ནག་དབུ་གསུམ་ཕྱག་དྲུག་ཞབས་བཞི་བསྒྲད་པ༔ ཞལ་གཡས་དཀར་བ༔ གཡོན་དམར་བ༔ དབུས་སྨུག་

ནག་དུ་ཡོད་པ༔ སྐུ་འོད་ཀྱི་ཕྱང་པོ་འབར་བ༔ སྤྱན་དགུ་འཇིགས་པའི་སྡང་མིག་ཏུ་གཟིགས་བ༔ སྨིན་མ་གློག་བཞིན་དུ་འཁྱུག་པ༔ མཆེན་བ་ཟངས་

་ཡག་དུ་འབར་བ༔ ཨ་ལ་ལ་དང་ཧ་ཧའི་གད་རྒྱང་སྒྲོག་པ༔ ཤུ་འུ་ཞེས་པ་དང་བཤུགས་ཀྱི་སྒྲ་ཆེན་པོ་སྒྲོག་པ༔ དབུ་སྐྲ་དམར་སེར་གྱེན་དུ་

འཕྲོ་ཞིང་འབར་བ༔ ཉི་ཟླ་དང༔ སྦྲུལ་ནག་དང་༔ ཐོད་སྐམ་གྱི་དབུ་བརྒྱན་པ༔ ཕྱག་དྲུག་གཡས་ཀྱི་དང་པོ་ན་འཁོར་ལོ༔ བར་པ་ན་དགྲ་སྟྭ༔

{92}

ཐ་མ་ན་རལ་གྲི༔ གཡོན་གྱི་དང་པོ་ན་དྲིལ་བུ༔ བར་བན་ཐོང་བཤོལ༔ ཐ་མ་ན་བྷནྡྷ་བསྣམས་པའོ༔ ཡུམ་བུདྡྷ་ཀྲོ་ཏི་ཤྭ་རི་མ་སྐུ་ལ་འཁྲིལ་བ༔

གཡས་པས་མགུལ་ནས་འཁྱུད་ཅིང་༔ གཡོན་པས་མདུང་དམར་ཞལ་དུ་སྟོབ་པ༔ རྐན་སྒྲ་ཐུག་ཆོམ་དང་འུར་སྒྲ་འབྲུག་ལྡིར་བ་ཙམ་པ༔ རྡོ་རྗེ་

འབར་བའི་སྤུ་སེབ་ནས་ཡེ་ཤེས་ཀྱི་མེ་འབར་བ༔ ཁྱང་གི་བཏེགས་པའི་གདན་ལ་བརྐྱང་བསྐུམ་དུ་བཞུགས་བ༔ རང་གི་ཀླད་པའི་ནང་ནས་རང་གི་

མངོན་སུམ་གྱི་དེ་ཀ་ལྟར་འཆར་རོ༔ དེ་ལ་མ་འཇིགས་ཤིག༔ མ་སྐྲག་ཅིག༔ མ་དངངས་ཤིག༔ རང་གི་རིག་པའི་སྐུར་ངོ་ཤེས་པར་གྱིས་ཤིག༔

ཁྱོད་རང་གི་ཡི་དམ་གྱི་ལྷ་ཡིན་པས་མ་སྐྲག་ཅིག་༔ དོན་ལ་བཅོམ་ལྡན་འདས་རྣམ་པར་སྣང་མཛད་ཡབ་ཡུམ་དངོས་ཡིན་པས་མ་འཇིགས་

{93}

༄༅༔ ༔ཤིག༔ ངོ་ཤེས་པ་དང་གྲོལ་བ་དུས་མཉམ་མོ༔ ཤེས་བསྒྲགས་པས༔ ཡི་དམ་དུ་ངོ་ཤེས་ཏེ་གཉིས་སུ་མེད་པར་ཐིམ་

ནས་ལོངས་སྤྱོད་རྫོགས་པའི་སྐུར་སངས་རྒྱས་པར་འགྱུར་རོ༔ ཡང་དེ་ལ་དངངས་སྐྲག་སྐྱེས་ནས་བྲོས་པས་ངོ་མ་འཕྲོད་ན༔ ཡང་ངོ་སྤྲད་པ་ནི༔ ཞག་དགུ་པ་

ལ་ཁྲོག་འཐང་རྡོ་རྗེ་རིགས་ཀྱི་བསུ་བ་ལ་འོང་བས༔ ཡང་ངོ་སྤྲད་པ་ནི༔ ཚེ་འདས་ཀྱི་མིང་ནས་བོས་ལ་འདི་སྐད་དོ༔ ཀྱཻ་རིགས་ཀྱི་བུ༔

ཁྲག་འཐུང་རྡོ་རྗེ་རིགས་བཅོམ་ལྡན་འདས་བཛྲ་ཧེ་རུ་ཀ་ཤེས་བྱ་བ༔ སྐུ་མདོག་མཐིང་ནག་ཞལ་གསུམ་ཕྱག་དྲུག་ཞབས་བཞི་བསྒྲད་པ༔

ཞལ་གཡས་དཀར་བ༔ གཡོན་དམར་བ༔ དབུས་མཐིང་ཁ༔ ཕྱག་དྲུག་གྱས་ཀྱི་དང་པོ་ན་རྡོ་རྗེ༔ བར་པ་ན་བྷན་དྷ༔ ཐ་མ་ན་དགྲ་སྟ༔ གཡོན་

{94}

གྱི་དང་པོ་ན་དྲིལ་བུ༔ བར་མ་ན་བྷན་དྷ༔ ཐ་མ་ན་མཐོང་གཤོལ༔ ཡུམ་བཛྲ་ཀྲོ་ཏི་ཤྭོ་རི་མ་ཡབ་ཀྱི་སྐུ་ལ་འཁྲིལ་བ༔ གཡས་པས་མགུལ་ནས་

འཁྱུད་ཅིང་༔ གཡོན་པས་དུང་དམར་ཞལ་དུ་སྟོབ་པ༔ རང་གི་ཀླད་པའི་ཤར་ནས་ཐོན་ནས་རང་ལ་འཆར་དུ་འོངོ་༔ དེ་ལ་མ་འཇིགས་ཤིག༔

མ་སྐྲག་ཅིག༔ མ་དངངས་ཤིག༔ དོན་ལ་བཅོམ་ལྡན་འདས་རྡོ་རྗེ་སེམས་དཔའ་ཡབ་ཡུམ་དངོས་ཡིན་པས་མ་སྐྲག་ཅིག༔ མོས་པ་གྱིས་

ཤིག༔ ངོ་ཤེས་པ་དང་གྲོལ་བ་དུས་མཉམ་དུ་འོང་ངོ་༔ ཞེས་བསྒྲགས་པས་ཡིད་མདུ་ངོ་ཤེས་ནས༔ གཉིས་སུ་མེད་པར་ཐིམ་པས་སངས་རྒྱས་

པར་འགྱུར་རོ༔ ཡང་ལས་སྒྲིབ་ཆེ་བ་རྣམས་དེ་ལ་དངངས་སྐྲག་སྐྱས་ནས་བྲོས་པས་དེ་མ་འཕྲོད་ན༔ ཡང་ཞག་བཅུ་པ་ལ་ཁྲག་འཐུང་རིན་པོ་

{95}

༄༅༔ ༔ཆེའི་རིགས་བསུ་བ་ལ་འོང་བས༔ ཡང་དོ་སྤྲད་པ་ནི༔ ཚེ་འདས་ཀྱི་མིང་ནས་བོས་ལ་འདི་སྐད་དོ༔ ཀྱཻ་རིགས་ཀྱི་བུ༔ མ་

ཡེངས་པར་ཉོན་ཅིག༔ ཞག་བཅུ་པ་ལ་ཁྲག་ཐུང་རིན་པོ་ཆེའི་རིགས་རཏྣ་ཧེ་རུ་ཀ་ཞེས་བྱ་བ༔ སྐུ་མདོག་སེར་ནག་ཞལ་གསུམ་

ཕྱག་དྲུག་ཞབས་བཞི་བསྒྲད་པ༔ ཞལ་གཡས་དཀར་བ༔ གཡོན་དམར་དབུས་སེར་ནག་རབ་འབར་བ༔ ཕྱག་དྲུག་གཡས་ཀྱི་དང་པོ་ན་རིན་པོ་ཆེ༔ བར་

བ་ན་ཁཊྭཾག༔ ཐ་མ་ན་བེ་ཅོན་བསྣམས་པ༔ གཡོན་གྱི་དང་པོ་ན་དྲིལ་བུ༔ བར་མ་ན་བྷན་དྷ༔ ཐ་མ་ན་ཏྲི་ཤུལ་བསྣམས་པ༔ ཡུམ་རཏྣ་ཀྲོ་ཏི་ཤྭ་རི་མ་ཡབ་

ཀྱི་སྐུ་ལ་འཁྲིལ་པ༔ གཡས་པས་མགུལ་ནས་འཁྱུད་ཅིང་༔ གཡོན་པས་དུང་དམར་ཞལ་དུ་སྟོབ་པ༔ རང་གི་ཀླད་པའི་ལྷོ་ནས་ཐོན་ནས་རང་ལ་

{96}

འཆར་དུ་འོང་ནས་དེ་ལ་མ་འཇིགས་ཤིག༔ མ་སྐྲག་ཅིག༔ མ་དངངས་ཤིག༔ རང་གི་རིག་པའི་སྐུར་ངོ་ཤེས་པར་གྱིས་ཤིག༔ ཁྱོད་རང་གི་ཡི་དམ་གྱི་

ལྷ་ཡིན་པས་མ་སྐྲག་ཅིག༔ དོན་ལ་བཅོམ་ལྡན་འདས་རིན་ཆེན་འབྱུང་ལྡན་ཡབ་ཡུམ་དངོས་ཡིན་པས་མོས་པ་གྱིས་ཤིག༔ ངོ་ཤེས་པ་དང་གྲོལ་བ་དུས་མཉམ་དུ་

འོང་ངོ་༔ ཞེས་བསྒྲགས་པས་ཡི་དམ་དུ་ངོ་ཤེས་ནས་གཉིས་སུ་མེད་པར་ཐིམ་ནས་སངས་རྒྱས་པར་འགྱུར་རོ༔ ཡང་དེ་ལྟར་དུ་ངོ་སྤྲད་ཀྱང་བག་ཆགས་ངན་

པའི་དབང་གིས་དངངས་སྐྲག་སྐྱེས་ནས་ཕྱིར་བྲོས་པས༔ ཡི་དམ་དུ་ངོ་མ་ཤེས་པར་གཤིན་རྗེར་མཐོང་ནས་ངོ་མ་འཕྲོད་ན༔ ཡང་ཞག་བཅུ་གཅིག་པར་ཁྲག་

འཐུང་པདྨ་རིགས་ཀྱི་ལྷ་ཚོགས་བསུ་བ་ལ་འོང་བས༔ ཡང་ངོ་སྤྲད་པ་ནི༔ ཚེ་འདས་ཀྱི་མིང་ནས་བོས་ལ་འདི་སྐད་དོ༔ ཀྱཻ་རིགས་ཀྱི་བུ༔ ཞག་བཅུ་གཅིག་

{97}

༄༅༔ ༔པ་ལ་ཁྲག་འཐུང་པདྨ་རིགས་ཀྱི་བཅོམ་ལྡན་འདས་པདྨ་ཧེ་རུ་ཀ་ཞེས་བྱ་b་སྐུ་མདོག་དམར་ནག་ཞལ་གསུམ་ཕྱག་དྲུག་ཞབས་བཞི་བསྒྲད་

པ༔ ཞལ་གཡས་དཀར་བ།་གཡོན་སྡོ་བ༔ དབུས་དམར་ནག་ཏུ་འབར་བ༔ ཕྱག་དྲུག་གཡས་ཀྱི་དང་པོ་ན་པདྨ༔ བར་པ་ན་ཁ་ཊྭཾ་ག༔ ཐ་མ་ན་དབྱུག་

ཐོ༔ གཡོན་གྱི་དང་པོ་ན་དྲིལ་བུ༔ བར་བ་ན་བྷན་དྷ་དམར་གྱི་བཀང་བ༔ ཐ་མ་ན་རྔེ་ཐུང་བསྣམས་པ༔ ཡུམ་པདྨ་ཀྲོ་ཏི་ཤྭ་རི་མ་ཡབ་ཀྱི་སྐུ་ལ་འཁྲིལ་

བ༔ གཡས་པས་མགུལ་ནས་འཁྱུད་ཅིང་༔ གཡོན་པས་དུང་དམར་ཞལ་དུ་སྟོབ་པ༔ ཡབ་ཡུམ་ཞལ་སྦྱོར་མངོན་སུམ་དུ་རང་གི་ཀླད་པའི་

ནུབ་ནས་ཐོན་ནས་འོད་བས༔ དེ་ལ་མ་འཇིགས་ཤིག༔ མ་སྐྲག་ཅིག༔ དེ་ལ་མ་དངངས་ཤིག༔ དགའ་བ་བསྒོམ་ཤིག༔ རང་གི་རིག་པའི་སྐུར་

{98}

ངོ་ཤེས་པར་གྱིས་ཤིག༔ རང་གི་ཡི་དམ་གྱི་ལྷ་ཡིན་པས་མ་སྐྲག་ཅིག༔ དོན་ལ་བཅོམ་ལྡན་འདས་སྣང་བ་མཐའ་ཡས་ཡབ་ཡུམ་དངོས་ཡིན་པས་མོས་

པ་གྱིས་ཤིག༔ ངོ་ཤེས་པ་དང་གྲོལ་བ་དུས་མཉམ་དུ་འོང་ངོ་༔ ཞེས་བསྒྲོགས་པས་ཡི་དམ་གྱི་ལྷ་ཡིན་པར་ཤེས་ནས་གཉིས་སུ་མེད་པར་ཐིམ་ནས་

སངས་རྒྱས་པར་འགྱུར་རོ༔ ཡང་དེ་ལྟར་ངོ་སྤྲད་ཀྱང་བག་ཆགས་ངན་པས་ཕྱིར་ཁྲིད་དེ་དངངས་སྐྲག་སྐྱེས་ནས་བྲོས་པས་ཡི་དམ་དུ་ངོ་མ་

ཤེས་ཏེ་ངོ་མ་འཕྲོད་པ་ཡོད་པས༔ ཡང་ཞག་བཅུ་གཉིས་པ་ལ་ཁྲག་ཐུང་ལས་ཀྱི་རིགས་ཀྱི་ལྷ་ཚོགས་དང་༔ ཀེའུ་རི་མ་དང་༔ ཕྲ་མེན་དང་༔

སྒོ་མ་དང་༔ དབང་ཕྱུག་མ་རྣམས་བསུ་བ་ལ་འོང་སྟེ༔ ངོ་མ་ཤེས་པར་འཇིགས་སྐྲག་ཆེ་རུ་འོངས་པས༔ དོ་སྤྲད་པ་ནི༔ ཡང་ཚེ་འདས་ཀྱི་མིང་

{99}

༄༅༔ ༔ནས་བོད་ལ་འདི་སྐད་དོ༔ ཀྱཻ་རིགས་ཀྱི་བུ༔ ཞག་བཅུ་གཉིས་སོང་བའི་དུས་སུ༔ ཁྲག་འཐུང་ལས་ཀྱི་རིགས་ཀྱི་བཅོམ་ལྡན་

འདས་ཀརྨ་ཧེ་རུ་ཀ་ཞེས་བྱ་བ༔ སྐུ་མདོག་ལྗང་ནག་ཞལ་གསུམ་ཕྱག་དྲུག་ཞབས་བཞི་བསྒྲད་པ༔ ཞལ་གཡས་དཀར་བ༔ གཡོན་དམར་བ༔ དབུས་

ལྗང་ནག་རྔམས་པ༔ ཕྱག་དྲུག་གཡས་ཀྱི་དང་པོ་ན་རལ་གྲི༔ དར་པ་ན་ཁ་ཊྭཾ་ག༔ ཐ་མ་ན་དབྱུག་ཐོ༔ གཡོན་གྱི་དང་པོ་ན་དྲིལ་དུ༔ བར་པ་ན་བྷ་ནྡྷ༔

ཐ་མ་ན་མཐོང་གཤོལ་བསྟམས་པ༔ ཡུམ་ཀརྨ་ཀྲོ་ཏི་ཤྭ་རི་མ་སྐུ་ལ་འཁྲིལ་བ༔ གཡས་པས་ཡབ་ཀྱི་མགུལ་ནས་འཁྱུད་པ༔ གཡོན་པས་

དུང་དམར་ཞལ་དུ་སྟོབ་པ༔ ཡབ་ཡུམ་ཞལ་སྦྱོར་དུ་མངོན་སུམ་དུ་རང་གི་ཀློད་པའི་བྱང་ནས་ཐོན་ནས་རང་ལ་འཆར་རོ༔ དེ་ལ་མ་འཇིགས་

{100}

ཤིག༔ མ་སྐྲག་ཅིག༔ མ་དངངས་ཤིག༔ རང་གི་རིག་པའི་སྐུར་ངོ་ཤེས་པར་གྱིས་ཤིག༔ ཁྱོད་རང་གི་ཡི་དམ་གྱི་ལྷ་ཡིན་པས་མ་སྐྲག་ཅིག༔ དོན་ལ་

བཅོམ་ལྡན་འདས་དོན་ཡོད་གྲུབ་པ་དངོས་ཡིན་ནོ༔ མོས་པ་དང་གུས་པ་གྱིས་ཤིག༔ ངོ་ཤེས་པ་དང་གྲོལ་བ་མཉམ་དུ་འོང་ངོ་༔ ཤེས་བསྒྲགས་

པས་ཡི་དམ་དུ་ངོ་ཤེས་ནས་གཉིས་སུ་མེད་པར་ཐིམ་ནས་སངས་རྒྱས་པར་འགྱུར་རོ༔ དེ་དག་བླ་མའི་གདམས་ངག་གི་རང་སྟང་རིག་པའི་རྩལ་དུ་

ངོ་ཤེས་པས༔ དཔེར་ན་སེངྒེའི་གསོབ་མཐོང་བར་ལྟ་བུར་གྲོལ་ལོ༔ དེ་ཡང་སེངྒེའི་གསོབ་འདི་ལྟར་ཡིན་གྱི༎ དོན་མ་རྟོགས་ན་དངངས་སྐྲག་སྐྱེས་ཏེ༔ མི་

གཅིག་གིས་འདི་ལྟར་ཡིན་གྱི་ངོ་སྤྲད་པས་མ་ཚང་རིགས་ཏེ་འཇིགས་པ་བྲལ་བ་འདྲ་བར༔ འདིར་ཡང་ཁྲག་འཐུང་གི་ལྷ་ཚོགས་སྐུ་ཆེ་ལ་ཡན་ལག་

{101}

༄༅༔ ༔རིག་པ༔ ནམ་མཁའི་ཁམས་དང་མཉམ་པ་འཆར་བའི་ཚེ༔ ངེས་པར་དངངས་སྐྲག་སྐྱེས་ཏེ༔ ངོ་སྤྲོད་འདི་ཐོས་མ་ཐག་ཏུ་རང་

སྣང་ངམ༔ ཡི་དམ་དུ་ངོ་ཤེས་ནས་སྔར་གོང་དུ་བླ་མས་གདམས་པའི་འོད་གསལ་མདང་༔ ཕྱིས་ཤར་བའི་བུ་རང་བྱུང་གི་འོད་གསལ་གཉིས་མ་

བུ་འཕྲད་དེ༔ རང་ལ་རང་ཤར་རང་གྲོལ་དུ་སྔར་འདྲིས་ཀྱི་མི་དང་འཕྲད་བ་ལྟར་དུ་རང་རིག་རང་གསལ་དུ་རང་གྲོལ་ལོ༔ འདིའི་ངོ་སྤྲོད་མ་ཐོབ་ན༔

གང་ཟག་བཟང་པོ་རྣམས་ཀྱང་འདི་ནས་ཕྱིར་ལོག་སྟེ་འཁོར་བར་འཁྱམས་མོ༔ དེ་ནས་ཀེའུ་རི་བརྒྱད་ཀྱི་ཁྲོ་མོ་དང་༔ ཕྲ་མེ་ན་མ་མགོ་བརྙན་སྣ་

ཚོགས་པ་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ ཡང་ངོ་སྤྲད་པ་ནི༔ ཚོ་འདས་ཀྱི་མིང་ནས་བོས་ལ་འདི་སྐད་དོ༔ ཀྱཻ་རིགས་

{102}

ཀྱི་བུ༔ མ་ཡེངས་པར་ཉོན་ཅིག༔ རང་གི་ཀླད་པའི་ཤར་ནས་ཀེའུ་རིམ་དཀར་མོ་གཡས་ན་ཞིང་གི་དབྱུག་ཐོ་ཐོགས་པ༔ གཡོན་ན་བྷན་དྷ་དམར་གྱི་བཀང་

བ་ཐོགས་ནས་རང་ལ་འཆར་རོ༔ དེ་ལ་མ་འཇིགས་ཤིག༔ ལྷུ་ནས་ཙོ་དུ་རིམ་སེར་མོ་མདའ་གཞུ་འགེངས་པ་དང་༔ ནུབ་ནས་པྲ་མོ་དམར་མོ་ཆུ་

སྲིན་རྒྱལ་མཚན་བསྣམས་པ་དང་༔ བྱང་ནས་པེ་ཏའི་ནག་མོ་རྡོ་རྗེ་དང་བྷན་དྷ་དམར་གྱིས་བཀང་བ་བསྣམས་པ་དང་༔ ཤར་ལྷོ་ནས་པུ་ཀ་སི་

དམར་སེར་གཡས་པས་སྒྱུ་མ་བཟུང་ནས་གཡོན་པས་ཞལ་དུ་གསོལ་བ་དང་༔ ལྷོ་ནུབ་ནས་ཀསྨ་རི་ལྗང་ནག་གཡོན་ན་བྷན་དྷ་ཁྲག་གིས་བཀང་བ་

བཟུང་ནས་གཡས་པའི་རྡོ་རྗེས་དཀྲུགས་ཅིང་རྔམས་པའི་ཚུལ་གྱིས་ཞལ་དུ་གསོལ་བདང་༔ ནུབ་བྱང་ནས་ཙན་དྷ་ལི་སེར་སྐྱ་མགོ་ལུས་

{103}

༄༅༔ ༔ཕྲག་ལ་བཀལ་ཏེ་གཡས་པས་ཙིཏྟ་བསྣམས་ནས་གཡོན་པས་ལུས་པོ་ཟ་བ་དང་༔ བྱང་ཤར་ནས་སྨེ་ཤ་ནི་མཐིང་ནག་མགོ་

ལུས་ཕྲལ་ནས་ཟ་བ་དང་༔ གནས་ཀྱི་ཀེའུ་རི་མ་མོ་བརྒྱད་པོ་ཡང་ཁྲག་འཐུང་ཡབ་ལྔ་ལ་བསྐོར་ནས་རང་གི་ཀླད་པའི་ནང་ནས་ཐོན་ནས་འཆར་དུ་འོང་

ངོ་༔ དེ་ལ་མ་འཇིགས་ཤིག༔ ཀྱཻ་རིགས་ཀྱི་བུ༔ དེའི་ཕྱི་རིམ་ན་ཡུལ་གྱི་ཕྲ་མེན་མ་བརྒྱད་ཐོན་ནས་འཆར་དུ་འོང་ངོ་༔ ཤར་ནས་སིང་ཧ་སྨུག་

ནག་སེང་མགོ་མ༔ ལག་གཉིས་བྲང་མཁར་བསྣོལ་ནས་ཁའི་ནང་དུ་རོ་ཐོགས་རལ་པ་བསིགས་པ་དང་༔ ལྷོ་ནས་བྱ་ཀྲི་མུ་ཁ་དམར་མོ་སྟག་མགོ་མ༔

ལག་གཉིས་བསྣོལ་ནས་མིག་འབྲུ་ཚུགས་སུ་བལྟ་ཞིང་མཆེ་བ་ཉེར་པ་དང་༔ ནུབ་ནས་སྲི་ལ་མུ་ཁ་ཝ་མགོ་ཅན༔ གཡས་པས་རྒྱུ་མ་བཟུང་ཞིང་

{104}

སྤུ་གི་ཐོགས་ནས་གཡོན་པས་རྒྱུ་མ་ཟ་བ་དང་༔ ཁྲག་ལྡག་པ་དང་༔ བྱང་ནས་ཤྭོན་མུ་ཁམ་ཐིང་ནག་སྤྱང་མགོ་ཅན༔ ལག་པ་གཉིས་ཀྱི་རོ་ཁ་ཕྱེ་ནས་

མིག་འབྲུ་ཚུགས་སུ་བལྟ་བ་དང་༔ ཤར་ལྷོ་ནས་ཀྲི་ཏ་མུ་ཁ་དཀར་སེར་བྱ་རྒོད་མགོ་ཅན༔ ཞིང་ཆེན་ཕྲག་ལ་ཁུར་ནས་ཀེང་རུས་ལག་ཏུ་ཐོགས་པ་དང་༔

ལྷོ་ནུབ་ནས་ཀ་ཀ་མུ་ཁ་དམར་ནག་དུར་བྱའི་མགོ་ཅན༔ ཞིང་ཆེན་ཕྲག་ལ་ཁུར་བ་དང་༔ ནུབ་བྱང་ནས་ཁ་ཁ་མུ་ཁ་ནག་མོ་བྱ་རོག་གི་མགོ་ཅན༔ གཡོན་དུ་བྷ་ནྡྷ་

ཐོགས་ནས༔ གཡས་པས་རལ་གྲི་ཐོགས་ཏེ་གློ་སྙིང་ཟ་བ་དང་༔ བྱང་ཤར་ནས་ཧུ་ལུ་མུ་ཁ་མཐིང་ཁ་འུག་པའི་མགོ་ཅན༔ གཡས་སུ་རྡོ་རྗེ་ཐོགས་

ཤིང་གཡོན་དུ་རལ་གྲི་བསྣམས་ཤིང་ཤ་ཟ་བ་དང་༔ ཡུལ་གྱི་ཕྲ་མེན་མ་བརྒྱད་པོ་ཡང་ཁྲག་འཐུང་ཡབ་ལྔ་ལ་བསྐོར་ནས་རང་གི་ཀླད་པའི་ནང་ནས་

{105}

༄༅༔ ༔ཐོན་ནས་རང་ལ་ཤར་འོངོ་༔ དེ་ལ་མ་འཇིགས་ཤིག༔ གང་ཤར་ཐམས་ཅད་རང་སྣང་རིག་པའི་རང་རྩལ་དུ་ངོ་ཤེས་པར་

གྱིས་ཤིག༔ ཀྱཻ་རིགས་ཀྱི་བོ༔ སྒོ་མ་བཞི་ཡང་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ ངོ་ཤེས་པར་གྱིས་ཤིག༔ རང་གི་

ཀླད་པའི་ཤར་ནས་སྟག་གདོང་དཀར་མོ་ལྕགས་ཀྱུ་མ༔ གཡོན་པས་བྷན་དྷ་དམར་གྱིས་བཀང་ནས་ཐོགས་པ་གཅིག་ཏུ་ཤར་དུ་འོང་ངོ་༔ ལྷོ་

ནས་ཕག་གདོན་སེར་མོ་ཞགས་པ་འཛིན་པ༔ ནུབ་ནས་སེང་གདོང་མ་དམར་མོ་ལྕགས་སྒྲོག་འཛིན་པ་དང་༔ བྱང་ནས་སྦྲུལ་གདོན་མ་ལྗང་མོ་དྲིལ་

བུ་འཛིན་པ་དང་༔ སྒོ་མ་བཞི་ཡང་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ ཡི་དམ་གྱི་ལྷ་ཡིན་པས་ངོ་ཤེས་པར་གྱིས་ཤིག༔

{106}

ཀྱཻ་རིགས་ཀྱི་བུ༔ ཧེ་རུ་ཀ་དྲག་པོའི་ལྷ་སུམ་ཅུའི་ཕྱི་རིམ་དུ་དབང་ཕྱུག་མ་ཉི་ཤུ་རྩ་བརྒྱད་མགོ་བརྙན་སྣ་ཚོགས་དང་བཅས་ཏེ༔ མཚོན་ཆ་སྣ་ཚོགས་

ཐོགས་ནས་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ དེ་ལ་མ་འཇིགས་ཤིག༔ གང་ཤར་ཐམས་ཅད་རང་སྣང་རིག་པའི་

རང་རྩལ་དུ་ངོ་ཤེས་པར་གྱིས་ཤིག༔ དོན་ཆེན་འགག་ལ་ཐུགས་པའི་དུད་ཚོད་འདིར༔ བླ་མའི་གདམས་ངག་དྲན་པར་གྱིས་ཤིག༔ ཀྱཻ་རིགས་ཀྱི་བུ༔

ཤར་ནས་སྲིན་མོ་སྨུག་ནག་གཡག་མགོ་མ༔ ལག་ན་ཐོད་པ་ཐོགས་པ་དང་༔ ཚངས་མ་དམར་སེར་སྦྲུལ་མགོ་མ༔ ལག་ན་པདྨ་བསྣམས་པ་

དང་༔ ལྷ་ཆེན་དཀར་ལྗང་གཟིག་མགོ་མ༔ ལག་ན་ཏྲི་ཤུལ་ཐོགས་པ་དང་༔ གཏོགས་འདོད་སྔོན་མོ་སྲེ་མོང་མགོ༔ ལག་ན་འཁོར་ལོ་འཛིན་

{107}

༄༅༔ ༔པ་དང་༔ གཞོན་དུ་དམར་མོ་དྲེད་ཀྱི་མགོ༔ ལག་ན་མདུང་ཐུང་འཛིན་པ་དང་༔ བརྒྱ་བྱིན་དཀར་མོ་དོམ་མགོ་མ༔ ལག་ན་

རྒྱུ་ཞིགས་ཐོགས་པ་དང་༔ ཤར་གྱི་རྣལ་འབྱོར་མ་དྲུག་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ དེ་ལ་མ་འཇིགས་ཤིག༔

ཀྱཻ་རིགསཀྱི་བུ༔ ལྷོ་ནས་དགའ་བ་སེར་མོ་ཕ་ཝང་མགོ༔ ལག་ན་སྤུ་གྲི་ཐོགས་པ་དང་༔ ཞི་བ་དམར་མོ་ཆུ་སྲིན་མགོ༔ ལག་ན་བུམ་པ་ཐོགས་

པ་དང་༔ བདུད་རྩི་དམར་མོ་སྡིག་པའི་མགོ༔ ལག་ན་པདྨ་ཐོགས་པ་དང་༔ ཟླ་བ་དམར་མོ་ཁྲའི་མགོ༔ ལག་ན་རྡོ་རྗེ་ཐོགས་པ་དང་༔ བེ་ཅོན་

ལྗང་ནག་ཝའི་མགོ༔ ལག་ན་དབྱུག་ཐོ་ཐོགས་པ་དང་༔ སྲིན་མོ་སེར་ནག་སྟག་གི་མགོ༔ ལག་ན་ཐོད་ཁྲག་ཐོགས་པ་དང་༔ ལྷོའི་རྣལ་འབྱོར་

{108}

དྲུག་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ དེ་ལ་མ་འཇིགས་ཤིག༔ ཀྱཻ་རིགས་ཀྱི་བུ༔ ནུབ་ནས་ཟ་བ་དམར་ལྗང་བྱ་རྒོད་

མགོ༔ ལག་ན་བེ་ཅོན་ཐོགས་པ་དང་༔ དགའ་བ་དམར་མོ་རྟའི་མགོ༔ ལག་ན་ཁོག་ཆེན་ཐོགས་པ་དང་༔ སྟོབས་ཆེན་དམར་མོ་ཁྱུང་གི་མགོ༔

ལག་ན་དབྱུག་ཐོ་ཐོགས་པ་དང་༔ སྲིན་མོ་སེར་མོ་ཁྱིའི་མགོ༔ ལག་ན་རྡོ་རྗེ་སྤུ་གྲི་གཅོད་པ་དང་༔ འདོད་པ་དམར་མོ་པུ་ཤུད་མགོ༔ ལག་གཉིས་

མངའ་གཞུ་འགེངས་པ་དང་༔ ནོར་སྲུང་ལྗང་ཁུ་ཤྭ་བའི་མགོ༔ ལག་ན་བུམ་པ་འཛིན་པ་དང་༔ ནུབ་ཀྱི་རྣལ་འབྱོར་མ་དྲུག་རང་གི་ཀླད་པའི་ནང་

ནས་ཐོན་ནས་རང་ལ་འཆར་དུ་འོང་ངོ་༔ དེ་ལ་མ་འཇིགས་ཤིག༔ ཀྱཻ་རིགས་ཀྱི་བུ༔ བྱང་ནས་རླུང་ལྷ་སྔོན་མོ་སྦྲུལ་གྱི་མགོ༔ ལག་ན་བ་

{109}

༄༅༔ ༔དན་འཕྱར་བ་དང་༔ མི་མོ་དམར་མོ་སྐྱིན་གྱི་མགོ༔ ལག་ན་གསལ་ཤིང་འཛིན་པ་དང་༔ ཕག་མོ་ནག་མོ་ཕག་གི་མགོ༔ ལག་

ན་མཆེ་ཞགས་བསྣམས་པ་དང་༔ རྡོ་རྗེ་དམར་མོ་ཁྭ་ཏའི་མགོ༔ ལག་ན་ཞིང་ཆུང་འཛིན་པ་དང་༔ སྣ་ཆེན་ལྗང་ནག་གླང་གི་མགོ༔ ལག་ན་བེ་

ཅོན་ཐོགས་ཤིང་ཁྲག་འཐུང་བ་དང་༔ ཆུ་ལྷ་སྔོན་མོ་སྦྲུལ་གྱི་མགོ༔ ལག་ན་སྦྲུལ་ཞགས་བསྣམས་པ་དང་༔ བྱང་གི་རྣལ་འབྱོར་མ་དྲུག་རང་

གི་ཀླད་པའི་ནང་ནས་ཐོན་ནས་རང་ལ་འཆར་དུ་འོང་ངོ་༔ དེ་ལ་མ་འཇིགས་ཤིག༔ ཀྱཻ་རིགས་ཀྱི་བུ༔ སྒོ་མའི་རྣལ་འབྱོར་མ་བཞི་ཀླད་པའི་ནང་

ནས་ཐོན་ནས་རང་ལ་འཆར་དུ་འོང་ངོ་༔ ཤར་ནས་རྡོ་རྗེ་ཕག་མོ་ཁུ་བྱུག་མགོ༔ ལག་ན་ལྕགས་ཀྱི་འཛིན་པ་དང་༔ ལྷོ་ནས་རྡོ་རྗེ་སེར་མོ་

{110}

རའི་མགོ༔ ལག་ན་ཞགས་པ་འཛིན་པ་དང་༔ དུབ་ནས་རྡོ་རྗེ་དམར་མོ་སེན་གེའི་མགོ༔ ལག་ན་ལྕགས་སྒྲོག་འཛིན་པ་དང་༔ བྱང་

ནས་རྡོ་རྗེ་ལྗང་ནག་སྦྲུལ་གྱི་མགོ༔ ལག་ན་དྲིལ་བུ་འཛིན་པ་དང་༔ རྣལ་འབྱོར་སྒོ་མ་བཞི་ཡང་རང་གི་ཀླད་པའི་ནང་ནས་ཐོན་ནས་རང་ལ་འཆར་དུ་

འོང་ངོ་༔ དེ་ལ་མ་འཇིགས་ཤིག༔ དབང་ཕྱུག་མ་ཉི་ཤུ་རྩ་རྒྱད་ཀྱང་ཧེ་རུ་ཀ་དྲག་པོའི་ལྷ་རང་བྱུང་གི་སྐུའི་རྩལ་ལས་རང་ཤར་ཡིན་པས་ངོ་ཤེས་པར་

གྱིས་ཤིག༔ ཀྱཻ་རིགས་ཀྱི་བུ༔ ཆོས་སྐུ་སྟོང་པའི་རྩལ་ལས་ཞི་བའི་ལྷ་རུ་ཤར་བ་ཡིན་ནོ༔ ངོ་ཤེས་པར་གྱིས་ཤིག༔ ཆོས་སྐུ་གསལ་བའི་རྩལ་

ལས་ཁྲོ་བའི་ལྷ་རུ་ཤར་བ་ཡིན་ནོ༔ ངོ་ཤེས་པར་གྱིས་ཤིག༔ རང་གི་ཀླད་པའི་ནང་ནས་ཁྲག་འཐུང་ལྔ་བཅུ་རྩ་བརྒྱད་གྱི་ལྷ་ཚོགས་ཐོན་ནས་ཤར

{111}

༄༅༔ ༔བའི་དུས་འདིར༔ གང་ཤར་ཐམས་ཅད་རང་གོ་རིག་པའི་མདངས༔ རང་ལ་ཤར་བ་ཤེས་ནས༔ དེ་མ་ཐག་ཏུ་ཁྲག་འཐུང་

གི་སྐུ་དང་གཉིས་སུ་མེད་པར་སངས་རྒྱས་པའོ༔ ཀྱཻ་རིགས་ཀྱི་བུ༔ ད་ལྟ་ངོམ་ཤེས་ན་ཁྱོང་དེ་རྣམས་ལ་ཞེང་ཅིང་བྲོས་པས་སླར་སྡུག་བསྔལ་གྱི་

སྣོན་མར་འགྲོའོ། །དེ་ལྷར་མ་ཤེས་ན་ཁྲག་འཐུང་གི་ལྷ་ཐམས་ཅད་གཤིན་རྗེ་རུ་མཐོང་ནས༔ ཁྲག་འཐུང་གི་ལྷ་ཐམས་ཅད་ལ་འཇིགས་སོ༔

དངངས་སོ༔ སྐྲག་གོ༔ བརྒྱལ་ལོ༔ རང་སྣང་བདུད་དུ་སོང་ནས་འཁོར་བར་འཁྱམས་སོ༔ མ་ཞིང་མ་སྐྲག་ན་འཁོར་བར་མི་འཁྱམ་མོ༔ ཀྱཻ་

རིགས་ཀྱི་བུ༔ ཞི་བ་དང་ཁྲོ་བོའི་སྐུ་དེ་རྣམས་ཀྱང་ཆེ་བ་ནི་ནམ་མཁའ་དང་མཉམ་པ༔ འབྲིང་པོ་ནི་རི་རབ་ཙམ་པ༔ ཐམ་ཡང་རང་བཅོ་བརྒྱད་

{112}

བརྩེགས་པ་ཙམ་འབྱུང་བས༔ དེ་ལ་མ་སྐྲག་ཅིག༔ སྣང་སྲིད་ཐམས་ཅད་འོད་དང་སྐུ་རུ་འཆར་རོ༔ སྣང་བ་ཐམས་ཅད་འོད་དང་སྐུ་རུ་འཆར་བ་

དེ༔ རང་གི་རིག་པའི་རང་མདངས་སུ་ངོ་ཤེས་པས༔ འོད་དང་སྐུ་གཉིས་སུ་མེད་པར་ཐིམ་ནས་སངས་རྒྱའོ༔ བུ་ཁྱོད་མ་ཐོང་སྣང་འཇིགས་སྐྲག་

གི་སྣང་བ་གང་བྱུང་ཡང་༔ རང་སྣང་དུ་ངོ་ཤེས་པར་གྱིས་ལ་མ་འཇིགས་ཤིག༔ འོད་གསལ་རང་གི་རང་མདངས་སུ་ངོ་ཤེས་པར་གྱིས་ཤིག༔ དེ་

ལྟར་ངོ་ཤེས་ན་ད་ལྟ་རང་ལ་སངས་རྒྱས་པ་ལ་ཐེ་ཚོམ་མེད་དོ༔ སྐད་ཅིག་གཅིག་གིས་རྫོགས་སངས་རྒྱས་བྱ་བ་དེ་དུས་ད་རེས་འབྱུང་བ་ཡིན་ནོ༔ ཡིད་

ལ་དྲན་པར་གྱིས་ཤིག༔ ཀྱཻ་རིགས་ཀྱི་བུ༔ རང་གི་ད་ལྟ་ངོ་མ་ཤེས་ནས་སྐྲག་ནས༔ ཞི་བའི་སྐུ་ཐམས་ཅད་མགོན་པོ་ནག་པོའི་སྐུ་རུ་འཆར་རོ༔

{113}

༄༅༔ ༔ཁྲོ་བོའི་སྐུ་ཐམས་ཅད་གཤིན་རྗེ་ཆོས་ཀྱི་རྒྱལ་པོའི་སྐུར་ཤར་ནས༔ རང་སྣང་བདུད་དུ་སོང་ནས་འཁོར་བར་འཁྱམ་མོ༔ ཀྱཻ་

རིགས་ཀྱི་བུ༔ རང་སྣང་ངོ་མ་ཤེས་ན་བཀའི་མདོ་རྒྱུད་ཐམས་ཅད་ལ་མཁས་ཤིང་༔ བསྐལ་བར་ཆོས་བྱས་ཀྱང་སངས་མི་རྒྱའོ༔ རང་སྣང་ངོ་ཤེས་

ན་གནད་གཅིག་དང་ཚིག་གཅིག་གིས་སངས་རྒྱའོ༔ རང་སྣང་དུ་ངོ་ཤེས་ན་ཤི་མ་ཐག་ཏུ་ཆོས་ཉིད་ཀྱི་བར་དོར་གཤིན་རྗེ་ཆོས་ཀྱི་རྒྱལ་པོའི་

སྐུར་འཆར་རོ༔ གཤིན་རྗེ་ཆོས་ཀྱི་རྒྱལ་པོའི་སྐུ་ཆེ་བ་ནི་ནམ་མཁའ་དང་མཉམ་པ༔ འབྲིང་པོ་ནི་རི་རབ་ཙམ་གྱིས་འཇིག་རྟེན་གྱི་ཁམས་གང་ནས་

འོང་ངོ་༔ དེ་ཡང་ཡ་སོས་མ་མཆུ་མནན་པ༔ མིག་ཤེལ་མིག་དུ་ཡོད་པ༔ སྐྲ་སྤྱི་བར་བཅིངས་པ༔ གསུས་པ་ཆེ་བ༔ སྐེ་ཕྲ་བ༔ ལག་ན་ཁྲམ་ཤིང་

{114}

ཐོགས་པ༔ ཁ་ནས་རྒྱོབ་སོད་ཀྱི་སྒྲ་སྒོག་པ༔ ཀླད་པ་འཐུང་བ༔ མགོ་ལུས་ཕྲལ་བ༔ དོན་སྙིང་འདོན་བ༔ དེ་ལྟ་བུའི་འཇིག་རྟེན་གྱི་ཁམས་ཐམས་ཅད་

ཁེངས་ནས་འོང་ངོ་༔ ཀྱཻ་རིགས་ཀྱི་བུ༔ དེ་ལྟའི་སྣང་བ་ཤར་ནས་བྱུང་བའི་ཚེ༔ ཁྱོད་འཇིགས་བདང་སྐྲག་པར་མ་བྱེད་ཅིག༔ ཁྱོད་རང་བག་ཆགས་ཡིད་

ཀྱི་ལུས་ཡིན་པས༔ བསད་པ་དང་གཏུབས་པ་བྱུང་ཡང་འཆི་རྒྱུ་མད་དོ༔ དོན་ལ་ཁྱོད་སྟོང་བའི་རང་གཟུགས་ཡིན་པས་ཞེད་མི་དགོས་སོ༔ གཤིན་རྗེ་

རྣམས་ཀྱང་རང་གི་རིག་པའི་རང་མདངས་ལས་ཤར་བ་ཡིན་པས༔ གདོས་པ་ཅན་དུ་གྲུབ་པ་མེད་དོ༔ སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེདོ༔

ཁྱོད་རང་གི་རིག་པའི་རང་རྩལ་དུ་ཤར་བ་མ་གཏོགས༔ ཕྱི་རོལ་དུ་ཞི་བ་དང་༔ ཁྲོ་བོ་དང་༔ ཁྲག་འཐུང་དང་༔ མགོ་བརྙན་དང་༔ འཇའ་འོད་

{115}

༄༅༔ ༔དང་༔ གཤིན་རྗེའི་གཟུགས་འཇིགས་འཇིགས་པ་སོགས་དངོས་སུ་གྲུབ་བ་མེད་པར་ཐོག་ཆོད་དོ༔ དེ་ལྟར་ཐག་ཆོད་ན་འཇིགས་

སྐྲག་ཐམས་ཅད་རང་སར་གྲོལ་ནས་གཉིས་སུ་མེད་པར་ཐིམ་ནས་སངས་རྒྱས་པར་འགྱུར་རོ༔ དེ་ལྟར་ངོ་ཤེས་ན་ནི་ཡི་དམ་གྱི་ལྷ་ཡིན་ནོ༔ བདག་

ར་དོའི་འཕྲང་ལ་བསུ་བ་ལ་འབྱོན་བར་འདུག་གོ༔ སྐྱབས་སུ་མཆིའོ་སྙམ་པའི་མོས་པ་དུང་དུང་མཛོད་ཅིག༔ དཀོན་མཆོག་གསུམ་རྗེས་སུ་

དྲན་པར་གྱིས་ཤིག༔ ཁྱོད་རང་གི་ཡི་དམ་གང་ཡིན་པ་དེ་དྲན་པར་གྱིས་ཤིག༔ མཚན་ནས་གང་ཐོན་བོས་ཅིག༔ བདག་བར་དོར་འཁྱིམས་

ནས་ཡིད་པས་ར་མདའ་ལ་རྒྱུག་ཅིག༔ ཐུགས་རྗེས་བཟུང་ཞིག༔ ཡི་དམ་རིན་པོ་ཆེ་ཞེས་བོས་ལ་གསོལ་བ་ཐོབ་ཅིག༔ ཁྱོད་རང་གི་བླ་མའི་

{116}

མཚེན་ནས་བརྗོད་ལ༔ བདག་བར་དོར་འཁྱམས་ནས་ཡིད་པས་ར་མདའ་མཛོད་ཅིག༔ ཐུགས་རྗེས་མ་བཏང་ཞིག་གྱིས་ལ་གསོལ་བ་ཐོབ་ཅིག༔ ཁྲག་

འཐུང་གི་ལྷ་ཚོགས་རྣམས་ལ་ཡང་མོས་པ་གྱིས་ལ་གསོལ་བ་ཐོབ་ཅིག༔ སྨོན་ལམ་འདི་ཡང་ཐོབ་ཅིག༔ ཀྱཻ་མ་བག་ཆགས་དྲག་པོས་འཁོར་བར་

འཁྱམས་པའི་ཚེ༔ དངངས་སྐྲག་འཇིགས་སྣང་སྤངས་པའི་འོད་ལ་མལ༔ བཅོམ་ལྡན་ཞིག་ཁྲོའི་ཚོགས་ཀྱིས་ལམ་སྣ་དྲོངས༔ དབྱིངས་

ཕྱུག་ཁྲོ་མོའི་ཚོགས་ཀྱི་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་

སྐྱོལ༔ དགའ་བའི་གྲོགས་དང་བྲལ་ནས་གཅིག་པུར་འཁྱམས༔ རང་སྣང་སྟོང་པའི་གཟུགས་བརྙན་འཆར་དུས་འདིར༔ སངས་རྒྱས་

{117}

༄༅༔ ༔རྒྱས་རྣམས་ཀྱི་ཐུགས་རྗེའི་ཤུཌཕྱུང་ནས༔ དངངས་སྐྲྲགབར་དོའི་འཇིགས་པ་མི་འབྱུང་ཤོག༔ ཡེ་ཤེས་གསལ་བའི་འོད་ལྔ་འཆར་

དུས་འདིར༔ མི་འཇིགས་མི་སྐྲག་རང་ངོ་ཤེས་པར་ཤོག༔ ཞི་དང་ཁྲོ་བོ་སྐུ་གཟུགས་འཆར་དུས་འདིར༔ མི་འཇིགས་གདེངས་ཐོབ་བར་དོ་ངོ་ཤེས་

ཤོག༔ ལས་ངན་དབང་གི་སྡུག་བསྔལ་མྱོང་ཙ་ན༔ ཡི་དམ་ལྷ་ཡི་སྡུག་བསྔལ་སེལ་བར་ཤོག༔ ཆོས་ཉིད་རང་སྒྲ་འབྲུག་སྟོང་ལྡིར་ཙི་ན༔

ཐམས་ཅད་ཡིག་དྲུག་སྒྲ་རུ་འགྱུར་བར་ཤོག༔ སྐྱབས་མེད་ལས་ཀྱི་རྗེས་སུ་འབྲང་དུས་འདིར༔ ཐུགས་རྗེ་ཆེན་པོས་བདག་ལ་བསྐྱབ་

ཏུ་གསོལ༔ བག་ཆགས་ལས་ཀྱི་སྡུག་བསྔལ་མྱོང་ཙད་ན༔ འོད་གསལ་བདེ་བའི་ཏིང་འཛིན་འཆར་བར་ཤོག༔ འབྱུང་ལྔའི་ཁམས་

{118}

རྣམས་སྒྲ་རུ་མི་ལྡང་ཞིང་༔ སངས་རྒྱས་རིགས་ལྔའི་ཞིང་ཁམས་མཐོང་བར་ཤོག༔ ཅེས་མོས་གུས་དྲག་པོ་དང་བཅས་པས་སྨོན་ལམ་ཐོབ་ཅིག༔

འཇིགས་སྐྲག་ཐམས་ཅད་ཡལ་ནས་ངེས་པར་ལོངས་སྐུར་སངས་རྒྱས་པར་འགྱུར་བས་གལ་ཆེའོ༔ ་ མ་ཡིངས་ཤིག༔ ཅེས་ལན་གསུམའམ་བདུན་

གྱི་བར་དུ་བརྗོད་དོ༔ དེ་ནི་སྡིག་པ་ཇི་ལྟར་ཆེ་ཞིང་ལས་འཕྲོ་ཇི་ལྟར་ངན་ཡང་མི་གྲོལ་མི་སྲིད་དོ༔ འདི་རྣམས་ཇི་ལྟར་བྱས་ཀྱང་ངོ་མ་འཕྲོད་ན་ནི༔

བར་དོ་གསུམ་པ་སྲིད་འི་ར་དོར་འཁྱམས་དགོས་པས༔ དེའི་ངོ་སྤྲོད་འོག་ཏུ་ཞིབ་པར་བསྟན་ནོ༔ སྤྱིར་གོམ་པ་ཆེ་ཆུང་གང་ལ་ཡང་འཆི་ཁར་

བག་རེ་འཁྲུལ་པ་མང་བས༔ ཐོས་གྲོལ་འདི་མེད་པའི་ཐབས་མེད་དོ༔ གོམ་འདྲིས་ཆེ་བ་རྣམས་ནི་བེམ་རིག་བྲལ་ནས་ཆོས་ཉིད་ལམ་གྱིས་འོང་ངོ་༔

{119}

༄༅༔ ༔གསོན་པོས་དུས་སུ་རིག་ཐོག་ཏུ་ངོ་འཕྲོད་པ་དང་༔ ཉམས་མྱོང་ཡོད་པ་རྣམས་ནི་འཆི་ཁའི་བར་དོར་འོད་གསལ་ཤར་བའི་

སྟོབས་ཤིན་ཏུ་ཆེ་བས༔ གསོན་པའི་དུས་སུ་ཉམས་ལེན་གལ་ཆེའོ༔ ཡང་གསོན་པོའི་དུས་སུ་གསང་སྔགས་ཀྱི་ལྷའི་བསྐྱེད་རྫོགས་བསྒོམ་

པ་རྣམས་ནི༔ ཆོས་ཉིད་བར་དོ་ལས་ཞི་ཁྲོའི་སྣང་བ་ཤར་བའི་དུས་སུ་སྟོབས་ཤིན་ཏུ་ཆེ་བར་ཡོད་དོ༔ དེ་བས་ན་གསོན་པོའི་དུས་སུ་ཡང་བར་

དོ་ཐོས་གྲོལ་འདི་ཁྱད་པར་དུ་ཡིད་ལ་བྱང་བར་བྱེད་པ་ནི་ཤིན་ཏུ་གལ་ཆེའོ༔ འདི་བཅང་བར་བྱའོ༔ ཀློག་པར་བྱའོ༔ ཀུན་ཆུབ་པར་བྱའོ༔ ཚུལ་

བཞིན་དུ་ཡིད་ལ་བྱའོ༔ དུས་གསུམ་དུ་མ་ཆག་པར་ཀློག་པར་བྱའོ༔ ཚིག་དོན་ཡིད་ལ་ཤིན་ཏུ་གསལ་བར་བྱའོ༔ གཤེད་མ་བརྒྱའི་དེད་ནས་བྱུང་

{120}

ཡང་འདིའི་ཚིག་དུན་ཡིད་ལ་མ་བརྗེད་པར་བྱའོ༔ འདི་ནི་ཐོས་གྲོལ་ཆེན་མོ་ཞེས་བྱ་བ་ཡིན་པས༔ མཚོམས་མེད་པ་ལྔ་བྱས་བའི་མིའི་རྣ་ལམ་དུ་ཐོས་ན་ཡང་

དེས་པར་གྲོལ་བར་འགྱུར་རོ༔ དེའི་ཕྱིར་ཁྲོམ་ཆེན་པོའི་ནང་དུ་ཀློག་པར་བྱའོ༔ སྤེལ་བར་བྱའོ༔ ད་ལྟ་ལན་ཅིག་ཚོར་བས་དོན་མ་རྟོགས་ན༔ བར་དོར་

རིག་པ་དགུ་འགྱུར་གྱི་གསལ་དུ་འགྲོ་བས༔ དེའི་དུས་སུ་ཚོག་གཅིག་ཀྱང་མ་བརྗེད་པར་དྲན་པར་འབྱུར་རོ༔ དེའི་ཕྱིར་ན་གསོན་དུས་སུ་ཀུན་གྱི་རྣ་བར་

ཀློག་པར་བྱའོ༔ ནད་པ་ཐམས་ཅད་ཀྱི་སྔས་སུ་ཀློག་པར་བྱའོ། །ཤི་བའི་རོ་ཐམས་ཅད་ཀྱི་རྩར་ཀློག་པར་བྱའོ༔ རྒྱ་ཆེར་སྤྲེལ་བར་བྱའོ༔ འདི་ནང་འཕྲད་པ་ནི་

སྐལ་པ་ཤིན་ཏུ་བཟང་བ་ཡིན་ནོ༔ ཚོགས་བ་སགས་ཤིང་སྒྲིབ་པ་བྱང་བམ་གཏོགས་པ་འདི་དང་འཕྲད་པ་དཀའོ༔ ལ་ཏེ་འཕྲད་ན་བློར་ཡོད་པ་དཀའོ༔ འདི་ནི་ཐོས་

{122}

༄༅༔ ༔ནས་ལོག་ལྟ་མ་སྐྱེས་པ་ཁོ་ནས་གྲོལ་བར་ནུས་སོ༔ དེའི་ཕྱིར་འདི་ལ་ཤིན་ཏུ་གཅེས་སྤྲས་སུ་བྱའོ༔ འདི་ཆོས་ཐམས་ཅད་ཀྱི་བཅུད་

ཡིན་ནོ༔ བར་དོའི་གདམས་པ་ཐོས་པ་ཙམ་གྱིས་གྲོལ་བ༔ བལྟས་པ་ཙམ་གྱིས་གྲོལ་བ༔ བར་དོ་ཐོས་གྲོལ་ཆེན་མོ་ཞེས་བྱ་བ་ཆོས་ཉིད་བར་དོའི་ངོ་སྤྲོད་

རྫོགས་སོ༔ གྲུབ་ཐོབ་ཉི་ཟླ་སངས་རྒྱས་ཀྱི་སྲས་ཀྱི་ཐུ་བོ༔ གྲུབ་ཐོབ་ཀརྨ་གླིང་པས་ཆུ་བོ་གསེར་ལྡན་གྱི་འགྲམ༔ སྒམ་པོ་བརྡར་གྱི་རི་ལྷ་བྲན་

གར་བྱེད་པ་འདྲ་བའི་གནས་ནས་གསང་སྟེ་གདན་དྲངས་པའོ༔ དེས་སྲས་ཆོས་རྗེ་གླིང་པ་ལ་བཀའ་དང་ལུང་གཏད། དེའི་གུ་རུ་སུ་རྱ་ཙནྡྲ་ལ་

རིམ་པར་བཀའ་དང་ལུང་བབས་པ་ལགས་སོ། །དེའི་དྲུང་དུ་བདག་གྷ་གྷ་དྷརྨས་མུད་ཏྲས་གུས་པར་ཞུས་སོ། ༔

 

{123}

༄༅༔ ༔སངས་རྒྱས་དང་བྱད་ཆུབ་སེམས་དཔའ་རྣམས་ལ་ར་མདའ་

སྤྲན་པའི་སྨོན་ལམ་བཞུགས་སོ༔ ༔

{124}

༄༅༅༔ ༔དཀོན་མཆོག་གསུམ་ལ་དངོས་སུ་འབྱོར་པ་དང་ཡིད་ཀྱི་སྤྲུལ་པའི་མཆོད་པ་འབུལ༔ ལག་ཏུ་

སྤོས་དྲི་ཞིམ་པོ་ཐོགས་ཏེ༔ གདུང་བ་དྲག་པོས་འདི་སྐད་དོ༔ ཕྱོགས་བཅུ་ན་བཞུགས་བའི་སངས་རྒྱས་དང་བྱང་ཆུབ་

སེམས་དཔའ་ཐུགས་རྗེ་དང་ལྡན་པ༔ མཁྱེན་པ་དང་ལྡན་པ༔ སྤྱན་དང་ལྡན་པ༔ བརྩེ་བ་དང་ལྡན་པ༔ འགྲོ་

བའི་སྐྱབས་སུ་གྱུར་པ་རྣམས༔ ཐུགས་རྗེའི་དབང་གིས་གནས་འདིར་བྱོན་ཅིག༔ དངོས་སུ་འབྱོར་བ་དང་

ཡིད་ཀྱི་སྤྲུལ་པའི་མཆོད་པ་བཞེས་ཤིག༔ ཐུགས་རྗེ་ཅན་རྣམས་ལ་མཁྱེན་པའི་ཡེ་ཤེས༔ བརྩ་བའི་ཐུགས་

{125}

༄༅༔ ༔རྗེ༔ མཛད་པའི་འཕྲིན་ལས་སྐྱོབ་བའི་ནུས་མཐུ་བསམ་གྱིས་མི་ཁྱབ་པ་མངའ་བ་ལགས་པས༔

ཐུགས་རྗེ་ཅན་རྣམས་ཆེ་གེ་མོ་ཞེས་བྱ་བ་འདི༔ འཇིག་རྟེན་འདི་ནས་ཕ་རོལ་ཏུ་ནི་འགྲོ༔ འཇིག་རྟེན་འདི་

ནས་ནི་བོར༔ སྐྱས་ཆེན་པོ་ནི་འདེབས༔ གྲོགས་ནི་མེད༔ སྡུག་བསྔལ་ནི་ཆེ༔ སྐྱབས་ནི་མེད༔ མགོན་ནི་མེད༔

དཔུང་གཉེན་མེད༔ ཚེ་འདིའི་སྣང་བ་ནི་ནུབ༔ འགྲོ་བ་གཞན་དུ་འགྲོ༔ མུན་ནག་ཐུག་པོར་འཇུག༔ གཡང་ས་ཆེན་

པོར་ནི་ལྷུང་༔ རྣམ་རྟོག་གི་ནགས་ཁྲོད་ཐུག་པོར་ནི་འཇུག༔ ལས་ཀྱི་དབང་གིས་ནི་དེད༔ གོམ་པ་ཆེན་པོར་ནི་

{126}

འགྲོ༔ རྒྱ་མཚོ་ཆེན་པོར་ནི་ཁྱེར༔ ལས་ཀྱི་རླུང་གིས་ནི་བདས༔ ས་ཚུགས་མེད་པའི་ཕྱགས་སུ་འགྲོ༔ གཡུལ་ངོ་ཆེན་པོར་ནི་འཇུག༔ གདོན་ཆེན་

པོས་ནི་ཟིན༔ གཤིན་རྗེའི་ཕོ་ཉས་འཇིགས་ཤིང་སྐྲག༔ ལས་ཀྱི་སྲིད་གནས་པ་ལ་ནི་འཇུག་ཡང་སིད༔ དབང་ནི་མེད༔ གཅིག་པོར་གྲོགས་མེད་

པར་འགྲོ་དགོས་བའི་དུས་ལ་བབས་ན་ཐུགས་རྗེ་ཅན་རྣམས་ཆེ་གེ་མོ་སྐྱབས་མེད་པ་འདི་ལ་སྐྱབས་མཛོད་ཅིག༔ མགོན་མཛོད་ཅིག༔ དབུང་

གཉེན་མཛོད་ཅིག༔ བར་དོའི་མུན་ནག་ཆེན་པོ་ལས་སྐྱོབས་ཤིག༔ ལས་ཀྱི་རླུང་དམར་ཆེན་པོ་ལས་བཟློག་ཅིག༔ གཞིན་རྗེའི་འཇིཌ་སྐྲག་

ཆེན་པོ་ལས་སྐྱོབས་ཤིག༔ བར་དོའི་འཕྲང་རིང་པོ་ལས་སྒྲོལ་ཅིག༔ ཐུགས་རྗེ་ཅན་རྣམས་ཐུགས་རྗེ་མ་ཐུང་ཅིག༔ རམ་མདའ་མཛོད་ཅིག་

{128}

༄༅༔ ༔ངན་སོང་གསུམ་དུ་མ་བཏང་ཅིག༔ སྔོན་གྱིས་དམ་བཅའ་མ་གཡེལ་བར༔ ཐུགས་རྗེའི་ཤུགས་མྱུར་དུ་ཕྱུད་ཞིག༔ སངས་

རྒྱས་དང་བྱང་ཆུབ་སེམས་དཔའ་རྣམས༔ ཆེ་གེ་མོ་འདི་ལ་ཐུགས་རྗེས་ཐབས་དང་ནུས་པ་མ་ཆུང་ཞིག༔ ཐུགས་རྗེས་བཟུང་ཞིག༔ སེམས་ཅན་ལས་

ངན་གྱི་དབང་མ་གཏོང་ཞིག༔ དཀོན་མཆོག་གསུམ་བདག་ཅག་བར་དོར་སྡུག་བསྔལ་ལས་སྐྱོབ་ཏུ་གསོལ༔ ཅེས་མོས་གུས་དྲག་པོས་སྒོ་ནས༔ བདང་

གཞན་ཐམས་ཅད་ཀྱིས་ལན་གསུམ་བྱའོ༔ དེ་ནས་བར་དོ་ཐོས་གྲོལ་དང་འཕྲང་སྒྲོལ་འཇིཌ་སྐྱོབ་མའི་སྨོན་ལམ་བཏབ་པར་བྱའོ༔ སངས་རྒྱས་དང་

བྱང་ཆུབ་སེམས་དཔའ་རམ་འདར་སྦྲན་པའི་སྨོན་ལམ་རྫོགས་སོ༔ ས་མ་ཡ་རྒྱ་རྒྱ་རྒྱ༔

 

{129}

༄༅༔ ༔བར་དོའི་རྩ་ཚིག་བཞུགས་སོ༔ ༔

{130}

༄༅༅༔ ༔རྒྱལ་བ་ཞི་ཁྲོའི་ལྷ་ལ་ཕྱག་འཚལ་ལོ༔ བར་དོ་རྣམ་པ་དྲུག་དི་རྩ་ཚིག་ནི༔ ཀྱེ་མ་བདག་ལ་

སྐྱེ་གནས་བར་དོ་འཆར་དུས་འདིར༔ ཚེ་ལ་ལོང་མེད་ལེ་ལོ་སྤང་བྱས་ནས༔ ཐོས་བསམ་སྒོམ་གསུམ་མ་ཡེངས་

ལམ་ལ་འཇུག༔ སྣང་སེམས་ལམ་སློང་སྐུ་གསུམ་མངོན་གྱུར་སྦྱོངས༔ མི་ལུས་ལན་གཅིག་ཐོབ་པའི་དུས་ཚོད་

འདིར༔ ཡེངས་པ་ལམ་ལ་སྟོང་པའི་དུས་མ་ཡིན༔ ཀྱེ་མ་བདག་ལ་རྨི་ལམ་བར་དོ་འཆར་དུས་འདིར༔ གཏི་མུག་

རོ་ཉལ་བག་མེད་སྤངས་བྱས་ནས༔ དྲེན་པ་ཡིངས་མེད་ནས་ལུགས་དང་ལ་འཇོག༔ རྨི་ལམ་བཟུང་ལ་སྤྲུལ་

{131}

༄༅༔ ༔བསྒྱུར་འོད་གསལ་སྦྱངས༔ དུང་འགྲོ་བཞིན་དུ་ཉལ་བར་མི་བྱ་བར༔ གཉིད་དང་མངོན་

སུམ་འདྲེས་པའི་ཉམས་ལེན་གཅེས༔ ཀྱེ་མ་བདག་ལ་བསམ་གདན་བར་དོ་འཆར་དུས་འདིར༔ རྣམ་གཡེང་འཁྲུལ་

བའི་ཚོགས་རྣམས་སྤངས་བྱས་ནས༔ ཡེངས་མེད་འཛིན་མེད་མཐའ་བྲལ་དང་ལ་འཇུག༔ བསྐྱེད་རྫོགས་

གཉིས་ལ་བརྟན་པ་ཐོབ་པར་བྱ༔ བྱ་བ་སྤངས་ནས་རྩེ་གཅིག་སྒྲུབ་དུས་འདིར༔ ཉོན་མོངས་འཁྲུལ་པའི་དབང་དུ་

མ་བཏང་ཞིག༔ ཀྱེ་མ་བདག་ལ་འཆི་ཁ་བར་དོ་འཆར་དུས་འདིར༔ ཀུན་ལ་ཆགས་སེམས་ཞིན་འཛིན་སྤངས་

{132}

བྱས་ལ༔ གདམས་ངག་གསལ་བའི་ལམ་ལ་མ་ཡེངས་འཇུག༔ རང་རིག་སྐྱེ་མེད་ནམ་མཁའི་དབྱིངས་སུ་འཕྱང་༔ འདུས་བྱས་ཤ་ཁྲག་ལུས་

དང་བྲལ་ལ་ཁད༔ མི་རྟག་སྒྱུ་མ་ཡིན་པར་ཤེས་པར་བྱ༔ ཀྱེ་མ་བདག་ལ་ཆོས་ཉིད་བར་དོ་འཆར་དུས་འདིར༔ ཀུན་ལ་དངངས་འཇིཌ་

སྣང་སྤངས་བྱས་ནས༔ གང་ཤར་རང་སྣང་རིག་པར་ངོ་ཤེས་བྱ༔ བར་དོའི་སྣང་ཚུལ་ཡིན་པར་ཤེས་པར་བྱ༔ དོན་ཆེན་འགགས་ལ་

ཐུགས་པའི་དུས་གཅིག་འོང་༔ རང་སྣང་ཞི་ཁྲོའི་ཚོགས་ལ་མ་འཇིགས་ཤིག༔ ཀྱེ་མ་བདག་ལ་སྲིད་པ་བར་དོ་འཆར་དུས་འདིར༔ འདུན་

པ་རྩེ་གཅིག་སེམས་ལ་གཟུང་བྱས་ནས༔ བཟང་པོ་ལས་ཀྱི་འཕྲོ་ལ་ནན་གྱིས་འཐུད༔ མངལ་སྒོ་དགགས་ནས་རུ་ལོག་དྲན་པར་བྱ༔ སྙིང་རུས་

{134}

༄༅༔ ༔དག་སྣང་དགོས་པའི་དུས་གཅིག་ཡིན༔ མིག་སེར་སྤངས་ནས་བླ་མ་ཡབ་ཡུམ་སྒོམ༔ འཆི་བ་འོང་སྙམ་མེད་པའི་བློ་རིང་

པོ༔ དོན་མེད་ཚེ་འདིའི་བྱ་བ་བསྒྲུབས་བསྒྲུབས་ནས༔ ད་རེས་སྟོང་ལོག་བྱས་ན་མདུན་མ་འཁྲུལ༔ དགོས་ངེས་ཤེས་པ་དམ་པའི་ཆོས་ཡིན་པས༔

ད་ལྟ་ཉིང་དུ་ལྷ་ཆོས་མི་བྱེད་དམ༔ དྲིན་ཅན་བླ་མའི་ཞལ་ནས་འདི་སྐད་གསུངས༔ བླ་མའི་གདམས་ངག་སེམས་ལ་མ་བཞག་ན༔ རང་

གིས་རང་ཉིད་བསླུས་པར་མི་འགྱུར་རམ༔ བར་དོ་རྣམ་པ་དྲུག་གི་རྩ་ཚིག་རྫོགས་སོ༔ ༔

 

{135}

༄༅༔ ༔བར་དོ་འཕྱང་སྒྲོལ་གྱི་སྨོན་ལམ་བཞུགས༔

{136}

༄༅༅༔ ༔བླ་མ་དང་མཁའ་འགྲོའི་ཚོགས་ལ་ཕྱག་འཚལ་ལོ༔ བརྩ་བ་ཆེན་པོས་ལམ་སྣ་

དྲང་དུ་གསོལ༔ བདག་ནི་འཁྲུལ་པས་འཁོར་བར་འཁྱམས་པའི་ཚེ༔ ལྷན་སྐྱེས་ཡེ་ཤེས་གསལ་བའི་འོད་ལཾ་

ལ༔ དཔའ་བོ་རིག་འཛིན་རྣམས་ཀྱི་ལམ་སྣ་དྲོངས༔ ཡུམ་མཆོག་མཁའ་འགྲོའི་ཚོགས་ཀྱིས་རྒྱབ་ནས་སྐྱོར༔

བར་དོ་འཇིགས་པའི་འཕྲག་ལས་བསྒྲལ་དུ་གསོལ༔ ཡང་དག་རྫིགས་པའི་སངས་རྒྱས་ས་རུ་སྐྱོལ༔ གཏི་མུག་

དྲག་པོས་འཁོར་བར་འཁྱམས་པའི་ཚེ༔ ཆོས་དབྱིངས་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རྣམ་

{137}

༄༅༔ ༔བར་སྣང་མཛད་ལམ་སྣ་དྲོགས༔ ཡུམ་མཆོག་དབྱིངས་ཕྱུག་མ་ཡིས་རྒྱབ་ནས་སྐྱོར༔ བར་དོ་

འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ ཞེ་སྡང་དྲག་པོས་

འཁོར་བར་འཁྱམས་པའི་ཚེ༔ མེ་ལོང་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རྡོ་རྗེ་སེམས་དཔས་

ལམ་སྣ་དྲོངས་ཡུམ་མཆོག་སངས་རྒྱས་སྤྱན་མས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་

དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ ང་རྒྱལ་དྲག་པོས་འཁོར་བར་འཁྱམས་པའི་ཚེ༔

{138}

མཉམ་ཉིད་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་རིན་ཆེན་འབྱུང་ལྡན་ལམ་སྣ་དྲོངས༔ ཡུམ་མཆོག་མ་མ་མི་ཡི་རྒྱབ་ནས་སྐྱོར༔

ར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ འདོད་ཆགས་དྲན་པོས་འཁོར་བར་

འཁྱམས་པའི་ཚེ༔ སོར་རྟོག་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་སྣང་བ་མཐའ་ཡས་ལམ་སྣ་དྲོགས༔ ཡུམ་མཆོག་

གོས་དཀར་མོ་ཡི་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔

ཕྲག་དོག་དྲག་པོས་འཁོར་བར་འཁྱམས་པའི་ཚེ༔ བྱ་གྲུབ་ཡེ་ཤེས་གསལ་བའི་འོད་ལམ་ལ༔ བཅོམ་ལྡན་དོན་ཡོད་གྲུབ་པས་ལམ་སྣ་

{139}

༄༅༔ ༔དྲོངས༔ ཡུམ་མཚོག་དམ་ཚིག་སྒྲོལ་མས་རྒྱབ་ནས་སྐྱོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔

ཡང་དག་རྫོགས་པའི་སངས་རྒྱས་ས་རུ་སྐྱོལ༔ བག་ཆགས་དྲག་པོས་འཁོར་བར་འཁྱམས་པའི་ཚེ༔ དངངས་སྐྲག་འཇིགས་སྣང་གསལ་

བའི་འོད་ལམ་ལ༔ བཅོམ་ལྡན་ཞི་ཁྲོའི་ཚོགས་ཀྱི་ལམ་སྣ་དྲོངས༔ ཡུམ་མཆོག་ཁྲོ་མོའི་ཚོགས་ཀྱི་རྒྱབ་ནས་སྐྱོར༔ བར་དོ་འཇིགས་

པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ འཁྲུལ་སྣང་དྲགཔོའི་འཁོར་བར་འཁྱམས་པའི་

ཚེ༔ ལྷན་སྐྱེས་ཡེ་ཤེས་གསལ་བའི་འོད་ལམ་ལ༔ དཔའ་བོ་རིག་འཛིན་ཚོགས་ཀྱི་ལམ་སྣ་དྲོངས༔ ཡུམ་མཚོག་མཁའ་འགྲོའི་

{140}

ཚོགས་ཀྱིས་རྒྱབ་ནས་སྐོར༔ བར་དོ་འཇིགས་པའི་འཕྲང་ལས་བསྒྲལ་དུ་གསོལ༔ ཡང་དག་རྫོགས་པའི་སངས་རྒྱས་ས་རུ་སྐྱོལ༔ ༀ་ཨཱཿ་ཧཱུཾ༔ ནམ་

མཁའི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་མཐིང་ཁའི་ཞིང་ཁམས་མཐོང་བར་ཤོག༔ ཆུ་ཡི་ཁམས་རྣམས་དགྲ་རུ་མི་ལྡང་

ཞིང་༔ སངས་རྒྱས་དཀར་པོའི་ཞིང་ཁམས་མཐོང་བར་ཤོག༔ མེ་ཡི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་དམར་པོའི་ཞིང་

ཁམས་མཐོང་བར་ཤོག༔ རླུང་གི་ཁམས་རྣམས་དགྲ་རུ་མི་ལྡང་ཞིང་༔ སངས་རྒྱས་ལྗང་ཁའི་ཞིང་ཁམས་མཐོང་བར་ཤོག༔ སྒྲ་འོད་

ཟེར་གསུམ་དགྲ་རུ་མི་ལྡང་ཞིང་༔ ཞི་ཁྲོ་རབ་འབྱམས་ཞིང་ཁམས་མཐོང་བར་ཤོག༔ འཇའ་ཚོན་ཁམས་རྣམས་དགྲ་རུ་མི་ལྡང་ཞིང་

{142}

༄༅༔ ༔སངས་རྒྱས་སྣ་ཚོགས་ཞིང་ཁམས་མཐོང་བར་ཤོག༔ སྒྲ་རྣམས་ཐམས་ཅད་རང་སྒྲར་ཤེས་པར་ཤོག༔ འོད་

རྣམས་ཐམས་ཅད་རང་འོད་ཤེས་པར་ཤོག༔ བར་དོར་རང་ངོ་རང་གིས་ཤེས་པར་ཤོག༔ སྐུ་གསུམ་ཞིང་ཁམས་མངོན་དུ་འགྱུར་

བར་ཤོག༔ བར་དོ་འཕྲང་སྒྲོལ་གྱི་སྨོན་ལམ་རྫོགས་སོ༔ ༔

 

{143}

༄༅༔ ༔བར་དོ་ཐོས་གྲོལ་ཆེན་མོ་ལས་སྲིད་པ་བར་དོའི་ངོ་སྤྲུད་བཞུགས་སོ༔ ༔

{144}

༄༅༅༔ ༔བླ་མ་ཡི་དམ་ལྷ་ཚོགས་ལ༔ གུས་པས་ཡིད་ཀྱིས་ཕྱག་འཚལ་ལོ༔ བར་དོར་གྲོལ་བར་མཛོད་

དུ་གསོལ༔ བར་དོ་ཐོས་གྲོལ་ཆེན་མོ་ལས༔ ཆོས་ཉིད་བར་དོ་གོང་དུ་བསྟན་སྟེ༔ འདི་ནི་སྲིད་པའི་བར་དོ་ཡིས༔

གསོལ་འདེབས་བྱ་བ་འདི་སྐད་དོ༔ དེ་ཡང་གོང་དུ་ཆོས་ཉིད་བར་དོའི་གསལ་འདེབས་མང་དུ་བྱས་ཀྱང་༔ ཆོས་ཀྱི་

གོམ་འདྲིས་ཆེ་བ་དང་༔ ལས་འཕྲོ་བཟང་བ་མ་གཏོགས་པ༔ གོམ་འདྲིས་མེད་པ་དང་༔ སྡིག་ཅན་རྣམས་ལ་ནི༔

འཇིགས་སྐྲག་དང་ལས་ངན་གྱི་དབང་གིས་ངོ་འཕྲོད་པ་དཀའ་བས༔ ཞག་བཅུ་མན་ཆད་ལ་སླེབས་ནས་ཡང་འདི་

{145}

༄༅༔ སྐད་གསལ་གདབ་པར་བྱ་སྟེ༔ ཡང་དཀོན་མཆོག་གསུམ་ལ་མཆོད་པ་འབུལ༔ སངས་རྒྱས་

དང་བྱང་ཆུབ་སེམས་དཔའ་རྣམས་ལ་རམ་མདའ་སྦྲན་ལ་སྨོན་ལམ་གདབ༔ དེ་ནས་ཡང་ཚེ་འདས་ཀྱི་མིང་ནས་

ལན་གསུམ་མམ་བདུན་དུ་བོས་ལ་འདི་སྐད་དོ༔ ཀྱེ་རིགས་ཀྱི་བུ༔ ཁྱོད་ལེགས་པར་ཉོན་ལ་ཡིད་ལ་ཟུངས་ཤིག༔

དམྱལ་བ་དང་༔ ལྷ་དང་༔ བར་དོའི་ལུས་ནི་རྫུས་སྐྱེས་སུ་འབྱུང་བ་ཡིན་ནོ༔ དེ་ཡང་ཁྱོད་ཆོས་ཉིད་བར་དོ་ལ་ཞི་

ཁྲོའི་སྣང་བ་ཤར་དུས་སུ༔ རང་ངོ་མ་ཤེས་ནས༔ ཞག་ཕྱེད་དང་རྩ་ལྔ་སོང་བ་དང་༔ སྐྲག་པས་རྒྱས་འགྲོ་སྟེ༔

{146}

བརྒྱལ་སངས་པ་དང་ཤེས་པ་ཇེ་གསལ་དུ་སོང་ནས༔ ལུས་སྔ་མ་ལྟ་བུ་ཀྲོང་ངེ་སྐྱེའོ༔ དེ་ཡང་རྒྱད་ལས༔ སྔོན་འབྱུང་སྲིད་པའི་ཤ་གཟུགས་

ཅན༔ དབང་པོ་ཀུན་ཚོང་ཐོགས་མེད་རྒྱུ༔ ལས་ཀྱི་རྫུ་འཕྲུལ་ཤུགས་དང་ལྡན༔ རིགས་མཐུན་ལྷ་མིག་དག་པས་མཐོང་༔ ཞེས་གསུངས་

པས༔ དེ་ཡང་སྔོན་འབྱང་ཞེས་བྱ་བ་ནི༔ ཁྱོད་སྔ་མའི་བག་ཆགས་ཀྱི་ལུས་ཤ་ཁྲག་གི་ལུས་ཇི་ལྟ་བ་གཅིག་འོང་སྟེ༔ དེ་ཡང་བསྐལ་བ་བཟང་

པོའི་ལུས་བཞིན༔ མཚོན་དཔེ་ཅུང་ཟད་དང་འོད་ཡོད་པ༔ ཡིད་ལུས་ཀྱི་སྣང་བ་ཡིན་པས༔ བར་དོའི་སྣང་བ་ཡིད་ཀྱི་ལུས་ཞེས་བྱའོ༔ དེའི་དུས་

སུ་ལྷར་སྐྱེ་ན་ནི་ལྷ་ཡུལ་གྱི་སྣང་བ་འབྱུང་༔ ལྷ་མ་ཡིན་དང་༔ མི་དང་དུད་འགྲོ་དང་༔ ཡི་དྭགས་དང་༔ དམྱལ་བ་དང་༔ གང་དུ་སྐྱེ་བ་དེ་ཉིད་

{147}

༄༅༔ ༔ཀྱི་སྣང་བ་ཁྱོད་ལ་འབྱུང་བ་ཡིན་ནོ༔ དེ་ཕྱིར་ན་སྡོན་ཞེས་བྱ་བ་ནི༔ ཞག་ཕྱེད་དང་ཞག་བཞི་ཚུན་ཆད་སྡ་མའི་བག་

ཆགས་སྲིད་པའི་ཤག་ཟུགས་ཡོད་སྙམ་བྱེད༔ འབྱུང་ཞེས་བྱ་བ་ནི༔ དེ་ཕྱིན་ཆད་ཕྱི་མའི་གནས་གང་དུ་སྐྱེ་བའི་སྣང་བ་འབྱུང་བས་

ན་སྔོན་འབྱུང་ཞེས་བྱ་བ་ཡིན་ནོ༔ དེ་ཙ་ན་སྣང་བ་གང་བྱུང་བ་དེའི་རྗེས་སུ་མ་འབྲེང་ཤིག༔ མ་ཆགས་ཤིག༔ མ་ཞེན་ཅིག༔ ཞེན་ཅིང་

ཆགས་ན་ནི༔ ཁྱོང་རིགས་དྲུག་ཏུ་འཁྱམས་ཤིང་སྡུག་བསྔལ་བར་འགྱུར་བས༔ ཁ་སང་ཕན་ཆད་ཆོས་ཉིད་བར་དོ་ཤར་ཡང་

ངོས་མ་ཟིན་པས་འདིར་འཁྱམས་དགོས་བྱུང་བ་ཡིན་ནོ༔ ད་ནི་མ་ཡེངས་པར་ངོ་བོ་སྐྱོང་རྒྱུ་ཡོད་ན་ནི་བླ་མས་ངོ་སྤྲང་པའི་རིག་པ་

{148}

གསལ་སྟོང་རྗེན་ནེ་ཅེ་རེ་བ་དེའི་ཐོག་ཏུ་འཇིན་མེད་བྱར་མེད་ཀློད་ལ་ཞོག་ཅིག༔ མངལ་སྒོ་མི་འགྲིམ་པར་ཐར་བ་ཐོབ་བོ༔ ཁྱོད་རང་ངོ་མ་

ཤེས་ན་ནི་ཡི་དམ་གང་ཡིན་པའམ༔ ཁྱེད་རང་གི་བླ་མ་སྦྱི་བོར་བསྒོམས་ལ་མོས་གུས་དྲག་པོ་དུང་དུང་བ་གྱིས་ཤིག༔ གལ་ཆེའོ༔ མ་ཡེངས་ཤིག༔

ཅེས་བརྗོད་དོ༔ དེ་ལ་ཡང་ངོས་ཟིན་ན་རིགས་དྲུག་ཏུ་མ་འཁྱམས་པར་གྲོལ་ཏེ༔ ཡང་ལས་ངན་གྱི་དབང་གིས་ངོས་ཟིན་པ་དཀའ་བས༔ ཡང་འདི་

སྐད་བརྗོད་དོ༔ ཀྱཻ་རིགས་ཀྱི་བུ༔ ཡང་ཉོན་ཅིག༔ དེ་ཡང་དབང་པོ་ཀུན་ཚང་ཐོགས་མེད་རྒྱུ་ཞེས་བྱ་བ་ཁྱོད་གསོན་པོའི་དུས་སུ་མིག་ལོང་བ་དང་༔

འོན་པ་དང་༔ ཞར་བ་ལ་སོགས་བ་ཡོད་ཀྱང་༔ ད་ལྟ་བར་དོར་མིག་གིས་གཟུགས་མཐོང་ལ༔ རྣ་བས་སྒྲ་ཐོས་པ་ལ་སོགས་པ་དབང་པོ་ལ་

{149}

༄༅༔ ༔སྐྱོན་མེད་པ་གསལ་ཞིང་ཚང་བར་འོང་བས༔ དེའི་ཕྱིར་དབང་པོ་ཀུན་ཚང་ཞེས་གསུངས་པས༔ ཁྱོད་རང་ཤི་ནས་བར་དོར་

འཁྱམས་པའི་རྟགས་ཡིན་པས་ངོས་ཇིན་པར་གྱིས་ཤིག༔ གདམས་ངག་དྲ་ག་པར་གྱིས་ཤིག༔ ཀྱཻ་རིགས་ཀྱི་བུ༔ ཐོགས་མེད་ལྡན་ཞེས་བྱ་

བ་ཁྱོད་ཡིད་ཀྱི་ལུས་ཡིན་ཏེ༔ རིག་པ་རྟེན་དང་བྲལ་བས་གདོས་བཅས་ཀྱི་ལུས་ནི་མེད་པས༔ དེའི་ཕྱིར་རི་རབ་དང་༔ ཁང་ཁྱིམ་དང་༔ ས་རྡོ་དང་

རི་བྲག་ཐམས་ཅད་ལ་ཐོགས་པ་མེད་པར་ཟང་ཐལ་དུ་འགྲོ་ནུས་པ་ཅིག་ད་ལྟ་ཁྱོད་ལ་ཡོད་དོ༔ འོན་ཀྱང་མའི་མངལ་དང་༔ རྡོ་རྗེའི་གདན་མ་

གདོགས་པ༔ རི་རབ་ལ་ཡང་ཕར་ཐལ་ཚུར་ཐལ་དུ་འགྲོ་ནུས་པ་ཅིག་ད་ལྟ་ཁྱོད་ལ་ཡོད་དོ༔ དེ་ཡང་སྲིད་པ་བར་དོར་འཁྱམས་པའི་རྟོགས་

{150}

ཡིན་པས༔ བླ་མའི་གདམས་ངག་དྲག་པར་གྱིས་ཤིག༔ ཇོ་བོ་ཐུགས་རྗེ་ཆེན་པོ་ལ་གསོལ་བ་ཐོབ་ཅིག༔ ཀྱཻ་རིགས་ཀྱི་བུ༔ ལས་ཀྱི་རྫུ་འཕྲུལ་ཤུགས་དང་

ལྡན་ཞེས་བྱ་བ་ནི༔ ཁྱོད་ལ་ད་ལྟ་ཡོན་ཏན་ནམ༔ ཏིང་ངེ་འཛིན་གྱི་རྫུ་འཕྲུལ་གང་ཡང་མ་ཡིན་ལ༔ ལས་ཀྱི་ཤུགས་ལས་འབྱུང་བའི་རྫུ་འཕྲུལ་

ལས་དང་མཐུན་པ༔ སྐད་ཅིག་ལ་གླིང་བཞི་རི་རབ་དང་བཅས་བ་འཁོར་ནས༔ གང་འདོད་པའི་ཡུལ་དེ་དྲན་པ་ཙམ་གྱིས་སྐད་ཅིག་མ་ཉིད་དུ་སླེབ་

ཟིན་པ༔ སྐྱེས་བུ་ལག་པ་བརྐྱང་བསྐུམས་ཙམ་དུ་སླེབ་བའི་ཤུགས་དང་༔ རྫུ་འཕྲུལ་ཡ་མ་བཟུང་རྣམ་པ་སྣ་ཚོགས་མ་དྲན་ན་མ་དྲན༔ དྲན་པ་ཐམས་

ཅད་འདི་དང་འདི་སྟོན་མི་ནུས་བྱ་བ་མེད་དེ༔ ཐོགས་པ་མེད་པར་སྟོན་ནུས་པ་ཅིག་ད་ལྟ་ཁྱོད་ལ་ཡོད་པས༔ ངོ་ཤེས་པར་གྱིས་ལ་བླ་མ་ལ་

{151}

༄༅༔ ༔གསོལ་བ་ཐོབ་ཅིག༔ ཀྱཻ་རིགས་ཀྱི་བུ༔ རིགས་མཐུན་ལྷ་མིག་དག་པས་མཐོང་༔ ཞེས་བྱ་བ་རིགས་མཐུན་ཞེས་

བྱ་བ་ནི༔ བར་དོར་སྐྱེས་བའི་རིགས་མཐུན་བའི་ནང་ཚོན་རྣམས་གཅིག་གི་གཅིག་མཐོང་བ་འོང་ངོ་༔ དེ་ཡང་ལྷར་སྐྱེ་བ་རིགས་མཐུན་པ་ཡིན་

ན་ནི་ལྷ་གཅིག་གིས་ཅིག་མཐོང་༔ དེ་བཞིན་དུ་རིགས་དྲུག་གང་དུ་སྐྱེ་བ་དེའི་རིགས་མཐུན་པ་རྣམས༔ གཅིག་ནས་གཅིག་མཐོང་

ནས་འོང་པས༔ དེ་ལ་མ་ཞེན་པར་ཐུགས་རྗེ་ཆེན་པོ་སྒོམས་ཤིག༔ དེ་ཡང་ལྷ་མིག་དག་པས་མཐོང་ཞེས་བྱ་བ༔ ལྷ་ལ་སོགས་པ་

བསོད་ནམས་ལས་གྲུབ་པ་མ་ཡིན་ཏེ༔ པས་གདན་ཡང་དག་པར་བསྒོམ་པས་ལྷའི་མིག་རྣམ་པར་དག་པས་མཐོང་བ་ཡང་མ་ཡིན་

{152}

ནོ༔ དེ་ཡང་དུས་ཐམས་ཅད་མཐོང་བ་མ་ཡིན་ནོ༔ བལྟ་བའི་མདུན་པ་བཏང་ན་མཐོང་ལ༔ མི་བཏང་ན་མ་མཐང་སྟེ༔ བསམ་གཏན་ཡེངས་

ནས་འགྲོ་བ་ཡང་ཡོད་དོ༔ ཀྱཻ་རིགས་ཀྱི་བུ༔ དེ་འདྲའི་ལུས་ཅན་དེ༔ ཡུལ་དང་ཉེ་དུ་འབྲེལ་བ་རྣམས་དང་༔ རྨི་ལམ་དུ་འཕྲད་པ་ལྟ་བུ་

འབྱུང་སྟེ༔ ཁྱོད་ཀྱི་ཉེ་འབྲེལ་ཚོ་ལ་གཏམ་སྨྲས་ཀྱང་གཏམ་ལན་མི་འོང་བས༔ ཉེ་བ་དང་བཟའ་ཚོས་དུ་བ་མཐོང་ནས་འོང་༔ ད་ང་ཤི་ནས་

འདུག་པས་ཇི་ལྟར་བྱ་བ་སྙམ་སྡུག་བསྔལ་དྲག་པོ་ཉ་བྱེ་ཚོན་ལ་སྦྲེས་པ་ལྟ་བུའི་སྡུག་བསྔལ་ཅིག་ད་ལྟ་ཁྱོད་ལ་ཡོད་པས་ད་ཁྱོད་རང་སྡུག་བསྔལ་

བྱས་ཀྱང་ཕན་པ་མེད་དོ༔ ཁྱོད་རང་བླ་མ་ཡོད་ན་བླ་མ་ལ་གསོལ་བ་ཐོབ་ཅིག༔ ཡི་དམ་ཐུགས་རྗེ་ཆེན་པོ་ལ་གསོལ་བ་ཐོབ་ཅིག༔ ཁྱོད་རང་

{153}

༄༅༔ ༔ཉེ་འབྲེལ་ལ་ཆགས་ཀྱང་ཕན་པ་མེད་པས་མ་ཆགས་ཤིག༔ ཁྱོད་རང་ཐུགས་རྗེ་ཚེན་པོ་ལ་གསོལ་བ་ཐོབ་ཅིག༔

སྡུག་བསྔལ་དང་དངངས་སྐྲག་མི་འོང་ངོ་༔ ཀྱཻ་རིགས་ཀྱི་བུ༔ ཁྱོད་གཡོ་བ་རླུང་གིས་སྡོད་པའི་དབང་མེད་པར་རིག་པ་རྟེན་མེད་པར་བྱ་སྒྲོ་རླུང་

གིས་དེད་པ་ལྟ་བུ་དབུགས་ཀྱི་རྟལ་ཞོན་ནས་ཕྱད་ཕྱོད་ལང་ལིང་འགྲོ་ཞིང་༔ དུ་བ་ཀུན་ལ་ང་འདི་ཡོད་མ་དུ་ཞིག་བྱ་བས༔ དེ་ཁོང་

ཚོས་མ་ཐོས་པས༔ ཡང་ང་ཤེས་བ་ཡིན་པར་འདུག་སྙམ་ནས༔ སྡུག་བསྔལ་ཤིན་ཏུ་ཆེ་བ་ཞིག་ད་ལྟ་ཁྱོད་ལ་ཡོད་དོ༔ ཁྱོད་རང་

དེ་ལྟ་བུའི་སྡུགས་བསྔལ་མ་བྱེད་ཅིག༔ ཉིན་མཚན་མེད་པ་སྟོན་ནམ་གྱི་འོད་ལྟ་བུ་སྐྱ་ཐོམ་མེ་བ་གཅིག་རྒྱུན་དུ་འོང་ངོ་༔ དེ་ལྟ་བུའི་

{154}

བར་དོ་ལ་ཞག་བདུན་ཕྲད་གཅིག་གམ་གཉིས་སམ༔ གསུམའམ༔ བཞི་འམ༔ ལྔ་འམ༔ དྲུག་གམ༔ བདུན་ཕྲག་བདུན་ལ་སོགས་

པ་ཞག་བཞི་བཅུ་ཞེ་དགུ་འོང་བ་ཡང་ཡོད་དོ༔ ཕལ་ཆེ་བ་ནི་སྲིད་པ་བར་དོར་སྡུག་བསྔལ་ཞག་ཉི་ཤུ་རྩ་གཅིག་འོང་བར་གསུངས་ཏེ༔ ལས་ཀྱི་

དབང་གིས་ཅིག་དུ་ནི་མ་ངེས་སོ༔ ཀྱཻ་རིགས་ཀྱི་བུ༔ དུས་དེ་ཙ་ན༔ ལས་ཀྱི་རླུང་དམར་ཆེན་པོ་ཤིན་ཏུ་མི་བཟོད་པ་དྲག་པོ་དེ་འཚུབ་པས༔ རྒྱབ་

ནས་ཕུལ་དུ་འོང་གི༔ དེ་ལ་མ་འཇིགས་ཤིག༔ ཁྱོད་རང་གི་འཁྲུལ་སྣང་ཡིན་ནོ༔ ཤིན་ཏུ་འཇིགས་པའི་མུན་ནག་ཆེན་པོ་རབ་ཏུ་མི་བཟོད་

པས་མདུན་ནས་བསུ་ཞིང་༔ རྒྱོབ་ཅིག༔ སོད་ཅིག་ཅེས་པའི་ཀུ་སྒྲ་ཆེན་པོ་འོང་སྟེ༔ དེ་རྣམས་ལ་ཁྱོད་མ་འཇིགས་ཤིག༔ གཞན་

{155}

༄༅༔ ༔ཡང་སྡིག་པོ་ཆེ་རྣམས་ལ་ནི༔ ལས་ཀྱི་ཤ་ཟ་སྲིན་པོ་མཚོན་ཆ་སྣ་ཚོགས་ཐོགས་པ་མང་པོས༔ རྒྱོ་བ་ཅིག༔ སོད་

ཅིག་ལ་སོགས་པའི་སྒྲ་དེ་རི་ཧབ་ཤ་བྱེད་འོང་ངོ་༔ གཅན་གཟན་པ་འཇིགས་སུ་རུང་བ་སྣ་ཚོགས་པས་དེད་པའི་སྣང་བ་ཡང་

འོང་ངོ་༔ ཁ་ཆར་དང་༔ བུ་ཡུག་དང་༔ མིན་ནག་དང་༔ རླུང་ཆེན་པོ་ལངས་པའི་སྒྲ་དང་༔ དེ་རྣམས་ལ་ཞེད་ནས་གང་བབས་བབས་

སུ་བྲོས་པས༔ མདུན་གཡང་ས་གསུམ་གྱིས་ཆོད་དེ༔ དཀར་པོ་དང་༔ ནག་པོ་དང་ཉམ་ང་བ་གསུམ་ལ་བྲུལ་པ་

{156}

ཁད་ཁད་པ་འབྱུང་ངོ་༔ ཀྱཻ་རིགས་ཀྱི་བུ༔ དེ་ཡང་ཡང་དག་པ་ནས༔ གཡང་སམ་ཡིན་ཏེ༔ ཞེ་སྡང་དང་འདོད་ཆགས་དང་༔ གཏི་

མུག་དང་གསུམ་ཡིན་ནོ༔ དེའི་ཚེ་སྲིད་པ་བར་དོ་ཡིན་པར་ཤེས་པར་གྱིས་ལ༔ ཐུགས་རྗེ་ཆེན་པོས་མཚོན་ནས་བརྫོད་ཅིང་༔ ཇོ་བོ་ཐུགས་

རྗེ་ཆེན་པོ་བླ་མ་དཀོན་མཆོག༔ བདག་མིང་འདི་ཞེས་བྱ་བ་ང་༔ ངན་སོང་དུ་མ་བཏང་ཅིག་གྱིས་ལ་གསོལ་བ་ཅིག༔ མ་བརྗེད་པར་གྱིས་

ཤིག༔ གཞན་ཡང་ཚོགས་བསགས་ཤིང་ཆོས་གཤའ་མར་བྱས་པ་རྣམས་ལ་ནི༔ ལོངས་སྤྱོད་ཕུན་སུམ་ཚོགས་པ་རྣམས་ཀྱིས་མདུན་

ནས་བསུས་ནས༔ བདེ་སྐྱད་ཕུན་སུམ་ཚོགས་པ་རྣམ་པ་སྣ་ཚོགས་ཉམས་སུ་མྱོང་བར་འགྱུར་རོ༔ དེ་ལྟར་གང་བྱུང་ཡང་༔ རིགས་ཀྱི་

{157}

༄༅༔ ༔བུ་ཁྱོད་འདོད་ཡོན་དང་བདེ་སྐྱིད་ཅི་བྱུང་ཡང་དེ་ལ་མ་ཆགས་ཤིག་མ་ཞེན་ཅིག༔ བླ་མ་དཀོན་མཆོག་མཆོད་ཅིག་སྙམ་དུ་

སེམས་ལ་ཆགས་ཞེན་སྤོངས་ཤིག༔ སྐྱིད་སྡུག་གི་སྣང་བ་མེད་པར་བཏང་སྙོམས་ཀྱི་སྣང་བ་ཤར་ནས་བྱུང་ན་ཡང་༔ རིག་པ་སྒོམ་མེད་

ཡེངས་མེད་ཕྱག་རྒྱ་ཆེན་པོའི་ངང་ལ་ཞོག་ཅིག༔ ཤིན་ཏུ་གལ་ཆེའོ༔ ཀྱཻ་རིགས་ཀྱི་བུ༔ དུས་དེ་ཙ་ན༔ ཟམ་རྒྱུད་དམ༔ ཁང་བཟང་དང་༔
ལྷ་ཁང་དང་༔ རྩ་སྤྱིལ་དང་༔ མཆོད་རྟེན་ལ་སོགས་པ་ལ་ཡུད་ཙམ་རེ་བརྟན་དེ༔ ཡང་ཡུན་རིང་པོར་ནི་མི་ཆགས་པར་རིག་པ་ལུས་དང་

བྲལ་བའི་དབང་གི་སྡོད་མི་ཚུགས་པར་བག་བྲང་ཞིང་༔ ཚིག་བ་ཟ༔ སྐྱ་ཟིང་ཟིང་བྱེད༔ ཤེས་པ་བན་བུན༔ ཕྱད་ཕྱོད༔ ཡད་ཡུད་བྱེད་

{158}

དུ་འོང་ངོ་༔ དེའི་དུས་བསམ་བློ་ཅིག་བཏང་བས༔ ཨ་ཁ་ང་ཤི་བ་ཡིན་པར་འདུག་པ༔ ད་ནི་ཙུགས་བྱེད་ན་སྙམ་པའི་ཤེས་པ་སྐྱོ་ཞིང་སྙིང་གྲང་

ལྷང་གིས་འགྲོ༔ སྡུག་བསྔལ་དྲག་པོ་དཔག་ཏུ་མེད་པ་འོང་ངོ་༔ ས་གཅིག་ཏུ་མི་ཆགས་པར་འགྲོ་དགོས་པའི་ཡིད་ཀྱིས་དྲན་པ་སྣ་ཚོགས་པ་

མ་བྱེད་པ༔ རིག་པ་རྣལ་དུ་ཐོབ་ཅིག༔ ཁྱོད་ལ་ཟས་ཀྱང་བསྔོས་པ་མ་གཏོངས་པར་ཟར་མེད་ཅིང་༔ གྲོགས་ལ་ཡང་ངེས་པ་མེད་པའི་དུས་འབྱུང་ངོ་༔ དེ་སྲིད་པ་

བར་དོར་ཡིད་ལུས་འཁྱམས་པའི་རྡགས་ཡིན་ནོ༔ དེ་ཙན་སྐྱིད་ཀྱང་ལས་ཀྱི་རྗེས་སུ་མི་འབྲང་ངོ་༔ རང་གི་ཡུལ་འཁོར་ཉེ་དུ༔ རང་གི་རོ་ལ་སོགས་པ་

ཡང་མཐོང་ནས༔ ད་ནི་ང་ཤི་ནས་འདུག་པས་ཅི་དྲག་ན་སྙམ་སྟེ༔ ཡིད་ལུས་དེ་ལ་ནན་ལྟར་སྐྱོ་བ་ཡང་འབྱུང་སྟེ༔ ངས་ལུས་ཅིག་ཐོབ་ན་ཅི་མ་རུང་

{159}

༄༅༔ ༔སྙམ་ནས༔ ཐམས་ཅད་དུ་ལུས་འཚོལ་དུ་འགྲོ་བའི་སྣང་བ་ཁྱོད་ལ་འོང་ངོ་༔ རང་གི་རོ་ལ་ལན་དགུའི་བར་དུ་འཇུག་པར་བྱེད་

ཀྱང་༔ ཆོས་ཉིད་བར་དོར་ཡུན་རིང་བ༔ རྒྱུན་ནི་འཁྱད་དབྱར་ནི་རུལ༔ དེ་མ་ཡིན་ནའང་༔ ཉེ་དུས་བསྲེགས་སམ་དོང་དུ་སྦས་སམ༔ བྱ་གཅན་

གཟན་ལ་བྱིན་ནས་ཚུར་ལོག་སམ་རྙེད་ནས༔ ཤེན་ཏུ་སྙིང་མ་དགའ་སྟེ༔ བྲག་དང་ས་རྡོ་ཐམས་ཅད་ཀྱི་གསེབ་ཏུ་རྫངས་པའི་སྣང་བ་ཁྱོད་ལ་

འོངས་ངེས་ཏེ༔ དེ་ལྟར་སྡུག་བསྔལ་བར་བྱུང་བ་དེ་སྲིད་པ་བར་དོ་ཡིན་པས༔ ཁྱོད་རང་ལུས་ཚོལ་ཡང་སྡུག་བསྔལ་བ་ལས་མི་འོང་པས༔

ལུས་ཀྱི་ཞེན་པ་ཆོད་ལ་བྱར་མེད་ཀྱི་ངང་ལ་གནས་པར་གྱིས་ཤིག༔ དེ་ལྟར་ངོ་སྤྲད་པས་བར་དོར་གྲོལ་བར་ཐོབ་བོ༔ ཡང་གལ་ཏེ་ལས་ངན་གྱིས་

{160}

དབང་གིས་དེ་ལྟར་སྤྲད་ཀྱང་མི་འཕྲོད་པ་སྲིད་པས༔ ཡང་ཚེ་འདས་ཀྱི་མིང་ནས་བོས་ལ་འདི་སྐད་བརྗོད་དོ༔ ཀྱེ་རིགས་ཀྱི་བུ༔ ཆེ་གེ་མོ་ཁྱོད་ཉོན་ཅིག༔

ཁྱོད་དེ་ལྟར་སྡུག་བསྔལ་བར་འབྱུང་དེ་ཁྱོད་རང་གི་ལས་ཡིན་པས༔ གཞན་སུས་ཀྱང་ལན་པ་མེད་དོ༔ རང་གི་ལས་ཡིན་པས༔ ད་ནི་དཀོན་མཆོག་

གསུམ་ལ་གསོལ་བ་དྲག་ཏུ་ཐོབ་ཅིག༔ དེས་སྐྱོབ་པར་འགྱུར་རོ༔ དེ་ལྟར་གསོལ་བ་ཡང་མ་བཏབ༔ ཕྱག་རྒྱ་ཆེན་པོ་ཡང་སྒོམ་མ་ཤེས༔ ཡི་དམ་ལྷ་

མ་སྒོམ་ན་ནི༔ ད་ནི་ལྷན་ཅིག་སྐྱེས་པའི་ལྷས་དགེབ་བྱས་ཚད་བསགས་ནས༔ རྡའུ་དཀར་པོ་འདྲེན་དུ་འོང་ངོ་༔ ལྷན་ཅིག་སྐྱེས་པའི་འདྲེས༔

སྡིག་པ་བྱས་ཚད་བསགས་ནས་རྡེའུ་ནག་པོ་འདྲེན་དུ་འོང་ངོ་༔ དེའི་དུས་སུ་ཁྱོད་ཤིན་ཏུ་བྲེད་པ་དང་༔ དངངས་པ་དང་༔ སྐྲག་པ་དང་༔ འདར་

{161}

༄༅༔ ༔བར་བྱས་ནས་ངས་སྡིག་པ་མ་བྱས་ཟེར་ནས་རྫུན་སྨྲས་ཀྱང་༔ དེར་གཤིན་རྗེ་ན་རེ༔ ངས་ལས་ཀྱི་མེ་ལོང་ལ་དྲིའོ་ཟེར་

ནས༔ ལས་ཀྱི་མེ་ལོང་ལ་བཀྲག་ལམ་གྱིས་བྱུང་བ་དང་༔ གསལ་ལམ་གྱིས་བྱུང་བས༔ བརྫུན་བྱས་ཀྱང་མ་ཕན་པས༔ གཤིན་རྗེས་རྐེ་ནས་

ཐག་པ་བཏགས་ཏེ་ཁྲིད་ནས༔ སྐེ་བྲེགས་སྙིང་འདོན༔ རྒྱུ་མ་ཕྱུང་༔ ཀླད་པ་ལྡག༔ ཁྲག་འཐུང་༔ ཤ་ཟ༔ རུས་པ་མུར་ཡང་འཆི་མི་བཏུབ་སྟེ༔ ལུས་

དུམ་བུར་གཏུབས་ཀྱང་སོས་ནས་འོང་ངོ་༔ ཡང་ཡང་གཏུབས་པས་སྡུག་བསྔལ་ཆེན་པོ་འོང་བས༔ དུས་དེ་ཙ་ན་རྡའུ་འདྲེན་ནས་འདུག་ཀྱང་

ཁྱོད་རང་མ་ཞེད་ཅིག༔ མ་སྐྲག་ཅིག༔ བརྫུན་མ་ཟེར་བར་གཤིན་རྗེ་ལ་མ་འཇིགས་ཤིག༔ ཁྱོད་ཡིད་ཀྱི་ལུས་ཡིན་པས་བསད་དང་

{162}

བཏུབས་པ་བྱང་ཡང་འཆི་རྒྱུ་མེད་དོ༔ དོན་ལ་ཁྱོད་སྟོང་པའི་རང་གཟུངས་ཡིན་པས་ཞེད་མི་དགོས༔ གཤིན་རྗེ་རྣམས་ཀྱང་རང་སྣང་འཁྲུལ་པ་སྟོང་

པའི་རང་གཟུཌ་ཡིན་ནོ༔ ཁྱོད་རང་བག་ཆཌ་ཡིད་ཀྱིས་ལུས་སྟོང་པ་ཡིན་པས༔ སྟོང་པ་ཉིད་ཀྱི་སྟོང་པ་ཉིད་གླགས་མི་རྙེད་དོ༔ མཚན་མ་མེད་པས་མཚན་མ་

མེད་པ་ལ་གླགས་མི་རྙེད་དོ༔ རང་གི་འཁྲུལ་སྣང་མ་ཡིན་པའི་ལོགས་ནས་ཕྱི་རོལ་དུ་གཞིན་རྗེ་དང་༔ ལྷ་དང་༔ འདྲེ་དང་༔ རང་ཤ་གླང་མགོ་ལ་སོཌ་

པ་དངོས་སུ་གྲུབ་པ་མེད་པས་ངོ་ཤེས་པར་གྱིས་ཤིག༔ དེ་ཙན་བར་དོ་ཡིན་པར་ངོ་ཤེས་པར་གྱིས་ཤིག༔ ཕྱག་རྒྱ་ཆེན་པོའི་ཏིང་ངེ་འཛིན་སྒོམས་ཤིག༔

སྒོམ་མ་ཤེས་ན་ཁྱོད་རང་འཇིགས་སྐྲག་སྐྱེ་མཁན་གྱི་ངོ་བོ་དེ་ལ་གཅེར་གྱིས་ལྟོས་དང་༔ ངོ་བོ་ཅིར་ཡང་མ་གྲུབ་པའི་སྟོང་སང་ངེ་བ་ཅིག་ཡོད་

{163}

༄༅༔ ༔དོ༔ དེ་ནི་ཆོས་ཀྱི་སྐུ་ཡིན་ནོ༔ སྟོང་པ་དེ་ཡང་སྟོང་པ་ཕྱལ་ཆད་དུ་མ་སོང་སྟེ༔ སྟོང་པའི་ངོ་བོ་འཇིགས་སུ་སྙམ་

པའི་རིག་པ་ཧྲིག་གེ༔ གསལ་ལེ་བ་ཅིག་ཡོད་ཀྱི༔ དེ་ནི་ལོངས་སྤྱོད་རྫོགས་པའི་དགོངས་པ་ཡིན་ནོ༔ སྟོང་པ་དང་གསལ་བ་གཉིས་ཡ་མ་

བྲལ་བ་སྟོང་པའི་ངོ་བོ་གསལ་བ༔ གསལ་བའི་ངོ་བོ་སྟོང་པ་དབྱེར་མི་ཕྱད་པའི་རིག་པ་བརྗེན་པ་ཐེར་ལ་བུད་པ་ཅིག་ད་ལྟ་རང་གཟོ་མེད་ཀྱི་ངང་

ལ་གནས་ནས་ཡོད་དོ༔ དེ་ཡང་ངོ་བོ་ཉིད་ཀྱི་སྐུ་ཡིན་ནོ༔ དེ་ཡང་དེ་ཉིད་ཀྱི་རང་རྩལ་མ་འགགས་པར་ཅིར་ཡང་འཆར་བ་ཅིག་ཡོད་ཀྱི༔ དེ་ནི་

ཐུགས་རྗེ་སྤྲུལ་པའི་སྐུ་ཡིན་ནོ༔ ཀྱེ་རིགས་ཀྱི་བུ༔ དེ་ལྟར་མ་ཡེངས་པར་ཉོན་ཅིག༔ ངོ་ཤེས་པར་ཙམ་གྱི་སྐུ་བཞི་ཡོངས་རྫོགས་སུ་སངས་

{164}

རྒྱ་བར་འགྱུར་རོ༔ མ་ཡེངས་ཅིག༔ སངས་རྒྱས་དང་སེམས་ཅན་གྱིས་མཚོམས་འདི་ནས་ཕྱེད་པ་ཡིན་ནོ༔ དུས་ད་ལྟ་གལ་ཆེན་པོ་འདིའི་

དུས་སུ་ཡེང་ན་ནི༔ དུས་རྟག་ཏུ་སྡུག་བསྔལ་གྱི་འདམ་ནས་ཐོན་པའི་དུས་མི་ཡོང་ངོ་༔ སྐད་ཅིག་གཅིག་གི་བྱེད་བྲག་ཕྱེད༔ སྐད་ཅིག་གཅིག་

གིས་རྫོགས་སངས་རྒྱས༔ ཞེས་པ་དེ་ད་རེས་ཡོད་པ་ཡིན་ནོ༔ ད་ནི་ཡེངས་ཤོར་ན་ཐུགས་རྗེའི་དཔྱང་ངར་ཐག་ཆད་ནས༔ ཐར་མེད་ཀྱི་གནས་

མ་འཕྲོད་པས་འཇིགས་སྐྲག་དེ་ཙམ་ཅིག་བྱུང་བ་ཡིན་ནོ༔ ད་ནི་ཡེངས་ཤོར་ན་ཐུགས་རྗེའི་དཔྱུང་ངར་ཐག་ཆད་ནས༔ ཐར་མེད་ཀྱི་གནས་

སུ་འགྲོ་བས་གཟོབས་ཤིག༔ ཅེས་ངོ་སྤྲད་པས་གོང་དུ་ངོ་མ་འཕྲོད་ཀྱང་འདིར་ངོ་འཕྲོད་ནས་གྲོལ་བ་ཐོབ་བོ༔ དེ་ལྟར་སྒོམ་མི་ཤེས་པའི་མི་ནག་པ་

{165}

༄༅༔ ༔ཡིན་ན༔ འདི་སྐད་བརྗོད་དོ༔ ཀྱཻ་རིགས་ཀྱི་བུ༔ དེ་ལྟར་སྒོམ་མ་ཤེས་ན༔ སངས་རྒྱས་དང་༔ ཆོས་དང་༔ དགེ་འདུན་

དང་༔ ཐུགས་རྗེ་ཆེན་པོ་རྣམས་དྲན་པར་གྱིས་ལ་གསོལ་བ་ཐོབ་ཅིག༔ འཇིགས་སྐྲག་གི་སྣང་བ་ཐམས་ཅད་ཐུགས་རྗེ་ཆེན་པོ་འམ༔ ཁྱོད་རང་

གི་ཡི་དམ་དུ་སྒོམས་ཤིག༔ མི་ཡུལ་དུ་དབང་གང་ཞུས་པའི་མཚན་དང་༔ བླ་མ་དྲན་པར་གྱིས་ལ་གཤིན་རྗེ་ཆོས་ཀྱི་རྒྱལ་པོ་ལ་མ་ཞེད་

ཅིག༔ གཡངས་བྲུལ་ཡང་མི་གནོད་པས་འཇིགས་སྐྲག་སྤོངས་ཤིག༔ ཅེས་བརྗོད་ལ་ངོ་སྤྲད་པས༔ ཡང་གོང་དུ་མ་གྲོལ་ཡང་འདིར་

གྲོལ་བར་འགྱུར་རོ༔ ཡང་ངོ་སྤྲད་ཀྱང་མ་འཕྲོད་པ་སྲིད་པས་ནན་ཆགས་གལ་ཆེ་བའི་ཕྱི་རོ༔ ཡང་ཚེ་འདས་ཀྱི་མིང་ནས་བོས་ལ་འདི་སྐད་

{166}

བརྗོད་དོ༔ ཀྱཻ་རིགས་ཀྱི་བུ༔ ད་ལྟ་སྣང་བ་ཡུང་ཙམ་རེས་བདེ་སྡུག་གིས་གནས་རྔམས་པོ་ཆེར་འཕངས་ནས་འོང་བས༔ དཔེར་ན༔ སྒྱོགས་ཀྱི་འཁྲུལ་

འཁོར་དང་འདྲ་བས༔ ད་ལྟ་ཆགས་སྡང་གིས་སྣང་བ་ཡེ་ནས་མ་བྱེད་ཅིག༔ མཐོ་རིས་ཀྱི་སྣང་བར་ཤར་བའི་ཚེ༔ ཤུལ་དུ་ཉེ་བ་གསོན་པོ་རྣམས་ཀྱིས་

གཤིན་པོའི་དོན་དུ་བསྔོས་ནས༔ སེམས་ཅན་མང་པོས་སྲོག་བཅད་དེ་མཆོད་སྦྱིན་བྱས་པས༔ ཁྱོད་མ་དག་པའི་སྣང་བ་ཤར་ཏེ༔ ཞེ་སྡང་དྲག་པོ་སྐྱེས་

ནས༔ དེས་མཚམས་སྦྱོར་བྱས་ནས་དམྱལ་བར་སྐྱེ་བར་འགྱུར་བས༔ ཤུལ་དུ་ལས་ཅི་བྱས་ནས་འདུག་ཀྱང་ཁྱོད་རང་ཞེ་སྡང་མ་སྐྱེ་བར་བྱམས་པ་སྒོམ་ཤིག༔

ཡང་ཁྱོད་ཀྱིས་ཁྱོད་རང་གི་ཤུལ་གྱི་ནོར་རྫས་ལ་ཆགས་སེམས་སྐྱེས་པའམ༔ ཁྱོད་ཀྱི་ནོར་རྫས་གཞན་གྱི་དབང་བྱས་ནས་སྤྱོད་ཅིང་འདུག་པ་ཤེས་ནས༔

{167}

༄༅༔ ༔ཁྱོད་ནོར་དེ་རྣམས་ལ་ཆགས་ཤིང་ཤུ་ལ་གྱི་མི་ཚོལ་སྡང་བ་སྐྱེས་པས༔ དེའི་མཚམས་བྱས་ནས་མཐོ་རིས་ཐོབ་རྒྱུ་ཡང་དམྱལ་

བའམ༔ ཡི་དྭགས་སུ་ངེས་པར་སྐྱེ་བར་འགྱུར་བས༔ དེ་བས་ཁྱོད་རང་ཤུལ་གྱི་ནོར་ལ་ཆགས་ཀྱང་བཟའ་དབང་ནི་མེད༔ ཁྱོད་རང་ལ་ཕན་ནི་

མི་ཐོགས་པས༔ ཤུལ་གྱི་ནོར་ལ་ཆགས་པ་དང་༔ ཞེན་པ་སྤོངས༔ ལིངས་ཀྱིས་བསྐྱུར༔ ཁོ་ཐག་ཆོད༔ ཁྱོད་རང་གི་ནོར་ལ་སུས་སྤྱོད་

ནས་འདུག་ཀྱང་༔ སེར་སྣ་མ་བྱེད་པར་བློས་ཐོངས་པར་གྱིས་ཤིག༔ བླ་མ་དཀོན་མཆོག་ལ་འབུལ་ལོ༔ སྙམ་པའི་མདུན་པ་གྱིས་ལ༔ ཆགས་

མེད་ཞེན་མེད་ཀྱི་ངང་ལ་གནས་པར་གྱིས་ཤིག༔ ཡང་ཁྱོད་ཀྱི་དོན་དུ་གཤིན་པོའི་ཆོ་ག་ཀང་ཀ་ནི་འདོན་པ་དང་༔ ངན་སོང་སྦྱོང་བ་ལ་སོགས་པ་

{168}

ཁྱོད་ཀྱི་དོན་དུ་བྱས་ཀྱང་༔ དེ་མ་དག་པ་དང་༔ གཡེང་བ་ལ་སོགས་པ་བྱས་པ་དང་༔ དམ་ཚིག་དང་སྡོམ་པ་མི་གཙང་བ་དང་༔ བག་མེད་པའི་སྤྱོད་པ་དེ་

ཁྱོད་ཀྱི་མངོན་ཤེས་ཕྲ་མོས་མཐོང་ནས་འོང་གི༔ དེ་ལ་ཁྱོད་མ་དད་པ་དང་༔ འོང་ལྟ་སྐྱེས་པ་དང་༔ འཇིགས་ཤིང་སྐྲག་ནས་ལས་ནག་པོ་ལ་སོགས་

པ་དང་༔ ཆོས་སྤྱོད་དང་ཆོ་ག་མ་དག་པ་རྣམས་ཀྱང་ཤེས་ནས་འོང་གི༔ དེར་ཁྱོད་ཀྱི་བསམ་པ༔ ཀྱེ་མ་འདི་རྣམས་ཀྱིས་བདག་བསླུས་སོ༔ ངེས་པར་བསླུས་

སོ་སྙམ་ནས་ཤིན་ཏུ་ཡི་མུག་སྟེ༔ མི་དགའ་བ་ཆེན་པོ་དང་བཅས་ཏེ༔ དག་སྣང་མོས་གུས་མ་སྐྱེས་ཀྱི་སྟེང་དུ༔ ལོག་ལྟ་དང་མ་དད་པ་སྐྱེས་ནས་འོང་

བས༔ དེས་མཚམས་སྦྱོར་བྱས་ནས་ངེས་པར་ནག་སོང་དུ་འགྲོ་བས༔ དེ་ལ་ཕན་པ་ལས་གནོད་པ་ཆེ་བ་ཡིན་གྱི༔ ཁྱོད་རང་ཤུལ་གྱི་བཤེས་གཉེན་པ་

{169}

༄༅༔ ༔རྣམས་ཀྱི་ཆོས་སྤྱོད་མ་དག་པ་ཇི་ལྟར་བྱེད་ནས་འདུག་ཀྱང་༔ ག་རེ་ང་རང་སྣང་བ་མ་དག་པ་ཡིན༔ རྒྱལ་བའི་གསུང་ལ་མ་

དག་པ་ག་ལ་སྲིད༔ རང་གི་བྱད་ཀྱི་དྲི་མ་མེ་ལོང་ཁ་ནང་དུ་མཐོང་བ་དང་༔ བདག་རང་སྣང་མ་དག་པ་ཡིན༔ འདི་རྣམས་ནི་སྐུ་དགེ་འདུན༔

གསུང་དམ་ཆོས༔ ཐུགས་སངས་རྒྱས་ཀྱི་ངོ་བོ་ཡིན་པས༔ སྐྱབས་སུ་མཆིའོ་སྙམ་པའི་མོས་པ་དང་༔ དག་སྣང་ཞེ་ཐག་པ་ནས་གྱིས་ཤིག༔ དེས་ནི་

ཁྱོད་རང་གི་ཤུལ་དུ་ཅི་བྱས་པ་རྣམས་ཁྱོད་ལ་ཕན་པར་ངེས་པས༔ དེ་ལྟར་དག་སྣང་བྱེད་པ་གལ་ཆེ་བས་མ་བརྗེད་པར་གྱིས་ཤིག༔ དེ་ཡང་ཁྱོད་

ངན་སོང་དུ་སྐྱེ་རྒྱུ་ཡིན་ན༔ ངན་སོང་སྣང་བ་འཆར་བའི་ཚེ༔ ཤུལ་དུ་ཉེ་འབྲེལ་རྣམས་ཀྱི་སྡིག་པ་དང་མ་འདྲེས་པའི་དཀར་པོའི་ཆོས་སྤྱོད་དང་༔

{170}

བླ་མ་སློབ་དཔོན་རྣམས་ཀྱིས་རྣམས་ཀྱིས་ཀྱང་ལུས་ངག་ཡིད་གསུམ་དགེ་བས་ཆོ་ག་རྣམས་དག་པར་བྱས་པ་དེ་མཐོང་ནས༔ ཁྱོད་དེ་ལ་སྤྲོ་དགའ་ཆེན་པོ་སྐྱེས་པ་ཙམ་

གྱིས༔ དེས་མཚམས་སྦྱོར་བྱས་ནས་ནང་སོང་དུ་ལྷུང་རྒྱུ་ཡང་མཐོ་རིས་ངེས་པར་ལྡོག་པས་ཕན་ཡོན་ཡོད་པས༔ ཁྱོད་རང་མ་དག་བའི་སྣང་བ་མ་སྐྱེ་ཅིག༔

དག་སྣང་མོས་གུས་ཕྱོགས་མེད་བྱེད་པ་གལ་ཆེ་བས་གཟོབས་ཤིག༔ ཀྱེ་རིགས་ཀྱི་བུ༔ མདོར་ན་ཁྱོད་བར་དོའི་རིག་པ་ལ་བརྟེན་མེད་པས་ཡང་ཤིང་གཡོ་

བ་དེ་ལ་དགེ་མི་དགེའི་སྣང་བ་གང་ཤར་བ་དེ་སྟོབས་ཆེ་བ་ཡིན་པས༔ མི་དགེ་བ་ཡིད་ལ་མ་བྱེད་པར༔ ཁྱོད་རང་གི་དགེ་སྦྱོར་ཡོད་ན་དྲན་པར་གྱིས་

ལ༔ དགེ་སྦྱོར་མེད་ནའང་དག་སྣང་མོས་གུས་ཀྱིས་ཡི་དམ་གྱི་ལྷ་དང་༔ ཐུགས་རྗེ་ཆེན་པོ་ལ་གསོལ་བ་ཐོབ་ཅིག༔ མདུན་པ་དྲག་པོས་སྨོན་

{171}

༄༅༔ ༔ལམ་འདི་ཡང་ཐོབ་ཅིག༔ ཀྱེ་མ་དགའ་བའི་གྲོཌ་དང་བྲལ་ནས་ཅིག་པོར་འཁྱམས༔ རང་སྣང་སྟོང་པའི་གཟུགས་

བརྙན་ཤར་དུས་འདིར༔ སངས་རྒྱས་རྣམས་ཀྱིས་ཐུགས་རྗེའི་ཤུགས་ཕྱུང་ནས༔ དངངས་སྐྲག་བར་དོའི་འཇིགས་པ་མི་འབྱུང་ཤོག༔

ལས་ངན་དབང་གིས་སྡུག་བསྔལ་མྱོང་ཙ་ན༔ ཡི་དམ་ལྷ་ཡི་སྡུག་བསྔལ་སེལ་བར་ཤོག༔ ཆོས་ཉིད་རང་སྒྲ་འབྲུག་སྟོང་ལྡིར་ཙ་ན༔

ཐམས་ཅད་ཡིག་དྲུག་སྒྲ་རུ་འབྱུར་བར་ཤོག༔ སྐྱབས་མེད་ལས་ཀྱི་རྗེས་སུ་འབྲེང་དུས་འདིར༔ ཐུགས་རྗེ་ཆེན་པོས་བདག་ལ་སྐྱབ་ཏུ་

གསོལ༔ བག་ཆགས་ལས་ཀྱི་སྡུག་བསྔལ་མྱོང་དུས་འདིར༔ འོད་གསལ་བདེ་བའི་ཏིང་འཛིན་འཆར་བར་ཤོག༔ དེ་སྐད་དུ་སྨོན་ལམ་

{172}

དྲག་པོ་ཐོབ་ཅིག༔ ལམ་སྣ་འདྲེན་ངེས༔ མི་སླུ་ངེས་པར་ཐག་ཆོད་ཀྱིས༔ ཤིན་ཏུ་གལ་ཆེའོ༔ ཞེས་བརྗོད་པས༔ ཡང་དྲན་པ་རྙེད་ནས་

ངོས་ཟིན་ནས་གྲོལ་བར་ཐོབ་པར་འགྱུར་རོ༔ ཡང་དེ་ལྟར་ལན་མང་དུ་བྱས་ཀྱང་༔ ལས་ངན་པ་ཤས་ཆེ་བའི་སྟོབས་ཀྱིས་ངོ་འཕྲོད་པ་

དཀའ་བས༔ ད་རུང་ལན་མང་དུ་སྐྱོར་ན་ཕན་ཆེ་བས༔ ཡང་ཚེ་འདས་ཀྱི་མིང་ནས་ལན་གསུམ་བོས་ལ་འདི་སྐད་བརྗོད་དོ༔ ཀྱཻ་རིགས་

ཀྱི་བུ༔ གོང་གི་དེ་རྣམས་ལ་དྲན་པ་མ་ཟིན་ན༔ དུས་འདི་ནས་ཚོ་སྔ་མའི་ལུས་དེ་མི་གསལ་དུ་འགྲོ་ཞིང་༔ ཕྱི་མའི་ལུས་དེ་གསལ་དུ་སོང་

ནས༔ དེ་ལ་སྐྱོ་ནས༔ ང་འདི་ལྟ་བུའི་སྡུག་བསྔལ་བ༔ དུ་ལུས་ཅི་འདྲ་ཅིག་བྱུང་ཡང་འཚོལ་བསམ་ནས༔ གར་བྱུང་བྱུང་དུ་ཕྱད་ཕྱོད་

{173}

༄༅༔ ༔ལང་ལིང་ལ་ཕྱིན་པས༔ འགྲོ་བ་རིག་དྲུག་གི་འོད་དྲུག་འཆར་ཏེ༔ ལས་ཀྱི་གང་དུ་སྐྱེ་བ་དེ་གཙོ་ཆེར་འཆར་དུ་འོང་ངོ་༔

ཀྱཻ་རིགས་ཀྱི་བུ༔ ཉོན་ཅིག༔ འོད་དྲུག་པོ་དེ་གང་ཞེ་ན༔ ལྷའི་འོད་དཀར་པོ་བཀྲག་མེད་ཅིག་འཆར་དུ་འོང་ངོ་༔ ལྷ་མ་ཡིན་གྱི་འོད་དམར་པོ་

བཀྲག་མེད་ཅིག་འཆར་དུ་འོང་ངོ་༔ མིའི་འོད་སྔོན་པོ་བཀྲག་མེད་ཅིག་འཆར་དུ་འོང་ངོ་༔ དུད་འགྲོའི་འོད་ལྗང་ཁུ་བཀྲག་མེད་ཅིག་འཆར་དུ་འོང་ངོ་༔

ཡི་དྭགས་འོད་སེར་པོ་བཀྲག་མེད་ཅིག་འཆར་དུ་འོང་༔ དམྱལ་བའི་འོད་དུ་ཁ་སྟེ་འོད་དྲུག་པོ་དེ་དག་འབྱུང་ངོ་༔ དེ་ཙ་ན་ལས་ཀྱི་མདོག་

ཀྱང་གང་དུ་སྐྱེ་བའི་འོད་མདོག་དུ་འོང་ངོ་༔ ཀྱཻ་རིགས་ཀྱི་བུ༔ འདིའི་དུས་སུ་གདམས་ངག་གི་གནད་ཤིན་ཏུ་གལ་ཆེ་སྟེ༔ དེའི་དུས་སུ་འོད་དེ་

{174}

ཐུགས་རྗེ་ཆེན་པོར་སྒོམས་ཤིག༔ འོད་ནམ་བྱུང་བྱུང་དུ་ཐུགས་རྗེ་ཆེན་པོ་ཡིན་ནོ་སྙམ་དུ་སྒོམས་ཤིག༔ འདི་ཤིན་ཏུ་གནད་ཟབ་པ་ཡིན་ཏེ༔ འདི་

གལ་ཆེ་སྟེ་སྐྱེ་བ་ཁེགས་པར་འགྱུར་རོ༔ ཡང་ན་ཁྱོད་རང་གི་ཡི་དམ་གྱི་ལྷ་གང་ཡིན་པ་དེ་སྒྱུ་མ་ལྟ་བུ་སྣང་ལ་རང་བཞིན་མེད་པར་ཡུན་རིང་དུ་སྒོམས་ཤིག༔

དེ་ནི་སྒྱུ་མ་ལྟ་བུ་ཞེས་བྱའོ༔ དེ་ནས་ཡི་དམ་མཐའ་ནས་ཡལ་ཏེ༔ ཅིར་ཡང་མ་གྲུབ་པའི་སྟོང་གསལ་འཛིན་པ་མེད་པའི་ངང་ལ་ཞོག་ཅིག༔ ཡང་

ཡི་དམ་སྒོམས༔ ཡང་འོད་གསལ་སྒོམས༔ དེ་ལྟར་རེ་མོས་སུ་སྒོམ་ལ༔ དེ་རྗེས་རིག་པ་ཡང་མཐའ་ནས་ཡལ་ཏེ༔ ནམ་མཁས་གར་

ཁྱབ་དུ་རིག་པས་ཁྱབ༔ རིག་པས་གར་ཁྱབ་དུ་ཆོས་སྐུས༔ ཆོས་སྐུ་འགགས་མེད་སྤྲོས་བྲལ་གྱི་ངང་ལ་ཆམ་མེར་བཞག་གོ༔ དེའི་ངང་ལ་སྐྱེ་བ་

{175}

༄༅༔ ༔ཁེགས་ནས་སངས་རྒྱས་པར་འགྱུར་རོ༔ དེ་ཡང་སྤྱུངས་པ་ཤིན་ཏུ་ཞན་པའི་གོམས་འདྲིས་མེད་པ་རྣམས་ཀྱིས་མི་ཟིན་པས༔

ཡང་འཁྲུལ་སྟེ༔ མངལ་སྒོ་འགྲིམ་པར་འགྱུར་བས༔ མངལ་སྒོ་བཀག་པའི་གདམས་པ་གལ་ཆེ་བས༔ ཡང་ཚེ་འདས་ཀྱི་མིང་ནས་བོས་ལ་

འདི་སྐད་བ་རྗོད་དོ༔ ཀྱེ་རིགས་ཀྱི་བུ༔ གོང་ལྟར་ངོས་མ་ཇིན་ན༔ འདིའི་དུས་སུ་ལས་ཀྱི་དབང་གིས༔ གྱེན་ལ་འགྲོ་བ་དང་༔ འཕྱེད་ལ་འགྲོ་

བ་དང་༔ མགོ་མཐུར་ལ་རྟེན་ནས་འགྲོ་བའི་སྣང་བ་འཆར་སྟེ༔ དེ་ཙ་ན་ཁྱོད་རང་ཐུགས་རྗེ་ཆེན་པོ་སྒོམས་ཤིག༔ དྲན་པར་གྱིས་ཤིག༔ དེ་

ནས་གོང་དུ་བཤང་པ་ལྟར༔ རླུང་ཚུབ་དང་༔ བུ་ཡུག་དང་༔ སེར་བ་དང་༔ གནམ་རྨུགས་པ་དང་༔ མི་མང་པོས་དེད་པའི་སྣང་བ་ཤར་ནས༔

{176}

དེ་ལ་བྲོས་པས༔ བསོད་ནམས་མི་ལྡན་པ་རྣམས་ལ་ནི༔ སྡུག་བསྔལ་གྱི་གནས་སུ་བྲོས་པའི་སྣང་བ་འབྱུང་༔ བསོད་ནམས་ཅན་ལ་ནི་བདེ་བ་

དང་ལྡན་པའི་གནས་སུ་སླེབ་པའི་སྣང་བ་འབྱུང་བས༔ དུས་དེ་ཙན༔ རིགས་ཀྱི་བུ༔ གླིང་བཞི་གང་དུ་སྐྱེ་བའི་རྟགས་རྣམས་དུས་འདིར་འཆར་

དུ་འོང་བས༔ འདིའི་དུས་སུ་གདམས་ངག་གི་གནད་ཤིན་ཏུ་ཟབ་པ་མང་པོ་ཡོད་པས་མ་ཡེངས་པར་ཉོན་ཅིག༔ གོང་གི་ངོ་སྤྲོད་གནད་དེ་རྣམས་

མ་ཟིན་ནའང་༔ འདིར་སྦྱངས་པ་ཤིན་ཏུ་ཞན་པར་གྱུར་པས་ཀྱང་གནད་ངོས་ཟིན་འོང་བས་ཉོན་ཅིག༔ ད་ནི་འདིའི་དུས་སུ་མངལ་སྒོ་འགག་པའི་

ཐབས་ལ་གཟབ་པ་གལ་ཆེ༔ དེ་ལ་འགག་ཐབས་གཉིས་ཡོད་དོ༔ འཇུག་བྱེད་ཀྱི་གང་ཟག་འགག་པ་དང་༔ འཇུག་བྱའི་མངལ་སྒོ་འགག་པ་

{177}

༄༅༔ ༔གཉིས་ཡོད་དོ༔ དེ་ལ་འཇུག་བྱེད་ཀྱི་གང་ཟག་འགག་པའི་གདམས་ང་ནི༔ ཀྱི་རིགས་ཀྱི་བུ༔ ཆེ་གེ་མོ་ཁྱོད་རང་གི་ཡི་དམ་

གང་ཡིན་པོ་དེ་སྣང་ལ་རང་བཞིན་མེད་པར་ཆུ་ནང་གི་ཟླ་བ་ལྟ་བུ་ཝལ་གྱིས་སྒོམས་ཤིག༔ དེ་ནས་ཡི་དམ་མཐའ་ནས་ཡལ་སྟེ༔ ཅི་ལ་ཡང་

མི་དམིགས་པའི་འོད་གསལ་སྟོང་པར་སྒོམས་ཤིག༔ དེ་ནི་གནད་ཟབ་མོ་ཡིན་ཏེ༔ དེས་མངལ་དུ་མི་འཇུག་གསུངས་པས་དེ་ལྟར་སྒོམས་

ཤིག༔ གལ་ཏེ་དེས་ཀྱང་མཁེགས་པས་མངལ་དུ་འཇུག་པའི་གྲབས་བྱུང་ན༔ ཡང་འཇུག་བྱའི་མངལ་སྒོ་འགག་བའི་གདམས་ང་ཟབ་

མོ་ཡོད་པས༔ ཁོད་རང་ཉོན་ཅིག༔ བར་དོའི་རྩ་ཚིག་གི་ནང་ནས་འདི་སྐད་གསུངས་ཏེ༔ ཁྱོད་རང་ངའི་རྗེས་བཟློས་གྱིས་ཤིག༔ ཀྱེ་མ་

{178}

བདག་ལ་སྲིད་པ་བར་དོ་ཤར་དུས་འདིར༔ མདུན་པ་རྩེ་གཅིག་སེམས་ལ་བཟུང་བྱས་ནས༔ བཟང་པོ་ལས་ཀྱི་འཕྲོ་ལ་ནན་གྱིས་མཐུད༔

མངལ་སྒོ་བཀག་ནས་རུ་ལོག་དྲན་པར་བྱ༔ སྙིང་རུས་དག་སྣང་དགོས་པའི་དུས་ཅིག་ཡིན༔ མིག་སེར་སྤངས་ནས་བླ་མ་ཡབ་ཡུམ་

སྒོམས༔ ཞེས་ཁ་ནས་དེ་སྐད་ལྷང་ལྷང་བརྗོད་ལ་དྲན་བསྐུལ་གྱིས་ལ་དེའི་དོན་སྒོམས་ཉམས་སུ་ལེན་ལག་ལ་ཆེའོ༔ དེའི་དོན་ནི་

བདག་སྲིད་པ་བར་དོ་འཆར་དུས་འདིར༔ ཞེས་པ་ནི་ཁྱོད་རང་ད་ལྟ་སྲིད་པ་བར་དོར་འཁྱམས་ནས་ཡོད་པ་ཡིན་བས༔ དེའི་རྟགས་སུ་ཁྱོད་རང་ཆུ་ནང་དུ་ལྟུས་

དང་༔ ཁྱོད་རང་གི་བྱད་མི་མཐོང་ངོ་༔ ལུས་ལ་གྲིབ་མ་ཡང་མེད་དོ༔ དེ་ནི་གདོས་བཅས་ཤ་ཁྲག་གི་ལུས་མེད་པར༔ སྲིད་པ་བར་དོར་ཡིད་ལུས་

{179}

༄༅༔ ༔འཁྱམས་པའི་རྟགས་ཡིན་པས༔ ད་ནི་མདུན་པ་རྩེ་གཅིག་དུ་མ་ཡེངས་པར་སེམས་ལ་བཟུང་དགོས་ཏེ༔ ད་ལྟནི་

མདུན་པ་ཁོ་ན་གཙོ་ཆེ་བ་ཡིན་ནོ༔ རྟ་ཁ་སྲབ་ཀྱིས་བསྒྱུར་བ་དང་འདྲའོ་༔ མདུན་པ་གང་གཏད་བ་དེ་འགྲུབ་ནས་འོང་ངོ་༔ ངན་པའི་ལས་རྣམས་

ཡིད་ལ་མ་འགྱུར་བ༔ མི་ཡུལ་དུ་ཆོས་དང་གདམས་ངག༔ དབང་དང་བཀའ་ལུང་༔ བར་དོ་ཐོས་གྲོལ་ལ་སོགས་པ་གང་ལ་འབྲེལ་བ་ཡོད་

པ་དེ་རྣམས་ད་ལྟ་དྲན་པར་གྱིས་ལ༔ བཟང་པོ་ལས་ཀྱི་འཕྲོ་ལ་ནན་ཏན་གྱིས་ལ་མཐུད་ཅིག་ཤིན་ཏུ་གལ་ཆེའོ༔ མ་བརྗེད་ཅིག༔ མ་ཡེངས་

ཤིག༔ ཡར་འགྲོ་མར་འགྲོའི་ས་མཚམས་དུས་ད་རེས་ཡིན་ནོ༔ ལེ་ལོ་དར་ཅིག་ཤོར་བས་དུས་གཏན་དུ་སྡུག་བསྔལ་མྱོང་བའི་དུས་

{180}

ད་རེས་ཡིན་ནོ༔ མདུན་པ་སྐད་ཅིག་བཟུང་བས་བདེ་བ་གཏན་དུ་འོང་པའི་དུས་ད་རེས་ཡིན་ནོ༔ མདུན་བརྩེ་གཅིག་སེམས་ལ་ཟུངས་ཤིག༔

བཟང་པོ་ལས་ཀྱི་འཕྲོ་ལ་ནན་གྱིས་མཐུད་ཅིག༔ ད་ནི་མངལ་སྒོ་བཀག་པའི་དུས་ལ་བབ་པོ༔ མངལ་སྒོ་བཀག་ནས་རུ་ལོག་དྲན་པར་བྱ༔

སྙིང་རུས་དག་སྣང་དགོས་བའི་དུས་གཅིག་ཡིན༔ ཅེས་གསུངས་པ་དེ་དུས་ད་ལྟ་དུས་ལ་བབ་པས༔ དང་པོ་མངལ་སྒོ་བཀག་བར་བྱ་སྟེ༔ དེ་

ཡང་འགག་ཐབས་རྣམ་པ་ལྔ་ཡོད་པས༔ སེམས་ལ་ལེ་གས་པར་ཟུངས་ཤིག༔ ཀྱཻ་རིགས་ཀྱི་བུ༔ འདིའི་དུས་སུ་ཕོ་མོ་ཆགས་པ་སྤྱོད་པར་

མཐོང་བའི་སྣང་བ་ཁྱོད་ལ་འོང་ངོ་༔ དེ་མཐོང་བའི་དུས་སུ་དེའི་བར་ལ་མ་འཇུག་པར་དྲན་པས་བཟུང་ལ༔ ཕ་མ་གཉིས་པོ་བླ་མ་ཡབ་ཡུམ་

{181}

༄༅༔ ༔གཉིས་སུ་སྒོམས་ལ་ཕྱག་འཚལ༔ ཡིད་ཀྱིས་མཆོད་པ་སྦྲུལ་ལ་འབུལ༔ མོས་གུས་དྲག་པོ་གྱིས་ལ༔ ཆོས་ཞུ་

སྙམ་པའི་མདུན་པ་བཏང་བ་ཙམ་གྱིས་མངལ་སྒོ་ངེས་བར་ཁེགས་པར་འགྱུར་རོ༔ གལ་ཏེ་དེས་ཀྱང་མ་ཁེགས་པར་མངལ་དུ་འཇུག་

པའི་གྲབས་བྱུང་ན༔ བླ་མ་ཡབ་ཡུམ་གཉིས་པོ་དེ་ཡི་དམ་གང་ཡང་རུངས་བའམ༔ ཡི་དམ་ཐུགས་རྗེ་ཆེན་པོ་ཡབ་ཡུམ་སྒོམས་ལ༔ དེ་ལ་

མཆོད་པ་ཡིད་ཀྱི་སྤྲུལ་ནསའབུལ་ལོ༔ བདག་ལ་དངོས་གྲུབ་ཞུ་སྙམ་བའི་མདུན་པ་དྲག་པོ་གྱིས་ཤིག༔ དེས་ནི་མངལ་སྒོ་ཁེགས་

པར་འགྱུར་རོ༔ ཡང་དེས་ཀྱང་མཁེགས་པར་མངལ་དུ་འཇུག་བའི་གྲབས་བྱུང་ན༔ གསུམ་པ་ཆགས་སྡང་བཟློག་པའི་གདམས་པ་བསྟན་

{182}

ཏེ༔ དེ་ཡ་ང་སྐྱེབ་རྣམ་པ་བཞི་ཡོད་པ་ལ༔ སྒོང་སྐྱེས་དང་༔ མངལ་སྐྱེས་དང་༔ རྫུས་སྐྱེས་དང་༔ དྲོད་གཤེར་ལས་སྐྱེས་པ་དང་བཞི་ཡོད་དོ༔

དེ་ལ་སྒོང་སྐྱེས་དང་༔ མངལ་སྐྱེས་གཉིས་ཆ་མཐུན་ཏེ༔ གོང་ལྟར་ཕོ་མོ་གཉིས་འཁྲིག་པ་སྤྱོད་པ་མཐོང་ནས་འོང་སྟེ༔ དེའི་དུས་སུ་ཆཌ་

སྡང་གི་མངལ་དུ་འཇུག་ན༔ རྟ་དང་བྱ་ཁྱི་མི་ལ་སོགས་པ་གར་སྐྱེ་ཡང་རུང་སྟེ༔ གལ་ཏེ་ཕོར་སྐྱེ་ན་ནི་རང་ཉིད་ཕོའི་སྣང་བ་འཆར་ཏེ༔

ཕ་ལ་ཞེ་སྡང་དྲག་པོ་སྐྱེ་ཞིང་༔ མ་ལ་མིག་སེར་དང་ཆགས་པ་སྐྱེས་བའི་སྣང་བ་འོང་ངོ་༔ གལ་ཏེ་མོར་སྐྱེ་ན་ནི་རང་ཉིད་མོའི་སྣང་བ་ཆར་ཏེ༔

མ་ལ་ཕྲག་དོག་དང་མིག་སེར་དྲག་པོ་སྐྱེས་ཞིང་༔ ཕ་ལ་ཆགས་བ་དང་གདུད་སེམས་དྲག་པོ་སྐྱེས་ཤིང་༔ དེས་རྐྱེན་བྱས་ཏེ༔ ཕའི་གཤང་ལ་མ་དུ་ཞུགས་

{183}

༄༅༔ ༔ནས༔ ཐིག་ལེ་དཀར་དམར་འཕྲད་པའི་དབུས་སུ༔ ལྷན་ཅིག་སྐྱེས་བའི་དགའ་བ་ཉམས་སུ་མྱོང་ནས༔ བདེ་བའི་ངང་ལ་

ཤེས་པ་རྒྱལ་ལོག་གིས་སོང་ནས༔ མེར་མེར་པོ་དང་༔ ནུར་ནུར་པོ་ལ་སོགས་པ་ལུས་སྨིན་དེ་མའི་མངལ་ནས་ཕྱིར་ཐོན་པའམ༔ མིག་ཕྱེད་

པ་དང་༔ ཁྱི་གུ་ཅིག་ཏུ་ལོག་གིས་སོང་ནས་དང་པོ་མི་ཡིན་པ་ལ་དེ་དུས་ཁྱིར་སོང་ནས༔ ཁྱིའི་ཚང་ན་སྡུག་བསྔལ་བའམ༔ དེ་བཞིན་དུ་ཕག་

གི་ཚང་ངམ༔ གྲོག་སྦུར་གྱི་ཚང་ངམ༔ འབུ་སྲིན་གྱི་ཚང་ངམ༔ བ་གླང་དང་ར་ལུག་ལ་སོགས་བའི་ཕྲུ་གུར་སྐྱེས་ཏེ༔ ཚར་ལོག་པ་ནི་

མེད༔ ཤིན་ཏུ་བླུན་ཞིང་གཏི་མུག་པའི་ངང་ནས་སྡུག་བསྔལ་རྣམ་པ་སྣ་ཚོགས་སྨྱོང་བར་འགྱུར་རོ༔ དེ་ལྟར་དམྱལ་བ་དང་༔ ཡི་དྭགས་ལ་

{184}

སོགས་པ་འགྲོ་བ་རིགས་དྲུག་དུ་འཁོད་དོ༔ སྡུག་བསྔལ་དཔག་ཏུ་མེད་པས་ཉམས་ཐག་པར་འགྱུར་རོ༔ འདི་ལས་དཔལ་སྟོབས་ཆེ་བའམ༔

འདི་ལས་ཞེ་འཇིགས་པ་མེད་ན༔ ཨ་རྫི༔ འཇིགས་པ༔ ཨ་ཚི་ཚི༔ ཨ་རྫི༔ དེ་བས་བླ་མ་དམ་པའི་གདམས་ངག་མེད་པ་རྣམས་ཚུལ་དེ་ལྟར་འཁོར་

བའི་གཡང་ས་ཆེན་པོ་ལྷུང་སྟེ༔ སྡུགས་བསྔལ་རྒྱུན་ཆད་མེད་པས་མནར་བར་འགྱུར་བས༔ དེ་བས་ནངའི་ཁ་ལ་ཉོན་ཅིག༔ ངའི་གདམས་ངག་འདི་

ཡིད་ལ་ཟུང་ཅིག༔ ད་ནི་ཆགས་སྡང་བཟློག་ནས་མངལ་སྒོ་འགག་པའི་གདམས་ངག་ཅིག་བསྟན་ནོ༔ ཉོན་ལ་ཡིད་ལ་ཟུང་ཅིག༔ དེ་ཡང་མངལ་

སྒོ་བཀག་ནས་རུ་ལོག་དྲན་པར་བྱ༔ སྙིང་རུས་དག་སྣང་དགོས་པའི་དུས་ཅིག་ཡིན༔ མིག་སེར་སྤངས་ནས་བླ་མ་ཡབ་ཡུམ་སྒོམས༔ ཞེས་

{185}

༄༅༔ ༔གསུངས་བ་ཡི་ན་བས༔ གོང་ལྟར་ཕོ་རུ་སྐྱེ་ན་མ་ལ་ཆགས་ཤིང་ཕ་ལ་སྡང་༔ མོ་རུ་སྐྱེ་ན་ཕ་ལ་ཆགས་ཤིང་མ་ལ་སྡང་

ནས་མིག་སེར་སྐྱེ་བའི་སྣང་བ་འོང་ངོ་༔ དེའི་གདམས་ངག་ཟབ་མོ་ཅིག་ཡོད་དོ༔ ཀྱཻ་རིགས་ཀྱི་བུ༔ འདི་ལྟ་བུའི་ཆགས་སྡང་བྱུང་བའི་ཚེ༔ འདི་

ལྟར་སྒོམས་ཤིག༔ ཀྱེ་མ་བདག་ལྟ་བུའི་སེམས་ཅན་ལས་ངན་པས༔ ད་ང་འཁོར་བར་འཁྱམས་པ་ཡང་ཆགས་སྡང་གཉིས་ལ་བརྟེན་

ནས་འཁྱམས་པ་ཡིན༔ ད་རུང་ཡང་འདི་ལྟ་བུའི་ཆགས་སྡང་བྱས་ན་ནི༔ འཁོར་བ་ཐུག་པ་མེད་པར་འཁྱམས་ནས་སྡུག་བསྔལ་གྱི་རྒྱ་

མཚོ་ལ་ཡིན་རིང་དུ་བྱིང་ཉེན་ཡོད་པས༔ ད་ནི་ཆགས་སྡང་ཡེ་ནས་མི་བྱ་དགོས་ཨ་ཙམ༔ ད་ནི་ཆགས་སྡང་བྱེད་རེ་ཀན་སྙམ་པའི་

{186}

འདུན་པ་དྲག་པོས་སེམས་ལ་བཟུང་བས༔ དེ་རང་གི་མངལ་སྒོ་ཁེགས་པར་རྒྱུད་ནས་གསུངས་འདུག་པས༔ ཀྱཻ་རིགས་ཀྱི་བུ༔ མཡེངས་ཤིག་

མདུན་པ་རྩེ་གཅིག་སེམས་ལ་ཟུང་ཤིག༔ ཡང་དེ་ལྟར་བྱས་ཀྱང་མངལ་སྒོ་མ་ཁེགས་པར༔ མངལ་དུ་འཇུག་པའི་གྲབས་བྱུང་ན༔ ཡང་

བདེན་མེད་སྒྱུ་མ་ལྟ་བུའི་གདམ་ངག་གིས་མངལ་སྒོ་བཀག་པར་བྱའོ༔ ཀྱེ་མ་ཕ་མ་ཡབ་ཡུམ་གཉིས་དང་༔ ཆར་ནག་རླུང་ཚུབ་དང་༔ འུར་ཆེམས་

དང་༔ འཇིགས་སྐྲག་གི་སྣང་བ་དང་༔ སྣང་ཞིང་སྲིད་པའི་དངོས་པོ་འདི་རྣམས་ཐམས་ཅད་ཀྱི་རང་བཞིན་སྒྱུ་མ་ལྟ་བུ་ཡིན༔ ཇི་ལྟར་ཤར་

ཡང་༔ བདེན་པ་དང་༔ དངོས་པོ་ཐམས་ཅད་མི་བདེན་རྫུན་པ་ཡིན༔ སྨིག་སྒྱུ་དང་འདྲ༔ རྟག་པ་མ་ཡིན༔ ཐེར་ཟུག་པ་མ་ཡིན༔ ཆགས་

{187}

༄༅༔ ༔ན་ཅི་བྱེད༔ མེད་པ་ལ་ཡོད་པ་མཐོང་བ་ཡིན༔ འདི་རྣམས་ཐམས་ཅད་རང་གི་སེམས་ཀྱི་སྣང་བ་ཡིན༔ སེམས་

ཉིད་སྒྱུ་མ་ལྟ་བུ་ཡེ་ནས་མེད་པ་ལ༔ ཕྱི་རོལ་དུ་དེ་ལྟ་བུ་ག་ན་ཡོད༔ བདག་ནི་སྔོན་ཆད་དེ་ལྟར་མ་རྟོགས་པས༔ མེད་པ་ལ་ཡོད་

པར་བཟུང་༔ མི་བདེན་པ་ལ་དོན་དུ་བཟུང་༔ སྒྱུ་མ་ལ་བདེན་པར་བཟུང་བས་ཡུན་འདི་སྙེད་ཅིག་འཁོར་བར་འཁྱམས་པ་ཡིན༔ ད་

རུང་ཡང་སྒྱུ་མར་མ་ཤེ་ན་འཁོར་བར་ཡུན་རིང་དུ་འཁྱམས་ནས་སྡུག་བསྔལ་སྣ་ཚོགས་ཀྱི་འདམ་དུ་ཚུད་ངེས་པས༔ དེ་ནི་འདི་རྣམས་

ཐམས་ཅད་རྨི་ལམ་ལྟ་བུ༔ སྒྱུ་མ་ལྟ་བུ༔ བྲག་ཆ་ལྟ་བུ༔ དྲེ་ཟའི་གྲོང་ཁྱེར་ལྟ་བུ༔ སྨིག་སྒྱུ་ལྟ་བུ༔ གཟུགས་བརྙན་ལྟ་བུ༔ མིག་ཡོར་

{188}

ལྟ་བུ༔ ཆུ་ཟླ་ལྟ་བུར་བདེན་པར་སྐད་ཅིག་ཀྱང་གྲུབ་བ་མེད༔ ངེས་པར་མི་བདེན་བརྫུན་པ་ཡིན་ནོ༔ མདུན་པ་རྩེ་གཅིག་ཏུ་བཟུང་བས༔ བདེན་འཇིན་

ཞིག་ནས་དེ་ལྟར་རྒྱུད་ལ་ཁེལ་ནས་བདག་འཛིན་ལྡོག་གོ༔ དེ་ལྟ་བུ་ཞེ་ཐག་པ་ནས་བརྫུན་པར་ཤེས་ནས༔ མངལ་སྒོ་ངེས་པར་ཁེགས་

པར་འགྱུར་རོ༔ ཡང་དེ་ལྟར་བྱས་ཀྱང་བདེན་འཛིན་མ་ཞིག་སྟེ༔ མངལ་སྒོ་མ་ཁེགས་པར་མངལ་དུ་འཇུག་པའི་གྲབས་བྱུང་ན༔ ཡང་

གདམས་ང་ཟབ་མོ་གཅིག་ཡོད་དོ༔ ཀྱཻ་རིགས་ཀྱི་བུ༔ ཁྱོད་ཀྱི་དེ་ལྟར་བྱས་ཀྱང་མངལ་སྒོ་མ་ཁེགས་ན༔ ད་ནི་ལྔ་པ་འོང་གསལ་སྒོམས་

ནས་མངལ་སྒོ་འགག་པར་བྱ་སྟེ༔ དེ་ཡང་སྒོམས་ལུགས་འདི་ལྟར་བྱའོ༔ ཀྱེ་མ་དངོས་པོ་ཐམས་ཅད་རང་གི་སེམས་ཡིན༔ སེམས་

{189}

༄༅༔ ༔འདི་ནི་སྐྱེ་འགག་དང་བྲལ་བའི་སྟོང་པ་ཉིད་ཡིན་ནོ༔ སྙམ་དུ་བསམ་ལ༔ སེམས་ལ་བཅོས་བསླད་མི་བྱ་བར༔ དཔེར་ན་

ཆུ་ལ་ཆུ་བཞག་པ་བཞིན་དུ༔ སེམས་ཁོ་རང་གི་ཐོག་དུ་རང་ལུགས་སུ་ཙེན་ནེ༔ རང་བབས་སུ་ལྷོད་དེ༔ ཡེ་རེ༔ ཤིག་གེ༔ མ་བཅོས་པར་ཀློད་

ནས་བཞག་ནས༔ སྐྱེ་བ་རྣམ་པ་བཞིའི་མངལ་སྒོ་ངེས་པར་ཁེགས་ཐག་ཆོད་དེ༔ དེ་ལྟར་ཡང་ནས་ཡང་དུ་མ་ཁེགས་ཀྱི་བར་དུ་སྒོམས་ཤིག༔

དེ་ཡན་ཆད་མངལ་སྒོ་བཀག་པའི་གདམས་པ་ཟབ་མོ་ཡང་དག་པ་མང་དུ་ཡོད་དོ༔ དེ་རྣམས་ཀྱིས་གང་ཟག་དབང་པོ་རབ་འབྲིང་ཐ་མ་

ཡང་མི་གྲོལ་མི་སྲིད་དོ༔ ངེ་ཅིའི་ཕྱིར་ཞེ་ན༔ བར་དོའི་རྣམ་ཤེས་དེ་ལ་ཟག་བཅས་ཀྱི་མངོན་ཤེས་ཡོད་པས༔ བདག་གི་ཇི་སྨྲས་ཁོས་

{190}

ཐོས་པ་དང་ཅིག༔ འོན་ལོང་ཡིན་ཡང་༔ དེའི་དུས་སུ་དབང་པོ་ཚངས་བས་ཅི་སྨྲས་གོ་བ་དང་གཉིས༔ འཇིགས་སྐྲག་གིས་རྟག་ཏུ་བདས་ནས་

ཅི་དྲག་ན་སྙམ་པའི་དྲན་པ་ཡེངས་མེད་དུ་ཡོད་པས་བདག་གིས་ཅི་སྨྲས་ཉན་ནས་འོང་པ་དང་གསུམ༔ རྣམ་ཤེས་རྟེན་མེད་པས་མདུན་པ་

གར་གཏད་དུ་ཐལ་གྱིས་སླེབས་ཏེ་ཁ་ལོ་བསྒྱུར་དུ་སླ་བ་དང་བཞི༔ དྲན་པ་དགུ་འགྱུར་གྱིས་གསལ་བས་ལྐུག་པ་ཡིན་ཀྱང་དེའི་དུས་སུ་ལས་ཀྱི་

དབང་གིས་རིགས་པ་གསལ་དུ་སོང་ནས༔ ཅི་བསླབས་པ་ཐམས་ཅད་སྒོམ་ཤེས་པའི་ཡོན་ཏན་དང་༔ གནས་དེ་ལྟ་བུའི་ཡོན་ཏན་ཡོད་པའི་

ཕྱིར་རོ༔ དེས་ནག་ཤིན་པོའི་ཆོག་བྱས་པས་ཕན་ཡོན་ཡོད་པའི་རྒྱུ་མཚན་ཡང་དེ་ལྟར་ཡིན་ནོ༔ དེ་བས་ན་ཞག་བཞི་བཅུ་ཞེ་དགུའི་བར༔ བར་

{191}

༄༅༔ ༔དོ་ཐོས་གྲོལ་ཆེན་མོ་འདི་ཀློག་པར་ནན་ཏན་བྱ་བ་ཤིན་ཏུ་ནས་གལ་ཆེའོ༔ ངོ་སྤྲོད་ཅིག་ལ་མ་གྲོལ་ན་ཡང་ཅིག་ལ་གྲོལ་

ཐུབ་པ་ཡིན་ཏེ༔ ངོ་སྤྲོད་མི་ཅིག་པ་མང་དུ་དགོས་པའི་དོན་ཡང་དེ་ལྟར་ལགས་སོ༔ དེ་ནས་ཡང་དགེ་བའི་ལས་ལ་གོམས་འདྲིས་ཆུང་བ་

དང་༔ མི་དགེ་བའི་ལས་ལ་ཡེ་ཐོག་མ་ནས་གོམས་འདྲིས་ཆེ་དྲགས་པ་དང་༔ སྡིག་སྒྲིབ་སྟོབས་དང་དཔུང་ཆེ་བའི་སྟོབས་ཀྱིས་གོང་གི་ངོ་

སྤྲོད་དང་༔ དམིགས་པ་དེ་ཙམ་ཕོག་ཀྱང་མི་གྲོལ་བའི་རིགས་མང་པོ་ཡོད་པས༔ དེ་ནི་གོང་དུ་མངལ་སྒོ་མ་ཁེགས་ནས༔ འདི་ནས་ཕར་

ལ་མངལ་སྒོ་འདམ་པའི་གདམས་ངག་ཟབ་མོ་ཅིག་ཡང་བསྟན་པར་བྱ་སྟེ༔ ཡང་སངས་རྒྱས་དང་བྱང་ཆུབ་སེམས་དཔའ་རྣམས་ལ་ར་མདའ་

{192}

སྦྲན་སྐྱབས་འགྲོ་སེམས་བསྐྱེད་བྱས་ནས༔ ཡང་ཚེ་འདས་ཀྱི་མོང་ནས་ལན་གསུམ་འབོད་ལ༔ འདི་སྐད་བརྗོད་དོ༔ ཀྱེ་རིགས་ཀྱི་བུ༔ ཚེ་ལས་

འདས་པ་ཆེ་གེ་མོ་ཁྱོད་ཉོན་ཅིག༔ ཁྱོད་ལ་གོང་དུ་གད་མས་པའི་ངོ་སྤྲོད་དེ་ཙམ་ཅིག་བདབ་ཀྱང་མགོ་བར་འདུག་གིས༔ ད་ནི་མངལ་སྒོ་མ་

་ཁེགས་ན་ལུས་བླང་རང་བའི་དུས་ལ་བབ་པས༔ ཁྱོད་རང་མངལ་སྒོ་འདམ་པའི་གདམས་པ་ཟབ་མོ་རིགས་མི་ཅིག་པ་མང་དུ་ཡོད་བས་ཡིད་ལ་

བཟུང་ཅིག༔ མ་ཡེངས་ཅིག༔ མདུན་བ་དྲག་པོ་ས་མ་ཡེངས་པར་ཡིད་ལ་བཟུང་ཅིག༔ ཀྱེ་རིགས་ཀྱི་བུ༔ ད་ནི་གླིང་གང་དུ་སྐྱེ་བའི་རྟགས་དང་

མཚན་མ་འོང་བས་ངོ་ཤེས་པར་བྱ་སྟེ༔ དེ་ཡང་གང་དུ་སྐྱེ་བ་དེའི་རྟགས་ལ༔ གླིང་ཡང་འདམ་པར་བྱའོ༔ ཤར་ལུས་འཕགས་པོར་སྐྱེ་ན་ནི༔

{193}

༄༅༔ ༔ངང་པ་ཕོ་མོས་བརྒྱན་པའི་མཚོ་འདུག་པར་ཡང་མཐོང་ངོ་༔ དེར་ཡང་མ་འགྲོ་བར་རུ་ལོག་དྲག་པར་གྱིས་ཤིག༔ དེར་ཕྱིན་ན་

ནི་བདེ་སྐྱིད་འཛོམ་ཀྱང་ཆོས་མ་དར་བའི་ས་ཡིན་པས་མ་འཇུག་ཅིག༔ ལྷོ་འཛམ་བུ་གླིང་དུ་སྐྱེ་ན་ནི༔ ཁང་བཟང་ཉམས་དགའ་བར་ཡང་

མཐོང་ནས་འོང་ངོ་༔ གལ་ཏེ་འཇུག་ན་དེར་འཇུག་པར་གྱིས་ཤིག༔ ནུབ་བ་ལང་སྤྱོད་དུ་སྐྱེ་ན་ནི༔ རྟ་ཕོ་མོས་བརྒྱན་པའི་མཚོ་འདུག་པ་

ཡང་མཐོང་ངོ་༔ དེར་ཡང་མ་འགྲོ་བར་ཚུར་རུ་ལོགས་ཅིག༔ ལོངས་སྤྱོད་ཡོད་ཀྱང་ཆོས་མ་དར་བའི་གླིང་ཡིན་པས་མ་འཇུགས་ཅིག༔ བྱང་སྒྲ་

མི་སྙན་དུ་སྐྱེ་ན་ནི༔ བ་གླིང་གིས་བརྒྱན་པའི་མཚོ་འམ༔ ལྗོན་ཤིང་གི་ས་བརྒྱན་པའི་མཚོ་འདུག་བར་ཡང་མཐོང་ངོ་༔ དེ་དག་དུ་སྐྱེ་བ་ལེན་

{194}

པའི་ལྟས་སུ༔ ངོ་ཤེས་པར་གྱིས་ཤིག༔ དེར་ཡང་མ་འཇུག་ཅིག༔ ཚེ་ཚད་དང་བསོད་ནམས་ཡོད་ཀྱང་༔ དེར་ཡང་ཆོས་མ་དར་བས་མ་འཇུག་

ཅིག༔ ལྷར་སྐྱེ་ན་ནི༔ རིན་པོ་ཆེ་སྣ་ཚོགས་པས་གྲུབ་པའི་གཞལ་ཡས་ཁང་རྩེ་མ་ཉམས༔ དགའ་བར་ཡང་མཐོང་བར་འགྱུར་རོ༔ དེར་ཞུགས་

ཀྱང་རུང་གིས་འཇུག་པར་གྱིས་ཤིག༔ ལྷ་མ་ཡིན་དུ་སྐྱེ་ན་ནི༔ ནགས་ཚལ་ཉམས་དགའ་བར་མཐོང་བའམ༔ འགལ་མེའི་འཁོར་ལོ་བསྐོར་བ་

ལྟ་བུ་མཐོང་ངོ་༔ དེར་ཅི་ནས་ཀྱང་མ་འཇུག་པར་རུ་ལོག་དྲན་པར་གྱིས་ཤིག༔ དུད་འགྲོར་སྐྱེ་ན་ནི༔ བྲག་ཕུག་དང་༔ སྤྱིལ་པོ་དང་༔ ན་བུན་གྱི་

ཚུལ་དུ་མཐོང་ངོ་༔ དེར་ཡང་མ་འཇུག་ཅིག༔ ཡི་དྭགས་སུ་སྐྱེ་ན་ནི༔ སྡོང་དུམ་དང་༔ ནག་བྲེང་ངེ་བ་དང་༔ གྲོག་པོ་ཕུགས་སྡུགས་སམ༔

{195}

༄༅༔ ༔ནག་ལིང་བར་མཐོང་ངོ་༔ དེར་ཕྱིན་ན་ཡི་དྭགས་སུ་སྐྱེས་ནས༔ བཀྲེས་སྐོམ་གྱིས་སྡུག་བསྔལ་སྣ་ཚོགས་ཉམས་སུ་

མྱོང་བར་འགྱུར་བས༔ དེར་ཅི་ནས་ཀྱང་མ་འགྲོ་བར་རུ་ལོག་དྲན་པར་གྱིས་ཤིག༔ སྙིང་རུས་དྲག་པོ་གྱིས་ཤིག༔ དམྱལ་བར་སྐྱེ་ན་ནི༔

ལས་ངན་པའི་གླུ་དབྱངས་སུ་ཐོས་པའམ༔ དབང་མེད་དུ་འཇུག་དགོས་པ་བྱང་ན༔ མུན་ནག་གི་གླིང་དང་༔ ཁང་པ་ནག་པོ་དང་༔ ཁང་པ་

དམར་པོ་དང་༔ ས་དོང་ནག་པོ་དང་༔ ལམ་ནག་པོ་ལ་ཕྱིན་པ་ལ་སོགས་པའི་སྣང་བ་འོང་༔ དེར་ཕྱིན་ན་ནི་དམྱལ་བར་ཚུད་དེ༔ ཚ་གྲང་གི་སྡུག་

བསྔལ་བཟོད་གླགས་མེད་པ་མྱོང་སྟེ༔ ཐོན་པའི་དུས་མི་འོང་བས༔ དེའི་གསེབ་ཏུ་མི་འགྲོ་བར་གཟབ་པར་བྱའོ༔ ཅི་ནས་ཀྱང་མ་ཚུད་པར་བྱའོ༔

{196}

མངལ་སྒོ་བཀག་ནས་རུ་ལོག་དྲན་པར་བྱའོ༔ ཞེས་གསུངས་པ་དེ་དུས་ད་རེས་དགོས་པ་ཡིན་ནོ༔ ཀྱེ་རིགས་ཀྱི་བུ༔ ཁྱོད་མི་འགྲོ་བར་འདོད་ཀྱང་

རང་ལ་དབང་མེད་པར་འགྲོ་དགོས་པ་དང་༔ མདུན་ནས་གཤེད་མ་དང་སྲོག་གཅོད་ཀྱི་ཁྲིད་པ་དང་༔ མུན་ནག་དང་༔ རླུང་དམར་འཚུབ་མ་ཆེན་པོ་

དང་༔ ཀུ་དགྲ་དང་༔ ཁ་ཆར་དང་༔ སེར་བ་དང་༔ བུ་ཡུག་འཚུབ་ཅིང་བྲོས་པའི་སྣང་བ་ཁྱོད་ལ་འོང་ངོ་༔ དེར་བྲེད་ཅིང་སྐྱབས་ཚོལ་བ་ལ་

ཕྱིན་པས༔ གོང་དུ་བཤད་པའི་ཁང་བཟངས་སམ༔ བྲག་སྐྱིབས་དང་༔ ས་ཕུག་དང་༔ ནགས་གསེབ་དང་༔ མེ་ཏུག་པ་དྨ་ལ་སོགས་ཁ་ཟུཾ་

པའི་ནང་དུ་ཐར་ནས༔ དེ་ན་ག་བ་སྟེ་ཕྱིར་ཐོན་གྱི་དོགས་ནས༔ ད་འདི་ནས་ཕྱིར་ཐོན་ན་ནི་མི་རུང་ངོ་སྙམ་ནས༔ དེ་དང་བྲལ་གྱིས་དོགས་པས་

{197}

༄༅༔ ༔ཁྱོད་གནས་དེ་ལ་ཤིན་ཏུ་ཆགས་པར་འགྱུར་རོ༔ དེ་ནས་ཕྱི་རོལ་ཏུ་ཐོན་ན་ནི་བར་དོའི་འཇིགས་སྐྲག་དེ་རྣམས་

དང་ཕྲད་ཀྱིས་དོགས་པས༔ དེ་དག་ལ་འཇིགས་ཤིང་དངངས་པས་ནང་དུ་གབ་པས༔ གང་ན་མན་པའི་ལུས་ངན་པ་ཅིག་བླང་ནས༔ སྡུག་

བསྔལ་སྣ་ཚོགས་ཉམས་སུ་མྱོང་དུ་འོང་བས༔ དེ་ནི་ཁྱོད་ལ་འདྲེ་སྲིན་གྱིས་བར་དུ་གཅོད་པའི་རྟགས་ཡིན་པས༔ འདིའི་དུས་སུ་གདམས་

ངག་ཟབ་མོ་ཅིག་ཡོད་པས་ཁྱོད་རང་ཉོན་ལ་ཡིད་ལ་ཟུང་ཅིག༔ འདིའི་དུས་སུ་གཤེད་མས་དབང་མེད་དུ་དེང་པ་དང་༔ འཇིགས་སྐྲག་ནམ་

བྱུང་བའི་དུས་སུ་སྐད་ཅིག་དྲན་རྫོག་སུ༔ བཅོམ་ལྡན་འདས་ཆེ་མཆོག་ཧེ་རུ་ཀའམ༔ རྟ་མགྲིན་ནམ༔ ཕྱག་ན་རྡོ་རྗེ་ལ་སོགས་པའམ༔

{198}

ཁྱོད་རང་གི་ཡི་དམ་ཡོད་ན་དེ་ཉིད་སྐུ་ཆེབ་ཡན་ལག་རགས་པ༔ བགེགས་རིགས་ཐམས་ཅད་ཐལ་བར་བརླག་པར་བྱེད་པའི་ཁྲོ་བོ་འཇིགས་སུ་

རུང་བ་ཅིག་ཏུ་ཀྲུང་གིས་བསྐྱེད་ཅིག༔ དེའི་བྱིན་རླབས་དང་ཐུགས་རྗེས་གཤེད་མ་དང་བྲལ་ཏེ༔ མངལ་སྒོ་གདམ་པའི་དབང་ཐོབ་པ་ཡིན་

བས༔ ད་ནི་གདམ་ངག་གི་གནད་ཟབ་མོ་ཡང་དག་པ་ཡིན་པས་ཡིད་ལ་ཟུང་ཅིག༔ ཀྱཻ་རིགས་ཀྱི་བུ༔ གཞན་ཡང་བསམ་གཏན་གྱི་ལྷ་ལ་

སོགས་པ་རྣམས་ནི་ཏིང་ངེ་འཛིན་གྱིས་དབང་གིས་སྐྱེ་བ་ཡིན་ནོ༔ ཡི་དྭངས་ལ་སོགས་པའི་གདོན་གྱི་རིགས་ཚེན་ཅིག་ནི༔ བར་དོ་དེ་ཉིད་དུ་འདུ་

ཤེས་འགྱུར་ནས་ཡི་དྭངས་དང་འདྲེ་སྲིན་གྱིས་ལུས་རྫུ་འཕྲུལ་སྣ་ཚོགས་སྟོན་ནུས་པ༔ ཡིད་ལུས་དེ་ཀ་འགྱུར་ནས་འོང་བ་ཡིན་ནོ༔ བྱང་ལ་

{199}

༄༅༔ ༔གནས་པའི་ཡི་དྭངས་དང་༔ མཁའ་ལ་འགྱུ་པའི་ཡི་དྭགས་དང་༔ བགེགས་རིགས་སྟོང་ཕྲག་བརྒྱད་ཅུ་ལ་སོགས་པ་ཡིད་

ལུས་དེ་ཉིད་དུ་འདུ་ཤེས་འགྱུར་ནས་འགྲོའོ༔ དེའི་དུས་སུ་སྟོང་ཉིད་ཕྱག་རྒྱ་ཆེན་པོར་དོན་དྲན་ན་ནི་མཚོག་ཏུ་གྱུར་རོ༔ དེ་ལྟར་མ་འབྱོངས་ན་སྒྱུ་མ་

ལྟ་བུའི་རྩལ་སྦྱོང་གྱིས་ཤིག༔ དེ་ལྟར་ཡང་མ་འབྱོངས་ནགང་ལ་ཆགས་སེམས་མ་བྱེད་པར༔ ཡི་དམ་ཐུགས་རྗེ་ཆེན་པོ་སྒོན་པས་བར་དོར་ལོངས་

སྐུར་སངས་རྒྱས་པར་འགྱུར་རོ༔ ཀྱེ་རིགས་ཀྱི་བུ༔ དེར་གལ་ཏེ་ལས་ཀྱིས་དབང་གིས་མངལ་དུ་འཇུག་དགོས་པར་བྱུང་ན༔ ད་ནི་མངལ་སྒོ་འདམ་

པའི་གདམས་པ་བསྟན་པར་བྱའོ༔ ཉོན་ཅིག་དེ་ཡང་མངལ་སྒོ་གང་བྱུང་བྱུང་དུ་མ་འགྲོ་ཅིག༔ གཤེད་མ་བྱུང་ནས་མི་འགྲོ་བའི་དབང་མ་བྱུང་ན་རྟ་

{200}

མགྲིན་སྒོམས་ཤིག༔ དེ་ཡང་ཁྱོད་ལ་ད་ལྟ་མངོན་ཤེས་ཕྲ་མོ་ཡོད་པས༔ གནས་ཐད་རིམ་པ་ལྟར་ཤེས་ནས་འོང་པས༔ གདམ་པར་གྱིས་ཤིག༔ དེ་ཡང་དག་

པ་སངས་རྒྱས་ཀྱི་ཞིང་དུ་འཕོ་བ་དང་༔ མདག་འཁོར་བའི་མངལ་སྒོ་འདམ་པའི་གདམ་ནག་གཉིས་ཡོད་པས༔ འདི་ལྟར་གྱིས་ཤིག༔ དང་པོ་རབ་དག་པ་

མཁའ་སྤྱོད་ཀྱི་གནསའུ་འཕོ་བ་ནི༔ དེ་ཡང་མདུན་པ་འདི་ལྟ་བུ་བཏང་སྟེ༔ ཀྱེ་མ་བདག་སྐལ་པ་གྲངས་མེད་པའི་དུས་རིང་པོ་དེ་ཙམ་ཞིག་ནས་ད་རུང་འཁོར་བའི་འདམ་

འདིར་ལུས་པ་ནི་སྐྱོ་བ་ལ༔ སྡོན་དེ་སྙེད་ཅིག་སངས་རྒྱས་པའི་རིང་ལ་བདག་མགྲོལ་བ་འདི་ཨ་ཙ་མ༔ ད་ནི་འཁོར་བ་འདི་སྐྱུག་རེ་ལོག༔ ཞེ་རེ་འཇིགས༔ སྙུག་རེ་བུད༔

ད་ནི་འགྲོས་པའི་གྲབས་བྱ་རན་འདུག་པས༔ བདག་རང་ནུབ་བདེ་བ་ཅན་གྱི་ཞིང་ཁམ་སུ༔ སངས་རྒྱས་སྣང་པ་མཐའ་ཡས་ཀྱི་ཞབས་དྲུང་དུ་མེ་ཏོག་པདྨའི་ཁ་ལ་

{201}

༄༅༔ ༔བརྫུས་ཏེ་སྐྱེ་བར་བྱ་དགོས་སྙམ་པའི་མདུན་པ་དྲག་པོ་གཏད་དོ༔ གཞན་ཡང་རང་གང་མོས་པའི་ཞིང་ཁམས༔ མངོན་པར་

དགའ་བའམ༔ སྟུག་པོ་བཀོད་པའམ༔ ལྕང་ལོ་ཅན་ནམ༔ རི་བོ་ཏ་ལའམ༔ པདྨ་འོད་ཀྱི་གཞལ་ཡས་སུ་ཨུ་རྒྱན་གྱི་དྲུང་ངམ༔ གང་མོས་པའི་

ཞིང་དུ་མདུན་པ་གཏད་དོ༔ རྩེ་གཅིག་ཏུ་མ་ཡེངས་པར་བྱས་པས༔ དེ་མ་ཐག་ཏུ་ཞིང་ཁམས་སུ་སྐྱེ་བར་འགྱུར་རོ༔ གཞན་ཡང་དགའ་ལྡན་

དུ་བྱམས་པའི་དྲུང་དུ་འགྲོ་བར་མོས་ནའང་༔ བདག་བར་དོའི་སྐབས་འདིར༔ དགའ་ལྟན་ན་ནི་མི་ཕམ་ཆོས་ཀྱི་རྒྱལ་པོའི་དྲུང་དུ་འགྲོ་བའི་དུས་

ལ་བ་བས་པས༔ འགྲོ་བར་བྱའོ་སྙམ་པའི་མདུན་པ་གཏད་ན༔ བྱམས་པའི་དྲུང་དུ་པདྨའི་སྙིང་པོར་བརྫུས་ཏེ་སྐྱེའོ༔ གཞན་ཡང་དེ་ལྟར་མ་

{202}

བཏུབ་ཅིང་༔ མངལ་དུ་འཇུག་པར་སྤྲོ་བའམ༔ འཇུག་དགོས་པར་བྱུང་ན༔ མ་དག་འཁོར་བའི་མངལ་སྒོ་འདམ་པའི་གདམ་པ་ཡོད་པས་ཉོན་ཅིག༔

དེ་ཡང་གོང་ལྟར་གླིང་ཡང་འདམ་བར་བྱ་ཞིང་༔ མངོན་ཤེས་ཀྱི་ལྟས་ལ་ཆོས་དར་བའི་སར་འཇུག་པར་བྱའོ༔ དེ་ཡང་མི་གཙང་བའི་རྫས་ལྗན་ལྗིན་

ཅིག་ལ་རྫུས་ཏེ་སྐྱེ་བར་འབྱུར་བས༔ དེ་རྣམས་གང་གི་སྣང་བ་ཤར་བ་དེ་ལ་བདེན་འཛིན་མི་བྱེད་པར༔ ཆགས་སྡང་གི་མཚན་མ་མེད་པར་བྱས་ལ༔

མངལ་སྒོ་བཟང་པོ་འདམ་པར་བྱའོ༔ དེ་ཡང་མདུན་པ་གཏོད་པ་གལ་ཆེ་བས་འདི་ལྟར་བྱའོ༔ ཀྱཻ་མ་བདག་མི་སེམས་ཅན་ཐམས་ཅད་ཀྱི་དོན་དུ་

འཁོར་ལོས་བསྒྱུར་བའི་རྒྱལ་པོའམ༔ བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའམ༔ གྲུབ་པ་ཐོབ་པའི་སྲས་པོའམ༔ ཆོས་རྒྱུད་དྲི་མ་མེད་

{203}

༄༅༔ ༔པའི་རིགས་སམ༔ ཕ་མ་དད་པ་ཅན་གྱིས་རིགས་སུ་སྐྱེས་ནས༔ འགྲོ་བ་སེམས་ཅན་གྱི་དོན་བྱེད་ནུས་པའི་བསོད་ནམས་

ཅན་གཅིག་གིས་ལུས་ཅིག་བླང་བར་བྱའོ་སྙམ་པའི་མདུན་པ་གཏད་ལ་མངལ་དུ་འཇུག་པར་བྱའོ༔ དེའི་ཚེ་འཇུག་པའི་མངལ་དེ་ཡང་

ལྷའི་གཞལ་ཡས་ཁང་བྱིན་གྱིས་རླབས་པར་བྱའོ༔ ཕྱོགས་བཅུའི་རྒྱལ་བ་སྲས་དང་བཅས་པ་རྣམས་དང་༔ ཡིད་མ་གྱི་ལྷ་དང་༔ ཁྱད་པར་

དུ་ཐུགས་རྗེ་ཆེན་པོ་ལ་གསོལ་བ་ཐོབ་ལ་དབང་སྐུར་ཞུ་སྙམ་པའི་མོས་པ་བྱས་ལ་མངལ་དུ་འཇུག་པར་བྱའོ༔ དེ་ཡང་མངལ་སྒོ་འདམ་པ་

འདི་ཡང་ནོར་བའི་ཉེན་ཡོད་པས༔ ལས་ཀྱི་དབང་གིས་མངལ་སྒོ་བཟང་པོ་ལ་ངན་པར་མཐོང་བ་དང་༔ ངན་པ་ལ་བཟང་པོར་མཐོང་ནས་ནོར་

{204}

བའི་ཉོན་ཡོད་པས༔ དེའི་དུས་སུ་ཡང་གདམས་པའི་གནད་གལ་ཆེ་བས༔ ཡང་འདི་ལྟར་བྱའོ༔ དེ་ཡང་བཟང་པོའི་སྣང་བ་བྱུང་ཡང་དེ་ལ་མ་ཆགས་

ཤིག༔ ངན་པའི་སྣང་བ་བྱུང་བ་ལ་མ་སྡང་ཅིག༔ བཟང་ངན་བླང་དོར་མེད་པར་ཆགས་སྡང་དང་བྲལ་བའི་གཏང་སྙོམས་ཆེན་པོའི་ངང་ནས་

འཇུག་པའི་གནད་ཟབ་མོ་ཡང་དག་པ་ཡིན་ནོ༔ དེ་ཡང་ཉམས་མྱོང་ཡོད་པའི་མི་འགའ་ཞིག་མ་གཏོགས་པ༔ བག་ཆགས་ངན་པའི་ནད་རོ་ཕྲལ་

དཀའ་བས༔ དེ་ལྟར་ཆགས་སྡང་དང་བྲལ་མ་ཐུབ་ན༔ དབང་པོ་ཐ་མའི་ཡང་མཐའ་སྡིག་ཅན་དུད་འགྲོ་ལྟ་བུ་རྣམས་ལ་སྐྱབས་འགྲོ་བས་བཟློག་

པ་ནི༔ ཡང་ཚེ་འདས་ཀྱི་མིང་ནས་བོས་ལ༔ འདི་སྐད་བརྗོད་དོ༔ ཀྱཻ་རིགས་ཀྱི་བུ༔ ཁྱོད་མངལ་སྒོ་འདམ་མ་ཤེས་ཤིང་ཆགས་སྡང་བྲལ་མ་

{205}

༄༅༔ ༔ཐུབ་ན༔ གོང་གི་སྣང་བ་དེ་རྣམས་གང་ཤར་ཡང་༔ དཀོན་མཆོག་གསུམ་གྱི་མཚན་ནས་བརྗོད་ཅིང་སྐྱབས་སུ་

འགྲོ་བར་གྱིས་ཤིག༔ ཐུགས་རྗེ་ཆེན་པོ་ལ་གསོལ་བ་ཐོབ་ཅིག༔ མགོ་གྱེན་ལ་བསྟན་ནས་འགྲོ་བར་གྱིས་ཤིག༔ བར་དོ་ངོ་ཤེས་པར་གྱིས་

ཤིག༔ ཤུལ་གྱི་ཉེ་བ་དང་༔ བུ་དང་༔ བུ་མོ་དང་༔ ཉེ་འབྲེལ་ལ་ཆགས་ཞེན་སྤོངས་ཤིག༔ འདི་རྣམས་ཀྱིས་མི་ཕན་ནོ༔ མིའི་འོད་

སྡོན་པོ་དང་༔ ལྷའི་འོད་དཀར་པོ་ལ་ཞུགས་ཤིག༔ རིན་པོ་ཆེའི་ཁང་བཟང་དང་༔ སྐྱེས་མོས་ཚལ་དུ་ཞུགས་ཤིག༔ ཅེས་ལན་

བདུན་གྱི་བར་དུ་བཤད་དོ༔ དེ་ནས་ཡང་སངས་རྒྱས་དང་བྱང་ཆུབ་སེམས་དཔའ་རྣམས་ལ་གསོལ་བ་འདེབས་པར་བྱའོ༔ བར་དོ་འཇིགས་

{206}

སྐྱབས་མ་དང་༔ བར་དོའི་རྩ་ཆིག་དང་༔ བར་དོ་འཕྲང་སྒྲོལ་རྣམས་ལན་བདུན་གྱི་བར་དུ་ཀླག་པར་བྱའོ༔ དེ་ནས་བཏགས་གྲོལ་ཕུང་པོ་རང་གྲོལ་

ཡད་སྒྲ་དག་ལ་གསལ་བར་ཀླག་པར་བྱའོ༔ ཆོས་སྤྱོད་བག་ཆགས་རང་གྲོལ་ཡང་ཀླག་པར་བྱའོ༔ དེ་ལྟར་ཚུལ་བཞིན་དུ་བྱས་པས༔ རྣལ་

འབྱོར་པ་རྟོགས་པ་མཐོབ་རྣམས་ནི་འཆི་ཁར་འཕོ་བ་ཐེབས་ནས༔ བར་དོ་འགྲིམ་མི་དགོས་པར་ཡར་གྱི་ཟང་ཐལ་ཆེན་པོར་འགྲོ་བར་འབྱུར་རོ༔

དེའི་འོག་མཉམས་ལེན་ཡོད་པའི་གང་ཟག་འགའ་ཞིག་ནི་འཆི་ཁའི་བར་དོའི་འོག་ཏུ་ཆོས་ཉིད་འོད་གསལ་ངོ་ཟིན་དེ༔ ཡར་གྱི་ཟང་ཐལ་དུ་

འགྱུར་རོ༔ དེའི་འོག་མ་རྣམས་ནི་ཆོས་ཉིད་བར་དོ་ལ་ཞག་བདུན་ཕྲག་རིམ་པ་བཞིན་དུ་ཞི་ཁྲོའི་སྣང་བ་ཤར་བའི་ཚེ༔ ལས་འཕྲོ་དང་དབང་

{207}

༄༅༔ ༔པའི་བྱེ་བྲག་གིས༔ གཅིག་ལ་མགྲོལ་ནའང་༔ ཡང་གཅིག་ལ་གྲོལ་ཏེ༔ འཕྲང་རིམ་པ་མང་བས་གང་རུང་ཅིག་ལ་ངོས་ཟིན་

ནས་གྲོལ་བར་འགྱུར་རོ༔ དེ་ཡང་ལས་འཕྲོ་ཞན་པ་དང་༔ སྡིག་སྒྲིབ་ཆེ་བ་དང་༔ ལས་ངན་ཆེ་བ་རྣམས་ནི༔ ཡང་མར་ལ་སྲིད་པའི་བར་དོར་

འཁྱམས་དགོས་ཏེ༔ དེ་ཡང་ངོ་སྤྲོད་རིགས་མི་ཅིག་པ་སྐས་ཀྱི་རིམ་པ་ལྟར་དུ་ཡོད་པས༔ ཅིག་ལ་ངོ་མ་འཕྲོད་ཀྱང་༔ ཡང་ཅིག་ལ་ངོ་འཕྲོད་

དེ་གྲོལ་བར་འགྱུར་རོ༔ དེ་ཡང་གོང་མ་རྣམས་ལས་འཕྲོ་ཇི་ལྟར་ཞན་པ་རྣམས་ངོ་མ་འཕྲོད་པས༔ འཇིགས་སྐྲག་གི་དབང་དུ་སོང་ན་ཡང་མངལ་

སྒོ་འདམ་པའི་གདམ་པ་ལ་རིགས་མི་ཅིག་པ་རིམ་པ་བཞིན་ཏུ་ཡོད་པས༔ ཅིག་ལ་ངོས་མ་ཟིན་ནའང་༔ ཅིག་ལ་ངོ་འཕྲོད་དེ་དམིགས་པ་

{208}

ཟིན་ནས་གནས་མཐོ་བའི་ཡོན་ཏན་དཔག་ཏུ་མེད་པ་ཡོད་དོ༔ ཐ་མའི་ཡང་མཐའ་དུད་འགྲོ་ལྟ་བུ་ཅིག་ཡིན་ནའང་༔ སྐྱབས་འགྲོ་བྱས་པའི་

ཡོན་ཏན་གྱིས༔ ངན་སོང་ནས་རུ་ལོག་ནས་མི་ལུས་རིན་པོ་ཆེ་དལ་འབྱོར་ཕུན་སུམ་ཚོགས་པའི་ལུ་སུ་གྱུར་ནས༔ སྐྱེ་བ་ཕྱི་མ་ལ་བླ་མ་དགེ་བའི་བཤེས་

གཉེན་དང་མཇལ་ཏེ༔ གདམ་པ་ཐོབ་ནས་གྲོལ་བར་འགྱུར་རོ༔ སྲིད་པ་བར་དོ་ལ་ཆོས་འདི་སླེབ་ནས་བཟང་པོའི་ལས་ཀྱི་འཕྲོ་ལ་འཐུད་པས༔ ཡུར་

བ་ཆད་པ་ལ་ཝ་འཛུད་པ་ལྟ་བུའི་གདམས་པ་ཡིན་པས༔ སྡིག་པོ་ཆེ་ཐམས་ཅད་ཀྱང་ཆོས་འདི་ཐོས་ནས་གྲོལ་བར་མི་སྲིད་དོ༔ དེ་ཅིའི་ཕྱིར་ཞེ་ན༔

བར་དོའི་སྐབས་སུ་རྒྱལ་བ་ཐམས་ཅད་ཀྱི་ཐུགས་རྗེའི་བུས་མ་ཡོད་པ་དང་༔ བདུད་དང་བར་ཆད་ཀྱི་བསུན་མ་གཉིས་ཀ་འདོམས་ནས་ཡོད་དོ༔ དེའི་

{209}

༄༅༔ ༔དུས་སུ་ཆོས་འདི་ཐོས་པ་ཙམ་གྱིས༔ སྣང་བ་བསྒྱུར་ནས་གྲོལ་བ་ཐོབ་བོ༔ དེ་ཡང་ཤ་ཁྲག་གི་ལུས་མིན་པ་ཡིད་ཀྱི་ལུས་ཡིན་པས་

བསྒྱུར་སླ་བ་ཡིན་ནོ༔ བར་དོ་ཐོག་རིང་གར་འཁྱམས་ནས་ཡོད་ཀྱང་༔ ལས་ཀྱི་མངོན་ཤེས་ཕྲ་མོས་མཐོང་བ་དང་ཐོས་ནས་འོང་སྟེ༔ དྲན་པས་

ཟིན་ནས་སྐད་ཅིག་ལ་བློ་བསྒྱུར་དུ་བཏུབ་པས་འདི་ཤིན་ཏུ་ཕན་ཡོན་ཆེའོ༔ དཔེར་ན་སྒྱོགས་པར་འཁྲུལ་འཁོར་ལྟ་བུའོ༔ གདུང་མ་ཆེན་པོ་མི་

བརྒྱས་མ་ཐེགས་པ་ཆུ་རུ་བཅུག་པས་ཡུད་ཙམ་ཅིག་ལ་གར་འདོད་པའི་སར་དྲོངས་པ་དང་འདྲའོ༔ རྟེ་ཁ་སྲབ་ཀྱི་བསྒྱར་བ་དང་འདྲའོ༔ དེའི་

ཕྱིར་ཚེ་འདས་པ་ཐམས་ཅད་ཀྱི་རྩར་ཕྱིན་ནས༔ རོ་ཡོད་ན་གྲོགས་ཀྱི་རོའི་རྩར་ཕྱིན་ནས༔ སྣ་ཕུག་ནས་ཁྲག་ག་མ་ཆུ་སེར་མ་ཐོན་གྱི་བར་དུ་སྐྱེར་

{210}

ཞང་གསལ་འདེབས་པར་བྱའོ༔ དེའི་བར་དུ་རོ་མི་བ་རྒྱུལ་བར་བཞག་གོ༔ འདིའི་དམ་ཚིག་དུ་གཤིན་པོ་ལ་བསྔོས་ནས་སེམས་ཅན་གྱི་སྲོག་མིག་ཅོད༔

རོའི་རྩར་རང་གཞན་སུ་ཡང་རུང་སྟེ་གཉེན་ཤེས་རྣམས་ཀྱིས༔ དུ་སྒྲ་དང་༔ ཀུ་ཆོ་དང་༔ མྱ་ངན་དང་༔ སྨྲེ་སྔགས་མི་འདོན༔ དགེ་བའི་ལས་འགྲུབ་

ཚད་བྱ༔ གཞན་ཡང་བར་དོ་ཐོས་གྲོལ་ཆེན་མོའི་ཆོས་འདི༔ ཆོས་ཀྱི་རིགས་གར་གསུངས་ཀྱང་རུང་སྟེ༔ ཁྲིད་ཀྱི་ཞབ་སུ་འདི་སྒྲགས་ནས་བསྟན་ན་

ཤིན་ཏུ་ཟབ་བོ༔ གཞན་ཡང་རྟག་ཏུ་འདི་འདོན་པར་བྱ་ཞིང་༔ ཚིག་དང་ཐ་སྙད་བློ་ལ་བྱང་བར་བྱས་ལ༔ ནམ་འཆི་བར་དོ་ངེས་པའི་ཚེ༔ འཆི་རྟགས་

རྣམས་ངོ་ཤེས་ནས༔ ཁམས་ཀྱི་ལྕོགས་ན་རང་གི་འདོན་ཞིང་ཚིག་དོན་ཡིད་ལ་བསམ༔ མ་ལྕོག་ན་མཆེད་གྲོགས་ལ་དཔེ་ཀློག་དུ་བཅོལ་ཞིང་གསལ་

{212}

༄༅༔ ༔བཏབ་པས་ངེས་པར་གྲོལ་བ་ཐེ་ཚོམ་མེད་དོ༔ སྒོམ་སྒྲུབ་བྱ་མི་དགོས་པའི་ཆོས༔ བལྟས་པས་གྲོལ་བ༔ ཐོས་པས་གྲོལ་བ༔

ཀླག་པས་གྲོལ་བའི་གདམ་པ་ཟབ་མོ༔ སྡིག་པོ་ཆེ་གསང་ལམ་ལ་འཁྲིད་པའི་གདམས་པ་ཟབ་མོ་འདི༔ ཁྱི་བཏུན་གྱིས་དེད་ཀྱང་ཚིག་དང་ཐ་སྙད་མ་

བརྗེད་པར་བྱས་ནས༔ འཆི་ཁར་སངས་རྒྱས་པའི་མན་ངག༔ དུས་གསུམ་སངས་རྒྱས་ཐམས་ཅད་ཀྱིས་འདི་ལས་ལྷག་པའི་ཆོས་རྙེད་མི་སྲི་དོ༔ བར་

དོའི་གདམས་པ་ལུས་ཅན་གྲོལ་བར་བྱེད་པ༔ བར་དོ་ཐོས་གྲོལ་ཆེན་མོ་ཞེས་བྱ་བ༔ ཟབ་པའི་སྙིང་ཁུང་རྫོགས་སོ༔ གྲུབ་ཐོབ་ཀརྨ་གླིང་པས་

སྒོམ་པོ་བརྡར་གྱི་རི་བོ་ནས་རིན་ཆེན་གཏེར་ནས་གདན་དྲངས་པའོ༔ བཀྲ་ཤིས༔

{261}

༄༅༔ ༔བར་དོའི་སྨོན་ལམ་འཇིགས་སྐྱོབས་མ་བཞུགས་སོ༔

{262}

༄༅༔ ༔བདག་ནི་ཚེ་ཡི་འཕེན་པ་ཟད་པའི་ཚེ༔ འཇིག་རྟེན་འདི་ཡི་ཉེ་བས་མི་ཕན་པས༔

རང་ཉིད་གཅིག་པུར་བར་དོར་འཁྱམས་ཙ་ན༔ རྒྱལ་བ་ཞི་ཁྲོའི་ཐུགས་རྗེའི་ཤུགས་ཕྱུང་ནས༔ མ་

རིག་མུན་པའི་སྨག་རུམ་སེལ་བར་བར་ཤོག༔ དགའ་བའི་གྲོགས་དང་བྲལ་ནས་གཅིག་པོར་འཁྱཾས༔

རང་སྣང་སྟོང་པའི་གཟུགས་བརྙན་ཤར་དུས་འདིར༔ སངས་རྒྱས་རྣམས་ཀྱི་ཐུགས་རྗེའི་ཤུགས་

{263}

༄༅༔ ༔ཕྱུང་ནས༔ དངངས་སྐྲག་བར་དོའི་འཇིགས་པ་མི་འབྱུང་ཤོག༔ ཡེ་

ཤེས་གསལ་བའི་འོད་ལྔ་འཆར་དུས་དེར༔ མི་འཇིགས་མི་སྐྲག་རང་ངོ་ཤེས་པར་ཤོག༔ ཞི་

དང་ཁྲོ་བའི་སྐུ་གཟུགས་འཆར་དུས་དེར༔ མི་འཇིགས་གདེངས་ཐོབ་བར་དོ་ངོ་ཤེས་ཤོག༔

ལས་ངན་དབང་གསི་སྡུག་བསྔལ་མྱོང་དུས་དེར༔ ཐུགས་རྗེ་ཆེན་པོས་སྡུག་བསྔལ་སེལ་

{264}

བར་ཤོག༔ ཆོས་ཉིད་རང་སྒྲ་འབྲུག་སྟོང་ལྡིར་བའི་ཚེ༔ ཐམས་ཅད་ཡིག་དྲུག་སྒྲ་རུ་འབྱུར་བར་ཤོག༔ སྐྱབས་མེད་ལས་ཀྱི་རྗེས་སུ་

འབྲང་དུས་དེར་ཡི་དམ་ལྷ་ཡི་སྡུག་བསྔལ་སེལ་བར་ཤོག༔ སྲིད་པ་བར་དོར་བརྫུས་ཏེ་སྐྱེས་ཙ་ན༔ ཕྱིར་ལོག་བདུད་ཀྱི་ལུང་བསྟན་མི་

འབྱུང་ཤོག༔ གང་དུ་བསམ་པའི་དབང་གིས་སླེབས་ཙ་ན༔ ལས་ངན་འཁྲུལ་པའི་འཇིགས་སྐྲག་མི་འབྱུང་ཤོག༔ གཅན་གཟན་

ཁྲོ་བོའི་ངར་སྐད་འདོན་པའི་ཚེ༔ ཡི་གེ་དྲུག་མའི་ཆོས་སྒྲར་འགྱུར་བར་ཤོག༔ ཁ་ཆར་རླུང་དང་མུན་པས་དེད་པའི་ཚེ༔ ཡེ་ཤེས་

གསལ་བའི་ལྷ་མིག་ཐོབ་པར་ཤོག༔ རིགས་མཐུན་ནང་ཚན་བར་དོའི་སེམས་ཅན་རྣམས༔ མིག་སེར་མེད་ཅིང་མཐོ་རིས་སྐྱེ་བར་

{265}

༄༅༔ ༔ཤོག༔ ཤིན་ཏུ་ཉོན་མོངས་བཀྲེས་ཤིང་སྐོམ་པའི་ཚེ༔ ལྟོག་སྐོམ་ཚ་གྲོང་སྡུག་བསྔལ་མེད་པར་

ཤོག༔ ཕྱི་མའི་ཕ་མ་འདུ་འཕྲོད་མཐོང་ཙ་ན༔ ཐུགས་རྗེ་ཆེན་པོ་ཡབ་ཡུམ་ཉིད་མཐོང་ཤོག༔ གར་སྐྱེ་རང་དབང་ཐོབ་ནས་གཞན་

དོན་དུ༔ མཚན་དཔེས་བརྒྱན་པའི་ལུས་མཆོག་ཐོབ་པར་ཤོག༔ བདག་ནི་སྐྱེས་པའི་ལུས་མཆོག་ཐོབ་གྱུར་ནས༔

མཐོང་ཐོས་ཐམས་ཅད་མྱུར་དུ་གྲོལ་བར་ཤོག༔ ལས་ངན་ཐམས་ཅད་རྗེས་སུ་མ་འབྲངས་ཤིང་༔ བསོད་ནམས་ཐམས་

ཅད་འཕེལ་ཞིང་རྗེས་འབད་ཤོག༔ གང་དང་གང་དུ་སྐྱེས་པ་དེ་དང་དེར༔ ཚེ་རབས་ཡི་དམ་ལྷ་དང་མཇལ་བར་ཤོག༔ སྐྱེས་

{266}

མ་ཐག་ཏུ་སྨུ་ཤིང་དོན་ཤེས་ཏེ༔ སྐྱེ་བ་དྲན་ཞིང་མི་བརྗེད་གཟུངས་ཐོབ་ཤོག༔ ཡོན་ཏན་ཆེ་ཆུང་འབྲིང་དང་སྣ་ཚོགས་པ༔

ཐོས་བསམ་མཐོང་བ་ཙམ་གྱིས་ཤེས་གྱུར་ཅིག༔ གང་དུ་སྐྱེས་པའི་ཡུལ་དེར་བཀྲ་ཤིས་ཤིང་༔ སེམས་ཅན་ཐམས་ཅད་བདེ་

དང་ལྡན་གྱུར་ཅིག༔ རྒྱལ་བ་ཞི་ཁྲོ་ཁྱེད་སྐུ་ཅི་འདྲ་དང་༔ འཁོར་དང་སྐུ་ཚེའི་ཚད་དང་ཞིང་ཁམས་སུ༔ ཁྱེད་ཀྱི་མཚན་མཆོག་

བཟང་པོ་ཅི་འདྲ་བ༔ དེ་འདྲ་ཁོ་ནར་བདག་སོགས་འགྱུར་བར་ཤོག༔ བར་དོའི་སྨོན་ལམ་འཇིགས་སྐྱོ་བས་མ་ཞེས་བྱ་བ༔ ཨྱོན་གྱི་མཁན་པོ་པདྨ་འབྱུང་

གནས་ཀྱི་མཛད་པ༔ ཇི་སྲིད་འཁོར་བའི་འཇིག་རྟེན་མ་སྟོངས་བར༔ དེ་སྲིད་ཟབ་ཆོས་འདི་ཡང་མ་རྫོགས་ཤོག༔ རྒྱ་རྒྱ་རྒྱ༔ སྤྲུལ་སྐུ་ཀརྨ་གླིང་པའི་གཏེར་མའོ༔ ༔